عيوب ومزايا السويفت

**AhMeD MeTwAlY** · 27-05-2012 01:21 AM

اولا اعرفك بنفسي
احمد متولي (فاشل)
انا كان معايا فليشيا موديل 95 وكنت معدل الموتور بتعها ومظبط شوية حجات فيه فكان تسارعها عالي شوية وكنت بحط علي ناس كتير وانا زي ما الناس بتقول من النوع الي رجله تقيله علي البنزين شوية
فكرت اشتري حاجه في حدود 24 الف لقيت مش قدامي غير الفليشيا- السويفت طبعا غير العربيات الكسر الي هي 131-504 والحجات التعبانه دي
فقولت يا سويفت يا فليشيا
طبعا انطباعي عن الفليشيا حمالة قسيه وثبات خرافي موضوع السخونه انا علجته بتعديلاتي وطبعا بعت العربيه بعد لما دمرتها ومبقتش نافعه عربيه اساسا
فكنت عايز اشوف السويفت ايه اخبارها هل هتستحمل مع العلم ان العربيه هتكون للبيت يعني هتمشي 1000 كيلو دول كل شهرين
اهم شئ تنصفني لو حبيت اشد مع حد
ومحدش يقولي هات التو او ماروتي لانهم عربيات صغيره جدا وكبرها معايا كبست بنزين واحده والبساتم هتخرج من الشكمان واحد واحد وهحتاج احط جردل في الشكمان يلمه
وفي شوية اسأله كدا
صوت الموتور ناعم ولي خشن؟(دي بردو كانت خنقاني من الفليشيا بسبب سير الكتينه)
ارتفعها عن الارض ؟(الفليشيا كان فتسها واطي شويتين)
ركب معايا 5 في العربيه وحاطط حجات في الشنطه هل هتبق العربيه ضيقه والشنطه هتشيل ولي لا
وهل العربيه هتهبط ولي ايه ظروفها ؟؟
استهلاك البنزين اخباره ايه؟؟
قطع الخيار قصدي الغيار ؟؟
ميكانيكا العربيه بسيطه ولي مش اي حد يشتغل فيها؟؟
اعرف انها ازاي انها عربيه نضيفه ؟؟
اسف للاطاله وطمعان في كرم الاخوه الاعضاء انهم يفيدوني
وشكرا لكم جميعا

**Amr Axel** · 27-05-2012 01:33 AM

اهلا و سهلا بيك يا احمد باشا
هقولك حاجة السويفت حلوة لكن يعيبها انها قدمت و بالتالي القدم ليه اثار

كحجم تقترب من الالتو الماروتي أصغر من الاتنين كبيرك ورا 3 حجمهم وسط او رفيعين و جنبك واحد و عشان تحكم أقعد في ديه و أقعد في ديه بالاضافة طبعا لقدم الموديل و قلة الانتشار الي حدا ما و الذي أدي ان بعض قطع الغيار صعب تلاقيها شوية سيبك من السيور و التيول و الكلام الفاضي ده لكن الحاجات ممكن تكون قليلة شوية الحاجات التقيلة

ع حد علمي سير الكاتينة عادي مش جنزير

بالنسبة الشد هقولك جرب قبل ما تحكم أبسط مثل د حازم hm414 مركب تكييف في الماروتي و العربية ما شاء الله الله اكبر بيشد بيها و بيطلع بيها فوق الارصفة و الرمل و التكسيير انا كنت قاعد جنبه كان ناقص أبوس ايديه عشان يهدي بالعربية ههههههههههههه هتلاقي العربية مجمعة معاك 100-120 عالطول
الشغل فيها عادي اي حد كويس بيشتغل فيها

تعرف ازاي انها كويسة بص الموضوع ده لكن طبعا ميغنش ان لازم يكون معاك شخص فاهم يبصلك عليها او تكشف عليها في اي مركز
http://www.nilemotors.net/Nile/244408-a.html

فجرب كل دول و شوف اللي هتستريح ليها اكتر و توكل ع الله و جيبها أهم حاجة تشوف و تحكم بنفسك متاخدش بالشكل الخارجي او من كلام ناس

الموضوع: عيوب ومزايا السويفت

LinkBack

أدوات الموضوع

عرض

-

المواضيع المتشابهه

ما هى عيوب ومزايا صنى 1996

كل ما كتب حول عيوب ومزايا النيو أكسنت

إلى مالكى جراند بونتو..ماهى عيوب ومزايا السيارة؟؟

عيوب ومزايا الفتيس الاتوماتيك والمانيوال

أقتراح .. بخصوص عيوب ومزايا كل سيارة

الكلمات الدلالية لهذا الموضوع

المفضلات

المفضلات

ضوابط المشاركة