رساله الى المحترم أحمد tv

**adelahmed5** · 08-06-2012 04:02 PM

أحمد بك بعد السلام عليكم و رحمة الله و بركاته الحقيقه انا معايا نيسان صنى اتوماتك لكن قرفت من العربيه و التوكيل مودرن عمرى ما عملت صيانه الا ا و كرهت اليوم ( استغفر الله العظيم ) اللى اشتريت فيه السياره كل مره لكن اخر صيانه و هى صيانه ال 15 الف تصدق صيانه عاديه لكن البهوات فى مودرن موتورز الدقى اضافوا مياه للبطاريه بهبل و كانت النتيجه انها وقعت على الشاسيه و قشرت البويه من الفايص يعنى الانسان العامل بيزود مياه البطاريه دون معاير و مفيش أسطى كبير يراجع عليه انا أعمل ايه انا زهقت من مودرن و نيسان وفى واحده اسمها مدام هبه اتصلت عشان تسأل عن رأى فى صيانه و لما قولتلها عملت نفسها ان دى عادى و بيحصل و معلش و كلام زفت انا اسف بس انت كنت اهم الاسباب انى اشترى العربيه دى لكن االلحمد لله من قبل و من بعد و انا نفسيتى تعبت و قرفت

**حماده المصري** · 08-06-2012 05:00 PM

انت الي مدايقك صيانه مودرن والبطاريه هما الي كرهوك في عيشتك

لو في حاجه تانيه ياريت تقول

**adelahmed5** · 08-06-2012 05:19 PM

المشاركة الأصلية كتبت بواسطة حماده المصري

انت الي مدايقك صيانه مودرن والبطاريه هما الي كرهوك في عيشتك

لو في حاجه تانيه ياريت تقول

حوض العربيه اللى باظ من التوكيل بزمتك فى شركه محترمه تجعل وكيلها يكون السبب فى خراب سيارات الناس و بعدين حضرتك تقولى في حاجه تانيه ياريت تقول

**alaamousa** · 08-06-2012 06:27 PM

الله يكون في عون حضرتك الواحد مش عارف امتى الناس تحافظ على شغلها وتعمله بضمير

**A7MED_PHARMA** · 08-06-2012 07:07 PM

طيب وأحمد ماله ومال الكلام ده
أي أستهبال من بتوع الصيانة .. كنت تاخد حقك وإنت واقف
زعق وهدد إنك هتشتكي جهاز حماية حقوق المستهلك..وهدد إنك هتشتكيهم للشركة الام
وهكذا
هتلاقي حاجتك قضيت .. والكل هيمشي سليم

**A7MED_PHARMA** · 08-06-2012 10:23 PM

المشاركة الأصلية كتبت بواسطة adelahmed5

موضوع تاخد حقك و انت واقف تبقى هتنزل لمستوى متدن و انا مش بتاع زعيق وهدا ليس ضعف بس بعد ما هزعق و اهدد م- عبد الباقى المسؤل عن فرع الدقى تعتقد انهم هيعملوا حاجه الحقيقه الواحد حاسس بالارف و عمر البلد دى ما هاتشوف اى خير لان اهلها بيستقوى على بعض و لا يعملون و ان عملوا لا يتقنوا اكيد اللى زود مياه البطاريه دى عيل صغير عديم الخبره لتدنى الراتب و الزبون يلبس و عربيته تخرب و طظ

ومين قال إن الزعيق.. تدني مستوى
أنا ماقصدش إنك تشتم
أنا أقصد إن لما تلاقي مشكلة في عربيتك .. وتقف وتتنفخ وإيدك في جيبك
وتتكلم بلهجة الأمر .. والتهديد .... خد بالك إنك مش رايح تعملها ببلاش
يعني مش هيزكي عليك أو يخدمك..لما يصين العربية
لا
إنت دافع فلوس ياعم الحج
get what you have paid for

**AhmdDomar** · 08-06-2012 10:45 PM

لو مصلحوش اللي بوظوه ، بداية إفضحهم في المنتدى واشكوهم في حماية المستهلك ، ومتروحش هناك تاني روح أوتو إيجيبت الكل بيشكر فيهم وناس مرنه ومحترمه وممكن تروح السبع كلهم ناس يهمهم رضى العميل وربنا الموفق