لزق السيراميك

**_Ahmed_casper_** · 01-06-2012 03:30 AM

السلام ععايز اغير سيراميك الشقه و مش عايز اكسر السيراميك القديم لأنه حوار متعب جدا و سمعت ان فى طريقه لتركيب السيراميك فوق السيراميك القديم و ناس شكرولى فى الموضوع ده و ناس بيقولو ليه عيوب
حد مجرب اللزق ده ينفع ولا ملوش لازمه؟؟؟

**hamadaghfar** · 01-06-2012 10:32 AM

السلام عليكم
بص حضرتك انا عملت موضوع اللزق ده بقالي سنتين و الحمد الله مافيش اي مشاكل منه لانك بتشتري من محلات البويات شكاير زي الاسمنت بس تجيب الخاصه بلزق السراميك وتكون 50 كيلو احسن وتسال الصنيعي تجيب كام شيكاره و تجيب اسمنت ابيض برضوا عشان السقيه ده اللي حضرتك هتجيبوا
المشكله الوحيده ان السرميك هيعلي البلاط حوالي 1 سم هترفع جميع الابواب و تبدا تعدل فيهم بس وشكرا
محمد رشدي

**aboomar22** · 01-06-2012 11:56 PM

انا برضه اخويا لصق فوق البلاط القديم بلا تكسير بلا وجع دماغ دى شغلانة التكسير وتنزيل الرتش ده وتدور على عربية ترمية قصة كبيرة توكل على الله والصق فوقه

**gholam4u** · 02-06-2012 03:22 AM

اخى الفاضل
احترس احترس احترس
لابد ان يتم ملء الفراغات تماما ويفضل وضع طبقة رقيقة من الرمل على البلاط الاصلى
طبعا ده لان لو البلاط الجديد تحته فراغ وحطيت موبيليا تقيلة البلاط الجديد هيتكسر فورا
ما تخاقش وتشجع
انا عامله عندى فى الشقة منذ حوالى 13 سنة وزى الفل

**_Ahmed_casper_** · 04-06-2012 01:41 AM

الف شكر على النصايح والله انا كنت محتاج تشجيعكو و فعلا موضوع التكسير ده يخلى الواحد يتعقد انه يكمل باقى الشقه و انا مجربه و لو جت على قد الابواب هتعلى مش مشكله نعليها
الف الف شكر

**hemalotfy** · 04-06-2012 05:47 AM

اتوكل على الله واعمله كان والدي الله يرحمه مشطب شقتي من زمان ولما جيت اتجوز عملتها تاني من الصفر وموضوع اللزق ده كويس جدا ومفيش فيه اي عيوب
اللزق اسمه سيتوكس يو بيجي من كيماويات البناء الحديث وربنا يعينك
وده لينك للشركة المصنعة