الموضوع: مدرس فلسفه بيبيع طعميه ! حسبي الله و نعم الوكيل

امبارح وحشتني الطعميه فقلت انزل اجيبلي كام قرص انقنق فيهم ... واقف في المحل فاتلاقيت راجل شكله جديد بيعبيلي الطعميه ... حاسس اني شوفت الراجل ده قبل كده بس مش فاكر فين ... جبت الطعميه و قاعد انقنق و افكر شوفت الراجل ده فين ... افتكرت ... طلع مدرس الفلسفه بتاعي و انا في ثانويه عامه ... للدرجه دي الفلسفه معدتش جايبه همها فتشتغل بياع طعميه ؟ حسبي الله و نعم الوكيل فاللي وصل حال الراجل ده للشكل ده

أنا كنت مدرس انجلس يا جدعان و سبت الشغلانة دي خلص و ربنا ما يحوجني اشتغل في مدارس تاني، علماً اني كنت بشتغل في مدارس دولية أمريكي و بريطاني و ib كمان! لكن في الاول و في الاخر المدارس عملة زي الستات وحدة بيضة، سمرة، تخينة، رفيعة، لكن في الاول و الاخر كلهم ستات! الاهالي عاوزين عيالهم يجب نمر حلاوة... منين ألف لهم نمر؟ ولا إنت عاوز كولي أمر تشتري النمر بالفلوس؟ و الت أدب من الزمايل في أحيان لم يعرفو مرتبك و اسافين و كل العيال أهاليهم يكلمو الادارة بالتلفون لدرجة إن مديرة القسم تقريباً البت أدتها ل-call سنتر و نعم و حاضر!! مرة كان عندي ولد بيغيب كتير و منفض للواجب بتاعو، أقلو عملت الوقت اه فالبيت أو لأ. أنا أوك أدامك حالٍ يا تعد في البريك و أنا أعد معك لو مفهمتش حاجة، طبعاً يقلي فالبيت لو جابو تاني يوم بسب لو معملوش بعض معاه في البريك. مرة المديرة بتاعة القسم بتقولي بما معناه ما تخف على العيال شوية يا مستر. قلتها حضرتك مدرتي أؤمريني... قالتلي بص إلي يحل الواجب هيبقى كويس و إلي ما يحلش هيبقى تعبان و هو إلي عايز كدة! يا سلام ده حضرتك كدة بتريحيني من التصحيح. لكن منعاً للحرج اكتبي ورقة حطي فيها التاريخ و أولي الكلمتين دول و إن هي تكون مسألتك الشخصية لو حد من الاهالي إعترض ... بصتلي بصة!!! إلي هو إنت عايز تعمل فيا تيت و رسمي كمان و البوز المصري المحترم طلع! ده غير إن في في ثانوي و ممكن إعدادي بسمع من زميلي إن الطلبة طبعاً بعضهم بيتفرجو على أفلام إباحية و في قلب الحصة! و إنت لو مدرس و رجل محترم إفتح بقك بأي شكوى و إنت إلي هتكون أكيد الغلطان!!! نفسي أقول كل الكلام الوحش بس على إيه الطيب أحسن و أدني سبت شغلانة المدرس و فتحت شركة صغنونة كدة على قدي، يا ريت تدعولي - أخوكم أحمد سامي