الطريق للتوفل What Is The Best Way For TOEFL

**MRBEBO** · 27-05-2012 09:30 PM

يا جماعة انا عاوز رايكم للاهمية

انا بحلم اني ابقى متمكن جدا في فهم واستيعاب والتحدث بالانجليزي

انا حاليا مستوايا تقريبا ما بين 60 % - 70 % كاجادة

انا اخدت ليفيلين تلاته في القوات المسلحة وبيرلتز

المهم انا عاوز شرح بالتفصيل الممل جداااااااااا جدااااااااا

ازاي اتقن اللغة لاني بعشقها جدا وعاوز اتقنها لدرجة اني احصل على شهادة من اتنين

IELTS OR TOEFL

او اتجنن واخد الاتنين ههههههههه طبعا استحالة بس لو بطلنا نحلم :))

المهم عاوز شرح وتفاصيل وخبرات ولينكات وتجارب وبرامج وكتب .......... الخ

ياريت متبخلوش عليا باي معلومة

على فكرة الانجلش الحاجة الوحيدة اللي بتحسن حالتي المزاجية

لما اكون مكتئب او محبط او حاسس بقلة الحيلة بحس اني لسه عندي هدف لازم اشتغل عليه ومحتاج جهدي

شكرا مقدما لكل الافكار

**Screenplays** · 27-05-2012 10:05 PM

اعد قدام الافلام و المسلسلات الاجنبي و هتلاقي نفسك واحده واحده بتتفرج عليهم من غير ترجمه ... انا عن نفسي بفهم 65 % من الكلام بدون ترجمه

**minicooper20** · 27-05-2012 10:14 PM

المشاركة الأصلية كتبت بواسطة screenplays

اعد قدام الافلام و المسلسلات الاجنبي و هتلاقي نفسك واحده واحده بتتفرج عليهم من غير ترجمه ... انا عن نفسي بفهم 65 % من الكلام بدون ترجمه

لاموخده يعنى و ده ايه علاقتو بالتويفل
و انا لما اقعد قدام فيلم و افهم المحادثه القدامى كده ادخل تويفل
مكنش حد غلب

**Screenplays** · 28-05-2012 12:23 AM

و الله انا دخلت توفيل بالطريقه دي و نجحت في الامتحان بس مكملتش الكورس عشان الثوره قامت هههههههههههه

**MRBEBO** · 28-05-2012 03:21 PM

احمد باشا شكرا لمشاركتك بس انا محتاج تفاصيل اكتررررر

الكلام كده عام ومحتاج شرح والبداية ازاي

فين المشاركات يا جماااااااااااااعة :((

**Screenplays** · 28-05-2012 04:30 PM

زي ما قلتلك بالظبط بس الموضوع هياخد منك وقت و طبعا متنساش تترجم اي كلمه سمعتها منتاش فاهمها او قريتها و منتاش فاهمها ترجمها برضه

**MRBEBO** · 29-05-2012 01:59 PM

تمام يا احمد وعاوز اقول حاجة برضوا لاني انا عاوز اشارك برايي في موضوع الافلام ده ممكن كمان الواحد ممكن ينزل سبتايتل انجلش للفيلم الانجلش علشان لو مقدرش يفهم الكلام لان الامريكان بيتكلموا بسرعة وكمان فيه اختصارات كتيرة جدا ممكن الواحد ميستوعبهاش من النطق

يا جماعة ياريت تتفاعلوا مع الموضوع اكتر من كده :(

محتاجين خبراتكم جميعا

**mastr_n** · 29-05-2012 03:09 PM

المشاركة الأصلية كتبت بواسطة MRBEBO

تمام يا احمد وعاوز اقول حاجة برضوا لاني انا عاوز اشارك برايي في موضوع الافلام ده ممكن كمان الواحد ممكن ينزل سبتايتل انجلش للفيلم الانجلش علشان لو مقدرش يفهم الكلام لان الامريكان بيتكلموا بسرعة وكمان فيه اختصارات كتيرة جدا ممكن الواحد ميستوعبهاش من النطق

يا جماعة ياريت تتفاعلوا مع الموضوع اكتر من كده :(

محتاجين خبراتكم جميعا

بحكم ان حوالى 90 % من شغلى بالانجليزى والتعامل كلة مع اجانب احب اقولك انك لو خدت كورسات الدنيا كلها بدون ممارسة فعلية practices مش هاينفع لازم انك تتكلم وتنمى نفسك عن طريق المحادثة

الافلام الاجنبى بتعلم جامد وكويسة جدا بس حاول تشوفها من غير ترجمة احسن

**dede_dodo88** · 29-05-2012 07:59 PM

المشاركة الأصلية كتبت بواسطة mrbebo

تمام يا احمد وعاوز اقول حاجة برضوا لاني انا عاوز اشارك برايي في موضوع الافلام ده ممكن كمان الواحد ممكن ينزل سبتايتل انجلش للفيلم الانجلش علشان لو مقدرش يفهم الكلام لان الامريكان بيتكلموا بسرعة وكمان فيه اختصارات كتيرة جدا ممكن الواحد ميستوعبهاش من النطق

يا جماعة ياريت تتفاعلوا مع الموضوع اكتر من كده :(

محتاجين خبراتكم جميعا

أنا بعمل كده فعلاً من سنيييين في أي فيلم بشوفه, و الموضوع فرق معايا جامد جداً
سواء في معرفة كلمات أو مصطلحات جديدة مش هتعرفها من الدراسة الأكاديمية,, و واحدة واحدة بالتعود هتوصل لمرحلة أنك مش فارق معاك الترجمة و هتحس أنك فاهم بنسبة تقترب من الـ100% من الكلام اللي بيتقال...

و زي الرد ده بالظبط

المشاركة الأصلية كتبت بواسطة mastr_n

بحكم ان حوالى 90 % من شغلى بالانجليزى والتعامل كلة مع اجانب احب اقولك انك لو خدت كورسات الدنيا كلها بدون ممارسة فعلية practices مش هاينفع لازم انك تتكلم وتنمى نفسك عن طريق المحادثة
الافلام الاجنبى بتعلم جامد وكويسة جدا بس حاول تشوفها من غير ترجمة احسن

أي لغة هتتعلمها صح فقط لو أتعلمتها من أصحاب اللغة نفسهم,, لكن كلام على ورق و و كورسات بس فكل ده ولا الهوا..

بس كل الكلام ده لو أنت عايز تتعلم لغة تستخدمها في التعاملات اليومية مثلاً, لكن لو عشان شهادة أو toefl أو غيره فهنا لأ لازم دراسة أكاديمية لأن الممارسة لوحدها مش هتكفيك..

**Screenplays** · 30-05-2012 06:23 AM

المشاركة الأصلية كتبت بواسطة mrbebo

تمام يا احمد وعاوز اقول حاجة برضوا لاني انا عاوز اشارك برايي في موضوع الافلام ده ممكن كمان الواحد ممكن ينزل سبتايتل انجلش للفيلم الانجلش علشان لو مقدرش يفهم الكلام لان الامريكان بيتكلموا بسرعة وكمان فيه اختصارات كتيرة جدا ممكن الواحد ميستوعبهاش من النطق

يا جماعة ياريت تتفاعلوا مع الموضوع اكتر من كده :(

محتاجين خبراتكم جميعا

صحيح انا نسيت اقولك علي الحوار ده بس طبعا متعملش كده في البدايه