نطه غريبه فى البوما الاوتو

**sherif309** · 28-05-2012 10:31 AM

اولا السلام عليكم
انا عرضت الموضوع دة قبل كدة بس للاسف محدش رد عليا.

انا معايا بومه 2004 اوتو 1300عامله 117 الف عامل كل الصيانات بتعتها ومغير اهم حاجه زيت الفتيس ومع ذلك بتحصل عندى نطه غريبه فى الفتيس مش فاهم ليه

لما بكون ماشى على السلانسيه والعربيه باردة بكون الاربى ام عالى فبيخلى العربيه تنقل على التانى وهيا بتنقل على التانى الار بى ام بيعلى اكتر زى ما تكون مخنوقه وبعدين تلاقى العربيه نطت والار بى ام نزل تانى والموضوع دة بيحصل فى اوقات واوقات يعنى احيانا والعربيه سخنه وفى وسط اشارة العربيه تنط وللاسف كل اما اروح عند حد النطه دى متجيس رغم انها ملحوظه جدا وبتيجى فى اوقات كتير.

واحد قالى هنفك الكارتيرة بتاعت الفتيس ونضف ترمبه الضغط انا بصراحه الكلام معجبنيش مع العلم بانى رحت توكيل المصريه فى العبور والمهندس هناك معرفش اى حاجه فى العربيه الله يكرمه غيرلى فيوز من الكبوت وقالى كدة هتبقى تمام ان شاء الله ودلوقتى ان مش عارف اعمل ايه

يا ريت ترد علاي حضرتك لان دى تانى عربيه لانس اجبها 1300 اوتو ويحصل معايا كد

**horas3000** · 28-05-2012 12:54 PM

السلام عليكم يا زعيم
غالبا و الله اعلم شيك علي قواعد المتور و الفتيس ممكن يكون العيب منهم
لان في كان عندي لانسر و كان فيه رعشة مستمره عند السلانسية و احيانا كانت بتنط فعلا عند الغيارات و كان العيب من القواعد

و عموما انصحك تحط مشاركتك في الموضوع ده و الباشمهندس طارق هيرد عليك بتفصيل و احترافية اكتر ان شاء الله

http://www.nilemotors.net/Nile/255987-a.html

**port_smoker** · 28-05-2012 10:38 PM

ممكن يكون فعلا فى مشكلة فى طرمبة الضغط فى الفتيس فعلا ودة حصل مع زميلى فى العمل
انا مش متاكد جدا بس دة وارد فعلا بنسبة 70 %
او ممكن تكون من زيت الفتيس نفسة

بالله التوفيق

**hhhhhm** · 29-05-2012 06:33 AM

أنا معايا نفس العربيه والموضوع ده حصل معايا من يومين فى فرح وفعلا كانت الدنيا زحمه ومشيت بالعربيه عالسلانسيه حوالى ساعه وحسيت أن العربيه بتنط وكأنها هاتبطل منى ياريت فعلا حد من المتخصصين يقولنا أيه السبب

**yoga** · 29-05-2012 07:51 AM

مش السلانسيه هوان العربيه تبقى واقفه ودايره ... امال ازاى تمشى ع السلانسيه

**sherif309** · 29-05-2012 11:47 AM

السلانسيه انك تكون مدور وواقف ,, وانك تكون ماشى على الدى من غير ما تدوس بنزين

أ/ port_smoker شكرا جدا على المعلومه المهمه دى انا فعلا ميكانيكى قالى الموضوع دة بيحصل من ترمبه الضغط عند كارتيرة الزيت بس انا مقتنعتش لانه قالى هنفك ونشوفها عايزة نضافه ولا عايزة تتغير

بس ياريت تقولى صاحبك دة عمل ايه غيرها ولا نضفها ولو غيرها اشتراها لوحدها؟وبكام

بالنسبه للزيت انا لسه مغير انا وابن خالتى معاة لانس 1600 زيت موبيل ATF320 والزيت زى الفل وبحرقش ولا اى حاجه

**megosp** · 31-05-2012 07:29 AM

نفس المشكلة دى عندى بس مبتحصلش الا مرة واحدة فى اليوم وديما الموضوع ده بيحصل معايا وانا بسخن الصبح امشى حوالى 100 مر والاقى نتشة بس هى مرة واحدة فى اليوم سالت عن الموضوع ده قالى لما تسخن العربية سيبها لحد ما مؤشر الحرارة يبقى فى النص عملت زى ماقالى النتشة بقت خفيفة اوى بس ياترى ده عيب ايه

**wahibmichael** · 31-05-2012 06:11 PM

the above described problem is called shift flare, and there is a TSB to solve it but it occur while shifting from the 2nd gear to te 3rd gear

http://mitsupartsworld.com/Diamante%...23004revii.pdf