للاسف انا شرقاوى

**eng/muhamad** · 25-05-2012 02:27 PM

للاسف الشديد اعلنها صريحه انا زعلان جدا ان انا من الشرقيه
الشرقيه ايام الثوره كانت اقل المحافظات مشاركه و تاثير مع ان بها عدد سكان لا يستهان به
جت فتره ايام الثوره مكنش ينفع ابعد عن البيت عشان عايش مع والدتى لوحدنا فبحب اكون قريب منها على طول و كنت هموووووووت و انزل التحرير لكن مبنزلش كنت بتمنى مظاهره كبيره او مؤثره تخرج من هنا عشان نمشى فيها و نعمل حاجه لكن للاسف هيهات هيهات حتى يوم جمعه الغضب الناس بتمووووووووت و الخطيب عندنا هنا طلع على المنبر اتكلم كلام بعييد جدا عن اللى بيحصل كان خايف يتكلم عن الثوره
حتى لما ناس طلبت منه الدعاء فى الصلاه قعد يقول رب اغفر لنا و ارحمنا مفكرش يدعو دعوه واحده ربنا ينصر الثوره او ينصر مصر حتى و لا يدعو للناس اللى بتموت
و امبارح و اول امبارح للاسف الشرقيه اعطت صوتها لاحمد شفيق عاوزنا نرجع عبيد تانى
و النهارده الخطيب كان بتكلم عن تطبيق الشريعه و ان لو حد اختار غلط فى الاول قدامه فرصه فى الاعاده يصلح قراره و يخار حد يبتغى وجه الله
للاسف الناس خرجت تتريق عليه من الصلاه و مش عاجبها كلامه و تلاقى واحد واقف قدام الجامع بيوزع ورق كنت فاكره كالعاده اعلانات للكن للاسف طلع ورق فيه نتائج الفرز و هو بيوزعها عشان فرحاااااااااااااااان ان شفيق هيدخل فى الاعاده
لكل هذه الاسباب بتأسف انى شرقاوى
و فى النهايه
واحب اقول لكبار السن الى انتخبوا شفيق :
شكرا على انكم بتحاولوا بكل قوتكم تبوظوا مستقبلنا زى ما بوظتوا مستقبلكم ..مستقبلكم الى هو حاضرنا ..الى ناس مننا احنا مش منكم ماتت وضحت بحياتها عشان تغيره ..رغم انكم انتم السبب فيه مش احنا.

**mastr_n** · 25-05-2012 02:54 PM

المشكلة ان الشرقية ايام الثورة كانت هادية جدا تحس ان مافيش ثورة خالص
كنت بموت من جوة ان البلد تتحرك تعمل اى حاجة لكن لا حياة لمن تنادى

دة احنا بلد احمد عرابى معقول كدة !!!!!!!!!!!!!!!!!!!!!!!!!!!!!!!!!!!!!1

المهم مش كل الناس مثقفة وعندها انترنت ولاب توب ويعرفوا بلاوى احمد شفيق الناس عايشين فى جهل وفقر من سنين طويلة جدا فتلاقى اغلبية كبار السن يقولك مافيش غير شفيق الى هايظبط البلد راجل عسكرى عندة خبرة للاسف

ثورتنا فشلت فشل زريع وربنا يستر على البلد

**Medo.Malek** · 25-05-2012 03:04 PM

طب تقول اية على المنصورة !! :(
طب احنا خرجنا فى مظاهرات امتدت من المحافظة للجامعة ( مسافة لا تقل عن 3 كيلو متر تقريبا ) و ناس كتير جدا راحت التحرير و ناس ماتت و ناس اتسجنت و ووو
و بعد كل ده شفيق حصد ما يقارب نص مليون صوت !
حسبى الله و نعم الوكيل

**casperinoo** · 25-05-2012 04:05 PM

الاخوان قفلوا الشرقيه فردي وقوائم في مجلس الشعب ...
يجي شفيق يكتسح بالمنظر ده بعد 6 شهور....
علي التيار الاسلامي مراجعة نفسه

**eng/muhamad** · 25-05-2012 05:57 PM

وا اسفاه
ياريتنى ما كنت شرقاوى

**mahmoudysf** · 25-05-2012 06:36 PM

متزعلش نفسك يكفيك موقفك
وبعدين تفسيري ان فيه ناس كتير من الشرقية متطوعة في الجيش
اكيد اهاليهم هيدو شفيق

**eng/muhamad** · 25-05-2012 07:21 PM

للاسف بقى انا الارجا بتاعت الجيش بتاعى يوم التلات الجاى
و مش متخيل نفسى ادخل الجيش و اجى فى يوم اسمع كلمه الفرق احمد شفيق القائد الاعلى للقوات المسلحه ازززززززززززززززززززززززا ااااااااااااااااااااااااى الراجل اللى خرجت ضده فى يوم من الايام يبقى رئيس عليا فجاه كده

**Screenplays** · 25-05-2012 07:25 PM

انا روحت الزقازيق مره واحده عشان شهاده الاعفاء من الجيش ... بصراحه حمدت ربنا اني عايش في بورسعيد

**eng/muhamad** · 25-05-2012 09:03 PM

صدقونى فى اقرب فرصه سوف اتنازل عن شرقاويتى و احاول نقل معيشتى الى الاسكندريه
و اذا نجح شفيق اقسم بالله
انى سوف احاول الحصول على جنسية اخرى غير المصرية

**zangry** · 25-05-2012 09:08 PM

واحنا برده المحلة اللى الحمدلله كويسة اغلب الاصوات راحت لحمدين بس طبعا الغربية كلها وطنطا ادوا ل شفيق :(

محدش يعرف يطلعلى بطاقة تبع اسكندرية :d

الموضوع: للاسف انا شرقاوى

LinkBack

أدوات الموضوع

عرض

للاسف انا شرقاوى - انشر الموضوع فى :

-

-

-

-

-

المواضيع المتشابهه

هابيع ال 250 r للاسف

للاسف

للاسف بعت اللانوس

عتاب سلطانى على صديق شرقاوى...

الكلمات الدلالية لهذا الموضوع

المفضلات

المفضلات

ضوابط المشاركة