الموضوع: مشكلة في السيراتو 2011

المشاركة الأصلية كتبت بواسطة medooo115

1 . انا عربيت كيا سيراتو 2011 ومشكلتي الاولي مع التكييف ظهرت مؤخرااااا
وهي اني لما اكون مهدي السرعة يعني ماشي في زحمة وانا مشغل التكييف التكييف مش بيبرد
يعني بيجيب هواء بدرجة حرارة الجو
ولما افتح سرعة او ادوس بنزين يبدأ التبريد عاوز اعرف لو سمحتوا دا ايه ؟؟؟؟؟
دى مشكلة سمعت عنها فى عربيات تانية و غالبا فى جزء بيتغير فى التكييف و يظبط بعدها تقؤيبا هى كنترول التكييف

2 . لما بشغل التكييف بحس بفرق كبير في سحب العربية دا طبيعي ولا ايه ؟؟؟؟؟؟؟
طبيعى طبعا

3 . الألارم بتاع سخونة الموتور وانا ماشي ( يعني مثلا رايح مشوار من المنصورة للقاهرة بعد ساعة مشي الاقيها نورت احمر وشوية وتطفي وشويه وتنور تاني ) دا من ايه
مش طبيعى اللى بيحصل ده روح التوكيل او لحد بيفهم فى السيراتو

افيدوني افادكم الله

اللون الاحمر مخصص للمداخلات الادارية والاشرافية فقط
مشرف 4ب
6/6/2012
4.47pm

متابع

شكراااا لأهتمامكم
انا رحت التوكيل انهاردة الصبح عشان المشاكل اللي قلت عليها دي
اولا : انا غلطان في موضوع مؤشر سخونه الموتور ... هو مؤشر خاص بمنسوب زيت الموتور والحساس او السينسور بتاع منسوب زيت الموتور بيهيس دا اللي قالوه في التوكيل تمام .... وقالوا انه مش موجود حالا وهنبعت نجيبه من الشركة وانا اصلا كنت رايح عشان اغير زيت كمان فغيرت الزيت وعلي تليفون بالنسبة للسينسور لما ييجيبوه من الشركة
عشان التوضيح هو المؤشر ده ::: عبارة عن ترموميتر وزي ما يكون فيه تحته مياه

ثانيا ::: اعتقد تمام زي ما حضراتكوا قلتوا بالنسبة للسحب دا طبيعي

ثالثا ::: مشكله التكييف وانه مش بيبرد وانا مهدي او متوقف والعربية دايرة
خد العربية وقالي هنفحص التكييف وخبط 25 جنيه وبعدين جه قالي نضفنا فلتر الهواء ونضفنا السربنتينة وهو كده تمام كانو فيهم تراب كتيير
قلتله :: تمام
وبعد التجربة ::: حسيت ان فيه فرق في التبريد علي شوية ولكن برضه نفس المشكله موجودة طول ما انا ماشي تمام شغال كويس لما العربية تقف وهي دايرة يجيب هواء بدرجة حرارة الجو بعد دقيقتين ثلاثة كده
رجعتلهم في التوكيل ... وركبت المهندس جنبي وشغلنا التكييف واشتغل ميه ميه و3 دقائق كده وبطل تبريد وبعدين عشان احسسه بالفرق دوست بنزين كام مرة بدأ يبرد تاني
قلته حسيت بالفرق قالي اه تمام ... وقالي في النهاية مش عارف والله يا استاذ دا طبيعي ولا لأ عالعموم اول ماتيجي عربية سيراتو هنا هجرب الموضوع ده واقولك
وها انا ذا بين ايديكم الكريمة واسف للأطاله

أولا أعتذر للإدارة عن الكتابة باللون الأحمر
ثانيا انا كنت متأكد من انهم مش هيوصلوا لحل فى موضوع فصل التكييف على السرعات البطيئة و نظافة الفلتر و السربنتينة ملهمش اى علاقة بالقصة دى و بالنسبة للزيت ياريت تتأكد من مستواه باستمرار و شوف الحساس ده بره ممكن تلاقيه , بصراحة انا بتخنق جدا من موضوع ان فى قطعة غيار مش موجودة بالتوكيل المفترض ان العربية كلها تكون موجودة !!! لكن احنا فى مصــــر اللى عاوزة تجيب شفيق تانى :)

المشاركة الأصلية كتبت بواسطة temo85

أولا أعتذر للإدارة عن الكتابة باللون الأحمر
ثانيا انا كنت متأكد من انهم مش هيوصلوا لحل فى موضوع فصل التكييف على السرعات البطيئة و نظافة الفلتر و السربنتينة ملهمش اى علاقة بالقصة دى و بالنسبة للزيت ياريت تتأكد من مستواه باستمرار و شوف الحساس ده بره ممكن تلاقيه , بصراحة انا بتخنق جدا من موضوع ان فى قطعة غيار مش موجودة بالتوكيل المفترض ان العربية كلها تكون موجودة !!! لكن احنا فى مصــــر اللى عاوزة تجيب شفيق تانى :)

شكرااا علي الاهتمام يا باشا
بالنسبة للزيت هما هناك ظبطوه هل فيه داعي اني ابص علي منسوب الزيت كل فترة ؟؟؟؟؟؟؟؟؟؟؟
انا من يوم ما جبت العربية مبصتش علي منسوب الزيت الا مرة او مرتين للتسلية عامل ميكانيكي يعني ..

انما التكييف بقي اللي محيرني وانا متاكد انه مش طبيعي لأن اولي بالتكييف انه يفصل وانا ماشي ( بيكون فيه هواء برة وممكن افتح الشباك انما يفصل وانا واقف كارثة مفيش نسمة هواء )

ارجو من الساده الخبراء الافاده في مسألة التكييف للأهمية

طبعا لازم تشيك على الأتى قبل ماتدور السيارة ( وخصوصا فى حالة السفر)
1 - الأربع فرد كاوتش تمام ويا ريت عند أول واحد بتاع كاوتش تشيك على الضغط .
2 - افتح الكبوت وشيك على مستوى الميه .
3 - شيك على الزيت كما هو معروف شيل السيخ ونضفة بمنديل ورق وبعدين حطة تانى فى مكانة وبعدين شيله وشوف مستوى الزيت .

بلنسبه للتكيييف فدة بسبب الموتور بتاع الايديال كونترول الموجود على بوابة الهواء محتاج التنظيف هو و البوابه
اما بالنسبه للمبة الزيت انها بتنور وتطفى على مزاجها فده لان السلك الواصل بين (ساعة الزيت)(حساس الزيت)الى الدفيرة ثم لوحة العدادات به قطع وبيلمس ارضى مع جسم الموتور او السيارة عند اهتزاز جسم السيارة عند التحرك فبرجاء مراجعة هذا السلك (عن تجربة سابقة)