| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 30 1 2 3 4 5 6 11 ... الأخيرةالأخيرة
النتائج 1 إلى 10 من 295

  1. #1

    الصورة الرمزية Ahmed.Fahmy

    رقم العضوية : 55005

    تاريخ التسجيل : 06Dec2009

    المشاركات : 1,229

    النوع : ذكر

    الاقامة : Cairo / Iraq

    السيارة: Gen2 2013

    السيارة[2]: BMW F30

    دراجة بخارية: Next ISA

    الحالة : Ahmed.Fahmy غير متواجد حالياً

    Exclamation حصريا على نايل موتورز وبس، اول تقرير عن بيجو 508 الجديدة - Facebook Twitter whatsapp انشر الموضوع فى :

    hasad">

    بيجو 508 الجديدة
    تقرير حصرى لنايل موتورز





    أولا: الاساسيات

    1- التسارع

    بداية......... الموتور، 1600 سى سى THP (Turbo High Pressure) DOHC 16 Valve يولد 156 حصان عند 6000 لفة
    بعزم 240 نيوتن.متر عند 1400-4000 لفة بناقل اوتو 6 سرعات ليصل الى سرعة قصوى 217 كم/ساعة
    بتسارع من 0-100 فى 9.2 ثانية بحقن الكترونى للوقود بخزان 72 لتر مع معدل إستهلاك وقود 7,1 لتر لكل 100 كم في المتوسط لتكن ضمن السيارات الإقتصادية.
    بالمناسبة الCompression Ratio 10.5:1 فانا مش عارف لازم بنزين 95 ولا 92 ينفع لانها اقل من 11:1 بس انا بحط 95 احتياطى.

    مبدأيا معدل التسارع من 0 الي 100 كان في 10 ثوانى او اقل قليلا لكن انا لم اضغط على الموتور لأن العربية جديدة وانا لسه مش حافظ ابعادها بس الطلعة ما شاء الله ولا المانوال ال 2000 سى سى ومع سريان عداد السرعة من الصفر الى 100 السرعة بrate ثابت تماما يعنى من 0-100 زى من 100-190 واقصى سرعة جبتها كانت 193 كم/ساعة وقولت بلاش اضغط على الموتور، اختراع التربو والموتور ال DOHC اللى عاوزين صفحات فى وصف هو اد ايه هو مخلى الاداء مختلف تماما عن ال1600 ال SOHC

    العيب الوحيد ودا فعلا عيب ان الموتور لما تكبسله بنزين فحس ان العربية بتجرى وانا بجرى وراها يعنى مش الواحد يحاول يجرى لأ هى هتجرى ولو انت مش ادها بلاش تجرى لانها مع الحجم دا فهى فى منتهى الرشاقة.

    • تقييمى للتسارع والموتور بالنسبة للحجم: 8.5/10




    2- الثبات

    السيارة تمتاز بأنها بها ثبات غير عادي لكونها سيارة كبيرة فى الحجم مع اتساع قاعدة العجلان التى تصل الى حجم قاعدة النيسان الماكسيما
    ووجود بعض انظمة الثبات الالكترونى وشوية الاختصارات زى الESP EPD
    كتجربة العربية فى ملفات الزعفرانة مثلا لو لما اخدتها على 120 كم/ساعة كان ضهر العربية بيلم لوحده بشكل ملحوظ جدا غير الاوكتافيا الA4 كان لازم انا المه وعموما كثبات بوجه عام تنافس فولكس فاجن جروب وتكاد تتفوق على بعض موديلاتها المكافئة لها فى الفئة
    وطبعا مش محتاج اقول ان عادى جدا ان الواحد ياخد غرزة صعبة مثلا على سرعة زى 180 كم/ساعة بفضل الانظمة اللى بتخللى الواحد عامل Full control على العربية.

    ارتفاع العربية عن الارض كبير نسبيا ودا حلو فى موضوع المطبات والحمد لله مش مأثر على الثبات لحد السرعة اللى وصلتها بيها 193 كم/ساعة.


    • تقييمى للثبات بالنسبة للحجم: 9/10





    3- الفرامل

    الفرامل ديسكات ورا وقدام كويسه مش هقول سوبر بس بتوقف العربية وبالظبط زى الOctavia A4 ما حستش بفرق واضح ودا الOptimum بالنسبالى.

    • تقييمى للفرامل : 7/10

    ثانيا: الاضافات

    الخامات الداخلية والخارجية

    من الداخل ...




    السيارة من خامات متفوقة على السيارات بنفس الفئة مثل الباسات والسكودا السوبرب والسيارات بنفس الفئة السعرية ترقى لمستوى الاودى والمرسيدس كخامات
    وتقفيل فالتابلوه وما حوله مكسى من الجلد تماما
    ولا يوجد بلاستيك الا فى الزراير التى هى اصلا anti scratch وليها ملمس رائع



    والابواب مغطاه بقماش من نوع تقيل خامته واضح انها حاجة محترمة


    يزيد وجود الHigh gloss حول منطقة الفيتيس والابواب مع احساس انك قاعد فى مكان شيك جدا جدا و
    فى نفس الوقت التصميم الرياضى يميز كل جزء من الداخل يعطى احساس عالى جدا بالرضا



    ملمس الدركسيون والازرار بيدى شعور مختلف ومتميز جدا.

    تتميز بالكراسى الرياضية الواسعة جدا والمكسوة بالجلد مع قماش من المنتصف شكلها وقعدتها ممتعة جدا
    وشكل مسند الرأس الغريب اللى يشبه مسند المرسيدس الS وهمى، ب
    يميزها عن غيرها من سيارات نفس الفئة وربما الاعلى فئة منها ايضا التصميم الداخلى للصالون .

    من الخارج ...




    من الامام تشبه سمكة القرش المفترسة بفوانيس ضخمة تعطى اضائة واضحة




    ومن الخلف الفوانيس الليدات مدياها طابع شيك جدا




    اضائتها فى السفر والشبورة بالذات واضحة جدا للى فى الخلف،
    الشنطة فيها جزء فايبر كبير اللى عليه العلامة، طبعا معالجة ضد الصداء
    الشاسية صنع من الفولاذ مناطق كثيرة في جسم السيارة معدة للانهيار لامتصاص الصدمة وتشتيتها عن حجرة الركاب في حالات الحوادث - لاقدر الله،
    تصفيح محيط بكل السيارة كم الامام فى الكبوت ورا الاكسدام بشويه والابواب قضبان حديد عشان الامان.

    المرايات كبيرة جدا ويميزها انها كاشفة النقط العمياء وكمان زاوية الرؤية من الزجاج الخلفى واضحة اكتر من الاوكتافيا.

    يعاب فيها ان الاكسدامات غير بارزة فاى لمسة هتكون كالت الشنطة اللى هى اصلا فايبر او الوش اللى هو اصلا فايبر بردو.


    الاتساع





    السيارة تمتاز بالاتساع الرهيب عن كل منافسيها حتى الباسات يعنى هى اوسع من الفانتازيا 1.5 مرة من ورا ومن الباسات 1.25 مرة كمان فى العرض المسافة بين الراكبين الاماميين اوسع من الاوكتافيا 1.5 او اكتر.



    الشنطة

    واسعة جدا ¾ الاوكتافيا والكنبة تطوى 2/3 و 1/3.

    استهلاك الوقود

    السيارة تستهلك وقود علي الطرق السريعة قليل بالفعل من 7 لتر لكل 100كم الي 7.5 لتر لكل 100 كم مع تشغيل التكييف او الحرق علي سرعات عالية
    الاستهلاك داخل البلد حسب طبيعة الزحام عادي او شديد تستهلك اقل من 10 لتر لكل 100 يعنى اقل من عربيات 1300 سى سى
    مع العلم انه لا يوجد ادنى تاثير على الاداء فى حالة تشغيل التكييف عكس الاوكتافيا كنت بحس ان الاداء ضعف قليلى
    الأداء مع الحمولة أو التكييف مش فارق عن ان تكون السيارة بحمولة متوسطة (حاجات خفيفة عربية طفل + شنطة سفر 30 كجم + مشاية الولد والكلام دا)
    ويقل الاداء بشكل غير ملحوظ فى الاحمال الكبيرة التى تصل الى 70 كجم مثلا.


    الصيانة وقطع الغيار


    سمعت ان تيل الفرامل ب2000 جنيه ولا اعرف اى شئ اخر فى مستوى اسعار قطع غيار الباسات واغلى من الاوكتافيا.

    العزل

    اكثر من ممتاز الحقيقة
    كلمة واحدة بس، شششششششششششششش




    العيوب

    طبعا موضوع الاكسدامات اللى انا اتكلمت عليها سابقا

    سعة تانك البنزين كبيرة جداً 72 لتر ودة بيدى شعور بالافلاس السريع التفويلة 95 ب170-190 جنيه

    التوكيل المفروض انه اتحسن جدا عن زمان بس لسه مش عارفين يصلوا الى مستوى 7/10 فى ارضاء العميل فى خدمة ما بعد البيع،
    اتصلت سألت فين دواسات العربية اللى اصلا ماينفعش يركب عليها غير بتاعتها عشان ليها بنزات كدا
    قالولى هنكلم حضرتك نقوللك سعرها ومتوفرة وللا لا بس هى بتنزل فى الهاى لاين بس ومحدش اتصل بيا :(

    موضوع بنزين 95 دا وعدم توافره بسهولة فى الفترة الاخيرة بسبب ازمات البنزين (بفول كل يوم من القلق).


    ثالثا: الاوبشن وعوامل الامان





    • 4 او 6 وسائد هوائية (ماجاش فى دماغى اعدهم).
    • نظام فرامل ABSتوزيع اليكتروني للفرامل EBDبرنامج التوازن الإلكتروني ESPنظام إيموبليزر ضد السرقة.
    • احزمة امان ISO FIX بتاعة الاطفال.


    • فتحات تكييف للكنبة الخلفية
    • ضبط مستوى ارتفاع كرسى السائق والراكب الامامى (مانوال) مع وجود Support للفقرات القطنية لكرسى السائق فقط (كهرباء).
    • جنوط رياضية مقاس 16 بكاوتش 16/60/215 تقريبا مش متأكد
    • فوانيس ضباب امامية
    • فوانيس ضباب خلفية
    • طي المرايات الجانبية كهربائيا
    • اشارات فى المرايات الجانبية
    • مرأة الصالون زاتية التعتيم
    • إضاءة المصابيح هالوجين
    • اضائة الفوجات مع اتجاه حركة عجلة القيادة
    • مصابيح أمامية حساسة للإضائة
    • تحكم بالمصابيح الأمامية
    • إضاءة المصابيح الخلفية LED
    • مشغل اقراص مدمجة ،مدخل AUX، مدخل USB، بلوتوث + 6 سماعات
    • التحكم بالزجاج بلمسة واحدة فى كل الابواب منفصلين وفى باب السائق
    • تحكم عن بعد في غلق وفتح الأبواب والزجاج والمرايات
    • فرش جلد + قماش
    • مفتاح بريموت مع امكانية فتح الشنطة عن بعد
    • كمبيوتر رحلات
    • نوع عجلة القيادة الكتروني
    • عجلة قيادة تلسكوبية يمكن التحكم بها فى 4 اتجاهات
    • Multifunction steering wheel
    • Cruse control
    • Speed limiter
    • Rain sensor
    • Parking sensor
    • شاشة فوق المراية لايضاح "مين اللى مش رابط الحزام" مع Alarm لو احد الركاب الاماميين مش رابط الحزام يعلو مع السرعة
    • Auto lock doors at 10 km/hr
    • Lock للبابين والزجاج الخلفى عشان الاطفال فى باب السائق
    • باب منفد على الشنطة من الداخل
    • اضائة حمراء خفيفة جدا تعمل فى الظلام عشان اللى عاوز يشوف حاجة من غير ما يشغل نور الصالون
    • عجلة القيادة من الجلد
    • ناقل الحركة من الجلد
    • أماكن تخزين بالأبواب الأمامية
    • إمكانية طى ظهر مقاعد الخلفية
    • قفل مركزي للأبواب
    • صوت تنبيهي فى حالة عدم غلق السيارة
    • حامل أكواب أمامي
    • حامل أكواب خلفي
    • مسند يد أمامي مكيف
    • مسند يد خلفي بماسك الكوب
    • درج تخزين أمامي مكيف
    • نور بالشنطة الخلفية
    • الشنطة تفتح من الداخل ومن الريموت ومن رقم "0" فى العلامة بتاعة 508 على الاكسدام الخلفى
    • والاهم من كل دا Fast shifters خلف عجلة القيادة







    تحياتى
    احمد فهمى
    حصري لنايل موتورز


  2. #2

    الصورة الرمزية Ahmed.Fahmy

    رقم العضوية : 55005

    تاريخ التسجيل : 06Dec2009

    المشاركات : 1,229

    النوع : ذكر

    الاقامة : Cairo / Iraq

    السيارة: Gen2 2013

    السيارة[2]: BMW F30

    دراجة بخارية: Next ISA

    الحالة : Ahmed.Fahmy غير متواجد حالياً

    افتراضي -

    يا ريت الادارة تراجع معايا بعض الاخطاء عشان انا مش عارف اعدل الموضوع

    Sorry يا جماعة اصل انا كنت عامل التقرير من واحد بتاع Proton Saga :)))


  3. #3

    الصورة الرمزية minicooper20

    رقم العضوية : 78428

    تاريخ التسجيل : 24Aug2010

    المشاركات : 4,106

    النوع : ذكر

    الاقامة : ksa .geda

    السيارة: Pegute 407

    السيارة[2]: b.m.w 130i 2008

    دراجة بخارية: mesh 3andy

    الحالة : minicooper20 غير متواجد حالياً

    افتراضي -

    ربنا يباركلك و يحفظهالك
    مشاء الله و الله و اكبر
    بس دى كده الفئه الاقل اما الهاى لاين فيها ايه تانى ؟
    تقرير تحفه
    تسلم ايدك


  4. #4

    الصورة الرمزية Ahmed.Fahmy

    رقم العضوية : 55005

    تاريخ التسجيل : 06Dec2009

    المشاركات : 1,229

    النوع : ذكر

    الاقامة : Cairo / Iraq

    السيارة: Gen2 2013

    السيارة[2]: BMW F30

    دراجة بخارية: Next ISA

    الحالة : Ahmed.Fahmy غير متواجد حالياً

    افتراضي -

    الفارق بين الفئة الهاى لاين وال بيزيك
    الهاى تزيد على السابق زينون + فتحة سقف + جنوط 17 بدل 16 + electric hand brake+ start / stop engine keyless entry + dynamic lights


  5. #5

    الصورة الرمزية MaZaGAngeE

    رقم العضوية : 19004

    تاريخ التسجيل : 14Sep2008

    المشاركات : 5,735

    النوع : ذكر

    الاقامة : El-menya

    السيارة: Lancer 1993 & VW 1964

    السيارة[2]: نيسان صني فيس لفت

    دراجة بخارية: هانكو 150

    الحالة : MaZaGAngeE غير متواجد حالياً

    افتراضي -

    الف مبروك يا باشا
    بس مفيش صور في الموضوع
    و لو ممكن صور للشنطة توضح حجمها
    و الكنبة كمان

    [mshosh2]http://www.4shared.com/photo/lCkSz74F/morsee.html[/mshosh2]


  6. #6

    الصورة الرمزية Land_Cruiser

    رقم العضوية : 60618

    تاريخ التسجيل : 01Feb2010

    المشاركات : 5,992

    النوع : ذكر

    الاقامة : Cairo

    السيارة: Renault Duster E2

    السيارة[2]: Nissan Sunny EX 2010 Auto

    دراجة بخارية: No

    الحالة : Land_Cruiser غير متواجد حالياً

    افتراضي -

    تقرير جميل جداً و حيادى للعربيه و ربنا يبارك لحضرتك فيها و يكفيك شرها. انا باحترم قوى الماركه دى لانها بتجمع بين قوه الموتور بالاضافه الى الكماليات و جوده التقفيل و الامان. لو التوكيل بتاعها بس يتظبط هنا هتبقى من احسن الاختيارات ان ما كنش احسنها


  7. #7

    الصورة الرمزية تامر.محمد

    رقم العضوية : 5118

    تاريخ التسجيل : 01Feb2008

    المشاركات : 11,185

    النوع : ذكر

    الاقامة : Cairo

    السيارة: Megane II 2010

    السيارة[2]: كانت دايو لانوس1 99 - وزة :)

    دراجة بخارية: none

    الحالة : تامر.محمد غير متواجد حالياً

    افتراضي -

    تسلم ايدك على التقرير المفصل جدا و الحيادي جدا و ربنا يبارك في العربية


    بس يا ريت تبحبح ايدك في الصور شويتين :))))))

    ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

    [sor2]http://imageshack.us/a/img838/2058/8l0n.jpg[/sor2]


  8. #8

    الصورة الرمزية Dr'AhmZZong

    رقم العضوية : 72112

    تاريخ التسجيل : 02Jun2010

    المشاركات : 6,052

    النوع : ذكر

    الاقامة : الجيزة ... المنوفية

    السيارة: Duster E2-Terios

    السيارة[2]: Nissan Sunny-Tiida

    دراجة بخارية: هوندا اليت

    الحالة : Dr'AhmZZong غير متواجد حالياً

    افتراضي -

    ربنا يباركلك فيها يا اخي ..

    حول تدبح لها حاجة بقى .. و توكل على الله .. عشان أي عين فيها هتوجع اوييييييييييي ..

    ااااااااه في حاجة .. أنا معايا 20 جنيه و عايز لفة < ألف الدركسيون بس و هي واقفة > .. هههههههههههههههه


  9. #9

    الصورة الرمزية Unendlich

    رقم العضوية : 77388

    تاريخ التسجيل : 10Aug2010

    المشاركات : 631

    النوع : ذكر

    الاقامة : Cairo

    السيارة: 2 Voiture

    السيارة[2]: Voiture

    دراجة بخارية: None of ur business

    الحالة : Unendlich غير متواجد حالياً

    افتراضي -

    و يجيلك واحد بعد كده يقولك محتار بينها و بين الاوكتافيا
    ربنا يباركلك فيها و يمتعك بكل لحظة فيها
    و نصيحة خليك في ال 95 (اللي هو تلاقيه 90 اصلا) عشان الله اعلم ال 92 بتاعنا ده يساوي كام في البلاد النضيفة (هتلاقيه 80 ولا حاجة)

    [shfaf2]http://i664.photobucket.com/albums/vv5/Doush_CSF/Pics%20for%20forums/Peugeot-508_2011_1600x1200_wallpaper_13-Copy.jpg[/shfaf2]


  10. #10

    الصورة الرمزية abou-yahia

    رقم العضوية : 13633

    تاريخ التسجيل : 26Jun2008

    المشاركات : 5,636

    النوع : ذكر

    الاقامة : Cairo

    السيارة: Optra 2007 AT

    السيارة[2]: Pegeout 406 2004

    دراجة بخارية: لا يوجد

    الحالة : abou-yahia غير متواجد حالياً

    افتراضي -

    hasad">

    مبروك

    ربنا يحفظهالك



    afrtow سابقاً
    [B]
    [gdwl] الإمام الشافعي
    إني رأيت وقوف الماء يفسده * * * إن ساح طاب وإن لم يجرِ لم يطبِ
    والأُسد لولا فراق الأرض ما افترست * * *والسهم لولا فراق القوس لم يصبِ
    والشمس لو وقفت في الفلك دائمة * * * لملّها الناس من عربٍ ومن عجمِ[[/gdwl]/B]



 
صفحة 1 من 30 1 2 3 4 5 6 11 ... الأخيرةالأخيرة

المواضيع المتشابهه

  1. بيجو 5008 2012 مواصفات و اسعار-حصريا نايل موتورز
    بواسطة الاحمدى موتورز في المنتدى أخبار السيارات في مصر والعالم
    مشاركات: 7
    آخر مشاركة: 13-10-2012, 11:18 PM
  2. اول تقرير لـ بيجو 508 الجديدة حصريا لنايل موتورز
    بواسطة Ahmed.Fahmy في المنتدى أخبار السيارات في مصر والعالم
    مشاركات: 19
    آخر مشاركة: 10-06-2012, 01:46 PM
  3. حصريا على نايل موتورز صور تويوتا كرولا الجديدة 2011
    بواسطة kh_talaat في المنتدى أخبار السيارات في مصر والعالم
    مشاركات: 38
    آخر مشاركة: 22-05-2011, 01:42 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2