الموضوع: اغاثة عاجلة

1-اخبار طلمبة البنزين اية
2-rpm في السلينسية ثابت ولا بيلعب

المشاركة الأصلية كتبت بواسطة moh1973

الاخوة الافاضل
انا معايا عربية تيمبرا 1600 cc انجيكشن كانت ماشية معايا ذي الفل بس اليوم بعد ما خرجت من الجراج ومشيت بالعربية شوية لاقيت العربية بتنتش علي الغيار الاول فقط وتكاد تبطل
المهم رحت للميكانيكي شيك علي البوجيهات لاقها زي الفل وهي 3 شمعة
وفك الاسبراتير الالكتروني ونظفة
وجبنا منظف انجيكشن ونظفنا بيه الانجيكشن
ونظفنا فلتر الهواء
وجربت العربية حسيت انها كويسة بس وانا راجع للبيت لاقيت التنتيش ظهر ثاني علي الغيار الاول ، كلمت الميكانيكي قلي ممكن نغير طقم البوجيهات بس هو كشف عليهم ولاقاهم كويسين جدا جدا .
انا مش عارف السبب والحل ايه ياريت حد يفيدني ضروري لاني مسافر بالعربية يوم السبت

ممكن تقولى حضرتك عملت اية عشان عندى نفس المشكلة

انا اول مرة اعمل اضافه على المنتدى واتمنى انها تفيد
انا اول عربيه اركبها فى حياتى التمبرا وكنت بسافر بيها فى الصحرا "انا مهندس ميكاترونكس اساسا" وطبعا كنت بدبس فى صيانتها لوحدى
وحاليا بعدل فيها
المهم
المشكلة فى الاساس فى ضغط البنزين وليس الوجيهات ولا الاسبراتير ولا اى شئ
ضغط البنزين فقط يجي ان بكون فى حدود 8 بار

تعرف ازاى:
1- هتفك العمه البلاستيك السودا من مسمارها اللى فوق (هتلاقى تحت العمه جوان كاوتش ارفعه).
2- هتلاقى خرطومين سود جايين من الشمال وداخلين على الطوق الالومنيوم من فوق .
(ملاحظه: هتلاقى خرطوم قصاده سهم بارز على الالومنيوم داخل والخرطوم الاخر سهم بارز على الالومنيوم للخارج)
3- فك الخرطوم الراجع للتانك
4- خلى حد يدور العربيه وانت لاحظ
5- لازم البنزين يجى من الطلمبه بضغط عالى يدخل للسولونيد ياخد كميه بسيطه والباقى يرجع من الخارج اللى فكيته بضغط عالى لو الضغط ضعيف يبقى يا الطلمبه يا الفلتر او خرطوم بيسرب.
اولا الفلتر والخراطيم
تحت الشنطه فى التانك
وقدامه غطا بلاستيك (كل ده تحت العربيه)
فك الغطا او وسعه بس هتلاقى فلتر بلاستيك كبير اسود نفس فلتر الشاهين بالظبط وبيعمل تركى 15 جنيه
فكه
وانفخ باتجاه السهم
لو سالك يبقى الطلمبه ..... لو مش سالك يبقى تغيره
لو سالك وشاكك فى الطلمبه .... اكتبلى هنا وهرد عليك تعمل ايه بالظبط

سورى انى طولت اوى ... لاى استفسار ممكن على الميل
eng.hakimnabil@gmail.com
او موبايل
01227522633
انا مش صنايعى انا بس اتهريت تمبرا وبعشقها

وسورى ان فيش صور

المشاركة الأصلية كتبت بواسطة tempra93

سورى انى طولت اوى ... لاى استفسار ممكن على الميل
eng.hakimnabil@gmail.com
او موبايل
01227522633
انا مش صنايعى انا بس اتهريت تمبرا وبعشقها

وسورى ان فيش صور

تسلم الايادى وجارى مكلمة سيادتكم