الموضوع: تصميم رخم للوجن

يا جماعة انا معايا لوجن ومعجب بيها وبإمكانيتها جدا بس مش عارف ليه الشركه اللي صنعتها متعمده سؤ التصميم في اماكن الأزرار وفتحة الشنطه المانيول والحاجات اللي اتكلمنا فيها كتير دي وكمان لسه واخد بالي من حاجة ارخم وهي ان كمبرسور التكييف وطلمبه الباور في وش العربيه يعني لاقدر الله اقل خبطه هتلاقيهم بالسلامه ...مش فاهم ليه عاملين كده

المشاركة الأصلية كتبت بواسطة ahmed_m_ashraf

مش هاقدر أفتي في موضوع الكمريسور وطلمبة الباور لأني مش مهندس ميكانيكا, بس أعتقد أغلب العربيات كمبريسور التكييف موجود فى مقدمة العربية على اليمين والله أعلم.

موضوع أماكن أزرار الزجاج, مش شايف إن فيه مشكلة بصراحة بس مكان أزرار الزجاج الخلفى مش متوقع, يعنى لازم لما حد يركب ورا يسألني فين زرار الزجاج. لاكن بالنسبة للسائق كل الأزرار فى متناول اليد وممكن كمان تفتح الزجاجين الأماميين بغيد واحده و الخلفيين يإيد واحده, فأنا مش شايف إن أماكنهم فيها مشكلة أو صعب الوصول ليهم, فيما عدا ملاظة الأزرار الخلفية. كل الموضوع إن إحنا مش متعودين على كده.

فتح الشنطة, على عكس إللى بيتقال وأنا شخصيا كنت فاكرة حيدايقني, ممتااااااز, أقولك إزاي ...
طول منتا فاتح السنتر الشنطة مش معمولها لوك, تقدر تقتح الشنطة عادي من الزرار إللى فيها من غير متروح تفتحها من الزرار إللى بيبقى تحت كرسي السواق كالعاده, ولما تيجي تتحرك بالعربية, إعمل لوك للأبواب والشنطة من زرار السنتر لوك إللى في التابلوه, أحلى حاجة في النتر لوك إنه بيعمل لوك لكل الأبواب من بره والشنطة كمان, لاكن لو حبيت تفتح أي من البابين الأماميين من جوه ونسيت تلغي اللوك, هيعمل unlock أوتوماتيك وهيفتح معاك عادي. ولو حب حد ياخد حاجه من الشنطة وإنت من جوه العلربية إلغي السنتر لوك وهو يقدر يفتح الشنطة بنفسة من الزرار إللى فيها. أنا شايفها عمليه جدا ومفيهاش أي عيب بصراحة.

فتح التنك, بصراحة هو الحاجة الوحيده إلىى غلسة شوية لو إنت من انوع إللى مش بينزل من العربية وهو بيمون بنزين, لكن فيه ناس كده كده متعوده تنزل وهي بتمون عشان تراقب عدادا الليترات. أنا عن نفسي كان فتح التنك من الداخل مش شغال في عربيتي القديمة فمحستش بفرق هههههههههه.

الكلاكس, فعلا مكانه غلش وتقريبا كده مفيش غير الفرنساويين إللى متعودين على المكان ده للكلاكس,. لاكن برضه هتتعود علي مكانه في أقل من إسبوع لو بتسوق كل يوم. المشكلة لوحيده إنك لما ربنا يكرمك وتغير من اللوجان لحاجة تانيه هترجع تتعود على المكان الطبيعي تاني ههههههههه.

معلش ياباشا طولت في الرد بس حبيت أنقل رأيي فى الحاجات دي عشان الكلام عليها كتير إنها من عيوب العربية أنا نفسي كنت مقلق منها قبل ما أشتري, وبعد كده إكتشفت إن بعضها مش عيب خالص وبعضها ممكن التعايش معاه أو التعود عليه.

اشكرك علي الرد وطول يا باشا براحتك ميهمكش ..انا معاك في كل اللي قلته والعربيه جميله بس انا مستغرب بس من حاجات لو عملوها مش هتكلفهم حاجة وهتريح السائق ....يعني كل العربيات دلوقتي بتعمل ازرار الأربع شبابيك في باب السائق تقفل وتفتح وانت ايدك مرتاحه ومن غير ما تبص علي الزرار .....اما موضوع كمبروسور التكييف وطلمبة الباور ده لو كان بعيد عن صدر العربيه يبقي احسن بكتير بحيث لو العربيه لاقدر الله اتخبطت صاحبها ميتخربش بيته قوي ويضطر يغير حاجات كتير بس ...علي الله يفهمو طلبات المصريين بقي ويعدلوا تصميماتهم دي