عروض المصرية للسيارات في التقسيط

**AhMeD MeTwAlY** · 27-05-2012 03:58 AM

[justify]ايه رايكم يا جماعه في العروض الي بنشوفها كل يوم جمعه في الجرنال بتاع السيارات انا بشوف عروض تقسيط خرافيه تلاقي عربيه مقدمها كلام فارغ وقسطه افرغ منه بشويه ومفيش فايده وحجات كتيره كدا مغريه ؟؟
يا ريت نتكلم باحترام بدون تجريح زي ما اتعودنا من الساده اعضاء المنتدي المحترمين
وشكرا[/justify]

**Elawany13** · 27-05-2012 05:38 AM

كلام جرايد ياباشا غير صحيح اطلاقاً
أنا بعتبره نصب المفروض لو فى دولة محترمة يعاقبوا عليه
لو مش مصدق روح زيارة بسيطه لأى فرع من فروعهم هتلاقى كلام تانى خالص
وأسعار تانية خالص

**mohammedabdallh** · 27-05-2012 11:19 AM

المشاركة الأصلية كتبت بواسطة corsair

كلام الاستاذ Elawany13 مظبوط 100% كله كلام في الهوا وضحك علي الناس انا قبل كدا صدقتهم وروحت اسئل واقوله انتوا كاتبين في الوسيط المقدمه حاجه والتقسيط حاجه واللي انتا بتقولهولي ده حاجه تانية خالص قالي عايز نفس النظام اللي في الوسيط تحطلنا مبلغ العربية بالكامل كاش وديعه في البنك وهما يصرفوا فوايدها قولتلهم ده علي اساس ان لو معايا مبلغ العربية كاش مكنتش كيشتها كلام وضحك فوق الخيال

هو ده كلام الناس العقليين
ده انا مره كلمتهم فى التليفون وقالولى كلام
روحت لقيت كلام تانى
بقولك فى التليفون مش الجرايد

**mohamed_selim** · 27-05-2012 04:30 PM

فى الاعلانات بيكتبو اقل مقدم و اقل قسط ... الاتنين ميمشوش على بعض ... لو اخدت اقل مقدم هتدفع اكبر قسط و لو عايز اقل قسط يبقى تعمل حسابك على مقدم محترم ... بس ده لا يمنع ان جر الرجل بكلام فى الهوا موجود و عند الاتفاق بتظهر شوية مصاريف و شروط مستخبيه