رينو سانديرو ...ارجو المساعده

**zizo18000** · 26-05-2012 06:33 AM

كنت عايز حد من ملاك السانديرو او اي حد جربها او علي معرفه بحد جايبها يقوللي عن مميزاتها و عيوبها و اهم حاجه الثبااااااات و شكرا مقدما :)

**sherifboo** · 27-05-2012 03:36 AM

..السيارة فعلا ممتازة من ناحية القيمة مقابل المبلغ المدفوع فيها ....العفشة ناعمة بدرجة كبيره و ايضا الثبات. ....الحاجة الوحيدة بس انها من ناحية السرعة هتحس انها تقيلة شوية خصوصا في الغيار الاول و التاني وكمان في.اول.5000 كم يمكن عشان انا معايا مانيوال.فالمتوو90حصانن ...لكن ارجع و اقول لحضرتك انك فعلا حتحس انك ملكت سيارة في فئة مقابلة ليها في امكانياتها في ماركات تانية هتعدي سعرها ال 100 الف و ربنا يوفقك في الاختيار و اي استفسار تحت.امرك.

**zizo18000** · 02-06-2012 04:55 AM

المشاركة الأصلية كتبت بواسطة sherifboo

..السيارة فعلا ممتازة من ناحية القيمة مقابل المبلغ المدفوع فيها ....العفشة ناعمة بدرجة كبيره و ايضا الثبات. ....الحاجة الوحيدة بس انها من ناحية السرعة هتحس انها تقيلة شوية خصوصا في الغيار الاول و التاني وكمان في.اول.5000 كم يمكن عشان انا معايا مانيوال.فالمتوو90حصانن ...لكن ارجع و اقول لحضرتك انك فعلا حتحس انك ملكت سيارة في فئة مقابلة ليها في امكانياتها في ماركات تانية هتعدي سعرها ال 100 الف و ربنا يوفقك في الاختيار و اي استفسار تحت.امرك.

انا بشكرك جدا يا فندم علي اهتمامك و ذوقك .... انا بس عايز اركز عند موضوع الثبات ده. .. يعني لحد كام اقدر اجي بيها يمين و شمال و الملفات ع السرعات العاليه و شكرا جزيلا :(

**sherifboo** · 06-06-2012 03:20 AM

شوف حضرتك في المنحنيات انا ساعات بيجيب فيها لحد 70 كم يعني.مثلا مطلع الدائري من عند حازم حسن اللي في طريق مصر اسكندرية الصحراوي بصراحة انا مش دايما بجيب سرعة زي دي بس عشان انا مابحبش الجري كتير بس ساعات الواحد بتطلب معاه يجرب العربية و خصوصا لو جديدة زي الستبواي ويدوس شوية اما في الطرق المفتوحة فانا جبت بيها لحد 165 كم وكانت لسة ممكن اسررع اكتر بس ماحبتش. .على فكرة الكاوتش الل بتنزل بيه اسمه كونتينتال و ده الماني وبلاقي كتير في عربيات زي البي ام و المرسيدس بس طبعا هناك بينزل الحجم السبورت اللي عاوز اقوله ان كمان الكاوتش بيساعد علىالثبات واخيرا يا باشا لاشكر على واجب الواحد نفسه يفيد الرجالة زي ما استفدت كتير و اللي بجد.عرفت معلومات كتير ساعدتني على قرار الشراء و انا تحت امرك.