الموضوع: شوية اسئله عن الاكسنت بتاعتي :)

مفيش حد عايز يدينا فكرة ولا اية يا رجاله ..

المشاركة الأصلية كتبت بواسطة egy_3assy

السلام عليكم يا رجاله ..
كان عندي كام سؤال كدة بخصوص العربية الاكسنت 99 1300cc
1. من اسبوعين كدة كان في اخت فاضلة (واحدة صحبتي) عربيتها عطلانة بعيد عن البيت بمسافة كيلو كدة .. فروحت جبت حبل و سحبتها لغاية البيت بالعربية .. هي عربيتها رينو 5 الصغيرة دي.,, فوجئت بعد كدة بصوت في الدبرياج عندي لما بدوس بسمع صوت حاجة عماله تزيق كدة .. يا ترى دي البلية باظط كدة ومحتاجه تغيير ولا اية .. وهل البلية بتتغير لوحدها ولا لازم الطقم كلو..

اعتقد ان الطقم كلو بيتغير وسعرو حوالى 350 جنيه دسك واسطوانة وبلية والميكانيكى يقولك العيب فين بالظبط

2. فانوس الصالون دايخ علية ومش لاقية ابدا .. عشان الفانوس اللي عندي الزرار بتاعو مش موجود و مش بينور الا لما افتح الباب.

هتلاقية فى الوكالة عند بتوع الهيونداى انا اشتريت واحد للاكسيل كان عامل 40 جنية واشتريت النور الليدات ب 20 جنية ومخلى الصالون ضهر


3. انا قررت اغير الوان العدادات بطريقة الوان الفلوماستر المخصوص ,, حد يعرف الالوان دي منين واسمها اية؟؟ .. كان في اخ جميل الحقيقة عملو في المنتدي و دة اللينك بتاع الموضوع
http://www.nilemotors.net/nile/74247-2009.html

بص ياباشا علشان متلعبش فى العداد ويستحسن لو هتعملها رووح للكهربائى بتاعك يعملها معاك خصوصا لو انت مالكش فى الفك والتركيب وممكن تغلط واى غلطه هتكلفك عداد جديد لانك مش هتبقى راضى عن الشكل

انا هنقلك تجربتى انا كنت فى التوفيقيه لقيت كارت لمض كدا اللمبتين ب 3 جنية واسمها type r تمام انا لقيت الوان ابيض واحمر وازرق واخضر انا اشتريت الابيض واشتريت 4 لمض وفكيت العداد وركبت اللمض اللى انا جيبتها بكل سلاسه والعداد بقا لونو ابيض لامع وجميل جدا وزاهى كدا ونورها قوى اوى بيهيقلى الازرق كمان هيبقا اجمد او الاحمر اللمض دى اشيك من شريط الليدات وحركات بتوع التاكسى وهيكلفوك 6 جنية ال 4 لمض وهاتهم وجربهم مش هتخسر حاجه يعنى .....

4. عايز اعالج جزء صغير كدة في العربية من تحت العامل قالي علية لما كنت بغسلها فيه بداية تآكل .. دة يتعالج ازاي و بكام؟
شكرا و اسف للاطاله و ارجو الاهتمام والنبي :]

روح للسمكرى يبصلك على العربيه ممكن يحطلها قطع صغيره ويلحمها ويدهنها بلاك اسود علشان متعملش رومة والسمكرى هيدلك صح الدنيا فيها ايه

المشاركة الأصلية كتبت بواسطة koshary

روح للسمكرى يبصلك على العربيه ممكن يحطلها قطع صغيره ويلحمها ويدهنها بلاك اسود علشان متعملش رومة والسمكرى هيدلك صح الدنيا فيها ايه

انا مش عارف اقولك اية يا باشا ... انا متشكر جدا على المعلومات بجد .. بس مع الاسف انا امبارح اشتغلت على العدادات و بوظتها تقريبا .. عشان اللي عملتو احمر بقا حلو جدا .. و اللي عملتهم ازرق طلع اللون تقيل جدا و حجب الاضاءة .. ومش عارف اعمل اية هجرب كدة اعملها ب تنر و اشوف هيحصل اية .. لو عرفت افكها واشيل اللون هطلع التوفيقية و اجيب اللمض زي ما قولت من هناك كدة يبقى احسن .. بس في حالة انها متشالتش .. تعرف اذا كانو بيبيعو في التوفيقية الورقة بتاعه العدادات ولا لا؟؟؟؟