ما رأيكم دام فضلكم في الليزك

**Casio2000** · 30-05-2012 07:19 PM

السلام عليكم

كنت أرجو من الأعضاء الكرام مشاركتنا بتجاربهم أو معلوماتهم المؤكدة عن عملية الليزك - و هل هي أمان و لو ليها أثا جانبية - جزاكم الله خير

**mohammedabdallh** · 30-05-2012 08:40 PM

80 فى الميه من الداكتره بتقول
لو هتقدر تستعمل النظاره او العدسات يبقى ملهاش لازمه العمليه
وفى ناس وخداها تجاره
بس اخطاء العمليه ضعفيه واخطرها ضعيفه
بس الخطا لقدر الله ممكن يضيع عينك بس دى حالات نادره
وقبل ما تخش العمليه بتمضى على ورقه في معناها انك المسؤل عن الى هيحصل والدكتور ملوش دعوه
يارب اكون افدك
على فكره
أ / كريم منير
لسه عاملها والحمد لله بيشكر فيها

**Egyzizo** · 31-05-2012 02:50 AM

الليزك دى ربنا أنعم بيها على المرضى علشان تلغى من حياتهم البؤس بتاع عدم القدرة على الاستغناء عن النظارة وجحيم العدسات.

من 6 سنين ، بنت قريبتى ( 22سنة) كانت خايفة منها ، شجعتها ومشيت معاها فى موضوع العملية ، والحمد لله نظرها النهارده ستة على ستة ، وبتقول يا ريتنى كنت عملتها من زمان.

دى من نعم ربنا على مرضى ضعف الابصار .. بتغير حياة المريض بالفعل.

مع العلم ان مش كل المرضى يصلح لهم الليزك لأن فيه فئة قليلة لديهم ما يسمى بالقرنية المخروطية ودول بيلجأوا لوسائل أخرى ..

**احمد المصرى** · 31-05-2012 02:31 PM

انا عملتها من حوالى سنتين تقريبا والحمد لله هيا كويسه جدا بس عيبها ان اول اسبوع بتلاقى عينك بتزغلل جدااااااااا ودا طبيعى جدا وبتلاقى الزغلله دى بتقل تدريجيا وبيقعد موضوع الزغلله دا حوالى شهر عقبال لما يروح خالص بس عادى مش مشكله جوهريه

ثانيا جفاف العين العين بيكون فيها الدموع قليله نسبيا عن الاول ودا علاجه قطره معينه الدكتور كان كاتبهالى وعلى طول بستخدمها يعنى ممكن كل يوم او يومين واحيانا بقعد بالاسبوع مش بستخدمها دى العيوب ال حصلت معايا بس عموما العمليه مفيده جداااااااااااااااااااااا

**tiger76** · 31-05-2012 02:45 PM

أنا عملتها من سنتين بعد سنين تردد و الحمد لله ارتحت من النظارة و قرفها

**ahmedfd** · 31-05-2012 03:50 PM

طبعاً ألف سلامة و مبروك لكل اللي عمل الليزك بس بما إن الموضوع فيه نسبة قلق و لو بسيطة، يا ريت الموضوع القيم ده يكمل بأسماء الأطباء الموثوق فيها أو المراكز المحترمة اللي بتعملها بضمير مش التجار اللي بيحسبوها بالراس و الزبون.

**ramyhekal** · 31-05-2012 04:27 PM

انا كمان عايز اعملها بس اوقات بكون مع واحد صاحبى مسافرين وهو لسه عاملها من سنه ومش بيبقى واخد باله اوى من الطريق زى ما انا ببقى شايف كويس بالنظاره قصدى انى بالنظاره اعتقد انى شايف احسن منه
السؤال هل النظر بيضعف تانى

**sherif_84** · 31-05-2012 05:27 PM

السلام عليكم ورحمة الله .. حضرتك انا عملتها من 5 شهور و الحمد لله حسيت بفرق أحسن من النظارة و عموما فى عندك مركزين كويسين قوى :
1- مركز رؤية فى المظلات - برج مريم وده انا عملت فيه العملية .. مركز نضيف جدا
2- المجموعة المصرية للعيون - تقاطع شارع دمشق مع شارع بيروت - مصر الجديدة وده برضو مركز كويس جدا
ربنا يوفقك و تعملها ان شاء الله و هتحس بفرق .

الموضوع: ما رأيكم دام فضلكم في الليزك

LinkBack

أدوات الموضوع

عرض

ما رأيكم دام فضلكم في الليزك - انشر الموضوع فى :

-

-

-

-

المواضيع المتشابهه

عايز رأيكم زاد فضلكم

عايز رأيكم من فضلكم اصلي اول مره

ما رأيكم دام فضلكم

ما رأيكم دام فضلكم ..

الكلمات الدلالية لهذا الموضوع

المفضلات

المفضلات

ضوابط المشاركة