38 ألف تجيب جديد ولا مستعمل

**hashoom1985** · 27-05-2012 12:46 AM

لو معاك 38 ألف، تدفعهم مقدم عربية جديدة (لانوس، هيونداي، أو لوجان - أخري حاجة ب 80)، ولا تجيب بيهم مستعمل (أكسنت مثلا) وتريح دماغك من الأقساط؟
مع العلم دي أول عربية ليا

**aboharb** · 27-05-2012 01:26 AM

طالما اول عربيه يستحسن مستعمل علشان تاخد خبره مع الصناعيه ومع العربيه وبعدها تركب جديد احسن وبينى بينك الواحد مش عارف البلد رايحه فين فبلاش يكون عليك اقساط لما تكون عربيتك ومعلهاش حاجه احسن من يكون عليها مديونيه والله اعلم

**MohammedAladel** · 27-05-2012 10:28 PM

بالنسبة لى مبحبش التقسيط لو حضرتك متعلم السواقة كويس ومش فارقة معاك التقسيط خليك فى لوجان عربية جميلة جدا بالنسبة لسعرها وأمكانياتها وشيك جدا فى الفئة السعرية دى وطبعا معاك توكيل محترم لو تابعت معاه الصيانة الدورية وأسعارها مناسبة كمان العربية هتفضل معاك مية مية لو مش متعلم القيادة ممكن تجيب عربية مستعملة وتتعلم عليها وبعدها تركب حاجة أعلى بس برضه المستعمل بلاعة مصاريف ولكن سعره قليل وبدون أقساط ولو اتخبط ممكن تداويه بقليل ومش هتخسر فيه كتير المشكلة فى إنك لو جبت عربية جديدة ومش بتسوق كويس وهتتعلم عليها أنا مش هقولك هتخبطها عشان انت بتتعلم لكن ممكن تخبطها عشان اللى بيعلمك مبيعرفش يعلم ومش أى حد يسوق كويس يبقى يعرف يعلم غيره