الموضوع: التكييف والباور في فرع المقطم اليوم

من شهر ونص كنت في صيانة ال 10 في القطامية وقلتلهم على مشكلة التكييف الروتينية والباور في رجة لما تلفه بسرعة وهي مشكلة مكررة برده

العربية خلصت مع الصيانة بتاعت ال 10 وحاجات تانية في ساعة وربع تقريبا وسافرت بعدها على طول واكتشفت ان ولا التكييف اتغير في حاجة ولا الباور ، وكان مكتوب هنا ان اصلا فرع القطامية جهاز ظبط الفريون بتاعه بايظ وان كان بعد كده ناس كان عندها نفس الشكوى راحت المقطم ومفيش حاجة اتعدلت وبعتوهم بعدها العبور


النهاردة رحت المقطم ... معادي الساعة 8 واصل الساعة 7.50 داخل 8.30 ، الراجل قاللي مشكلة الباور ديه في كل اللوجان ومالهاش حل .. قلتله يعني ايه قاللي يعني مالهاش حل ... العربية دخلت 8.30 طلعت 12

دخلت انا لخدمة العملاء واعتذرولي عن رد الراجل في موضوع الباور وقالولي انها مشكلة في اللوجان فعلا وانهم مش عارفين يحلوها وخدوا تليفوني وقالولي انهم بعتوا لفرنسا يشوفوا حل

التكييف قبل الصيانة كان مع الحر الشديد بيفصل ويرجع والار بي ام بيلعب والعربية سحبها بيتأثر جدا

بعد الصيانة الوضع اتحسن بشكل كبير مقارنة بقبل الصيانة بس مش بالشكل الموجود في عربيات تانية ... لكن الى حد كبير التكييف والسحب بقوا مرضيين

في سؤالين .. اولا اذا كان التكييف لوحده خد اكتر من 3 ساعات ونص شغالين فيه في القطامية هما طنشوا الموضوع خالص اساسا !!! ايه اللي المفروض اعمله تجاه حاجة زي ديه؟ هل اقدم شكوى مثلا؟؟

السؤال التاني موضوع الباور وموضوع انهم كلموا فرنسا ده كان عضو برده كاتبه ... هل نثيره على الفيس بوك يمكن يحاولوا يدوروا على حل وهل نكلم حماية المستهلك؟؟