الموضوع: سيراتو خليجى

العربيه حلوه بس معروضه عند الريان ب 106000 بس من غير جنط

و علشان يبقى عندك علم أنهم بيشيلوا الكاسيت الاصلى و بيركبوا الكاسيت التاتش ده بالكاميرا و تمنه 800 جنيه

انا فعلا شوفتها عند سمير ريان من غير جنط,بس سألت فى جابر عبد الشهيد والاحمدى قالولى فيه بجنط 15 .بس ايه حكايه انى اشترلها ضمان ديه,ديه بجد ولا ايه بالظبط وفعلا الخليجى احسن من الوكيل,وبيقولى طالما ان الكاسيت تاتتش تبقى الطارة عاديه مش مالتى انا مش عارف ده صح ولا اشتغاله

شوف الخليجي من غير ضمان ولكن بتشتري له ضمان من شركات زي aaa ضد عيوب الصناعة بس "ملهومش صيانة زي التوكيل"

لكن الوكيل اذا حصلت للسيارة اي شئ خلال 100.000 كيلو او 5 سنوات هو هيخلص لك الامور مع مهندسين فاهمين المنتج صح مش اي صنايعية عاديين يعني التوكيل هيديك صيانة الـ1000 كيلو والـ10.000 والـ20.000 ... الخ كل ده جوه الضمان

لكن الخليجي اذا حصلت فيه اي حاجة شوف بقي هتوديها فين وحرام والله تجيب عربية جديدة 2012 وتحصل لها حاجة تبقي رميت فلوسك في الارض حرام بجد

ده رأيي الشخصي وانا ده السبب اللي خلاني اشتري الريو 2012 بتاعتي من التوكيل علشان موجعش راسي بأي حاجة في العربية

السيراتو بقت تتصلح بره ومنتشره قوى واى قطعه موجودة ولو عايز تجمع سيراتو من تجار المقطع هاتجمع اتوكل على الله الخليجى انظف

اولا مبروك على العربيه وربنا يحرصهالك,ثانيا عندك حق فى كلامك,بس بص السيراتو بالمواصفات ديه هتبقى بكام فى الوكيل ده اللى خلانى اروح للخليجى,
وافهم من كلامك ان شراء الضمان ده اى كلام مش زى الوكيل طبعا,والعربية الريو عامله معاك ايه وجبتها بكام,لان فى ناس كثير بتقلقنى منها,وشكرا لردك

المشاركة الأصلية كتبت بواسطة raedegypt

السيراتو بقت تتصلح بره ومنتشره قوى واى قطعه موجودة ولو عايز تجمع سيراتو من تجار المقطع هاتجمع اتوكل على الله الخليجى انظف

ماهو الواحد بقا محتار خليجى واشترى ضمان وابقى اسمى راكب عربية بجد فيها اوبشن ولا وكيل واسمى راكب سيراتو ومن جوه فاضيه بجد الواحد بقى محتار

لأ و الله معرفش بس الى قالى المعلومه دى معرضين و احد ورا طيبه مول و التانى فى شارع التوحيد و النور بتاع مكرم عبيد قبل متحصل المول