اشتر ي ايه و جديد ام مستعمل

**khaled_eid** · 26-05-2012 10:08 AM

انا بيعت الدايو لانوس منذ ايام و كانت سياره اشتريتها من سوق الجمعه و لم اعلم انها مقلوبه و مغيره سقف الا بعد ما بيعتها
انا عايز عربيه عاليه عن الارض و عفشه قويه و تتحمل يوميا 100 كم من القاهره لقليوب و معجب بالنيسان قشقاي بس الاوفر 10 الااف مستكتره
الاولاد عاجبه التريوس و بافكر اشتريها موقتا لغايه زيرو و احجز النيسان

و الحل الاخر امامي عربيه رينو سكالا مضمونه بس كل الناس مخوفاني انها بتخسر كتير
انا مش عارف اشتريه ايه كويس و مستعمل و لا جديد عشان ماخسرش لما ابيعه بعد 6 شهور مثلا و بالاخذ في الاعتبار احوال البلد

**Ghosts** · 26-05-2012 11:00 AM

أنا زيك بالظبط ....
بقالى مدة عايز أغير عربيتى بس خايف من أحوال البلد اللى ماتسرش ....

شوف حضرتك ....
خليك فى الكورى أو اليابانى عشان هو دة الكسبان فى بلدنا النهاردة بس أصبر لغاية ما تستقر أوضاع البلد ....

**khaled_eid** · 26-05-2012 11:12 AM

المشاركة الأصلية كتبت بواسطة ghosts

أنا زيك بالظبط ....
بقالى مدة عايز أغير عربيتى بس خايف من أحوال البلد اللى ماتسرش ....

شوف حضرتك ....
خليك فى الكورى أو اليابانى عشان هو دة الكسبان فى بلدنا النهاردة بس أصبر لغاية ما تستقر أوضاع البلد ....

للاسف انا متعود ان يكون عندي عربيه و الاعتماد فقط علي سياره زجتي الكيا بيكانتو حيخليها تتبهدل بسرعه انا علي فكره شوفت اسعار عجيبه في المستعمل مثلا كرولا 2012 خليجي بها جنوط بس طالب 155 الف و الجديد من التوكيل عامل 165 و جيتا 2007 عامله 13 الف فقط و جيت اشوف تاريج اكاوتش لقيته 2011 و حاجات كتير كده

**mohammedabdallh** · 26-05-2012 11:15 AM

بدال هتبيع على طووول
يبقى بلاش جديد
اى حاجه مستعمله على الاقل الخساره مش بتبقى كتير وسعات بتكسب كمان
يبقى يبانى او كورى فى المستعمل

**mohammedabdallh** · 26-05-2012 11:23 AM

المشاركة الأصلية كتبت بواسطة khaled_eid

منين اكل اعلانات النت مش جادين تروح لغايه بيته تلاقي تليفونه مغلق و يقول فابريقه و تلاقيه فيها توكيل و هو تاجر للاسف كل مصر بتاجر في العربيات و انا مش عاريز اتخم تاني كفايه الخازوق اللي فات اللي الرجل باعني و ادبست في عربيه مقلوبه و مغيره سقف

هى دى المشكله اشترى من حد ثقه وموثوق منه

**khaled_eid** · 26-05-2012 02:07 PM

المشاركة الأصلية كتبت بواسطة zinger

نصيحة خليك ف الزيرو طالما مابتعرفش اوى ف المستعمل , انا لعبت ع الحصان الكسبان واللى عمره مابيخسر ابدا وجبت نيسان صنى , عربية ممتازة وبتحتفظ بقيمتها الشرائية اطول فتره وعند البيع حتتباع معاك هوا عشان مطلوبه وسوقها ماشى , وبالتوفيق

و الله ناس خوفتني و تقولي بتاكل بنزين

**omaroof** · 26-05-2012 02:07 PM

اخى العزيز المستعمل كله غش اه لكن فيه كتير عربيات كويسه وعربيات ممتازه لكن لازم تتابع الاعلانات وتلف كتير وماتخدش بالحلفان ولا اغلظ الايمان لكن العربيه اللى تعجبك تروح تفحصها فى توكيلها
غير كدا لااااااااااااااااااااااا