الموضوع: لسه شاري شاهين ومحتاج مساعده

يعني كنت زودت سنه واحده واشتريت 97 الموتور المعدل لا نشيا 1400
الشاهين مالهاش موتور كامتين حتي موتورها 1600 كامه واحده
مفيش غير مواتير 31 ال 1600 اتنين كامه او موتير ال 32 ال 2000 اتنين كامه
لو عايز تغير موتور خليك في موتورها 1600 بس يكون لانشيا يعني من موديل 97 وانت طالع لان قبل كده موتور الشاهين من 92 ال 96 هو نفسه موتور ال 31
الشاهين لو اتظبطت هاتعجبك واقتصاديه
انزل التوفيقيه عند فيات 2000
او احمد محرم في عين شمس
هاتلاقي كل اللي انت عاوزه
ومبروك العربيه

المشاركة الأصلية كتبت بواسطة ahmed metwaly

بالنسبة للمشاكل دي اعمل فيها ايه واسعار المرايات ايه وببص في الاكصدام مفيش فوجات بجد اتفصلت وربنا منها
والموتور اللانشا دا بكام وكام حصان وايه ظروفه؟؟ في السحب

شوف ياباشا اي عربيه مستعمله لازم هاتكون عامل حسابك علي شويه تظبيط فيها
مبدئيا العفشجي هايبص لك عليها
مساعدينها المونرو اوروبي محترمين جدا يعملوا امامي وخلفي حوالي 900 جنيه
عايز تلم العفشه 1500 تروقها وتبقي زي الفل
الموتور ماقدرش اقولك عليه لازم الميكانيكي بتاعك يشوفه وممكن يكون الموتور حالته كويسه ومحتاج شويه تظبيط
وافضل في موتور الشاهين القديم ان الميكانيكي يخرجه بره ويراجع عليه اي حاجه بتجيب زيت
ا وجوانات بتسرب تتغير
ويراجع علي التاكيهات والكاتينه لو محتاجه تغييير
ويشوف الاسطوانه والديسك اخبارهم ايه
وبردو لو فيه شغل بيتلم وغير مكلف
وتراجع زوايا العربيه بعد العفشه
حضرتك اكيد عرف الكلام ده كله
يعني حضرتك ب2000 جنيه تظبط عفشه وموتور والعربيه تبقي تمام
اماالمرايات انا كنت شاريهمبس المرايات القديمه الاصلي كانت ب60 الواحده
الاكره او مقابض الباب بحوالي 40 جنيه المقبض
اما الفوجات هاتغير الاكصدام باكصدام فيه مكان للفوجات الاصلي بيعمل 280 جنيه وبيفرق في الوزن بتاعه وما بيتكسرش بسهوله
وفي نوع تاني 90 او 100 جنيه لكنه شغال

المشاركة الأصلية كتبت بواسطة ahmed metwaly

هار اسود دا ابعها واشتري فليشيا تاني بس حاجتها معقوله في الاسعار ربنا يصلح الامور

يبقي موتورها الاصلي زي الفل ويتروق لو فيه شغل
وعيش ياباشا
وكمان ميزتها انها عربيه بتكنولوجيا قديمه يعني مش معقده ولا متعبه في شغلها اي صبي ميكانيكي يشتغل فيها ومغمض عينه