يا جماعه ترشحولي ال 316 الدبانه حاله شاذه و لا اللانسر

**ahmedfoud** · 10-06-2012 06:04 PM

كنت بدور علي دبانه 96او 97 او 98 حاله شاذه اتوماتيك و بعد 3 شهور بحث فقدت الامل و اتجهت اني ادور علي لانسر سوبر اكشن
وحاليا ادامي بي ام 316 موديل 98 اخر شكل الدبانه اوتوماتيك و الحاله الشاذه الي كنت بدور عليها و عامله 107 الف كيلوا فقط يعني لسه بخيرها
ولكن ؟!
بعض الاصدقاء نصحوني باني اجيب اللانسر اريح و عمليه اكتر و خصوصا اني هستخدمها في شغلي يعني بلف بالعربيه كتير في حدود من 100ك الي 200 ك يوميا

يا تري تنصحوني بايه يا جماااااااااعه

**Sehsss** · 10-06-2012 06:22 PM

اللانسر أفضل بالنسبة لمتطلباتك

**Mostafa_Nour** · 10-06-2012 08:38 PM

السلام عليكم
أنا أرشح لحضرتك اللانسر أكثر من البى ام دبليو لسببين :
أولا: فرق الموديل (مش هيقل عن 10 سنين) دى نقطة لصالح اللانسر بشدة , لأن العربيات لما بتعجز مشاكلها بتكتر وبتبقى فعلا مقرفة , خصوصا مع غلو أو قلة قطع الغيار (نقطة أخرى فى صالح اللانسر اللى قطع غيارها منتشرة , ورخيصة)
ثانيا: أعتمادية اللانسر اللى تتفوق على البى أم دبليو (لبساطة اللانسر وتعقيد البى أم دبليو), وعلى فكرة الكلام دة فى البلاد الأجنبية برضة (أمريكا وأوروبا) , بتلاقى للأسف العربيات الألمانية بتاخد مراكز متأخرة شوية فى الاعتمادية بينما اليابانى بيكتسح فى الاعتمادية.
أهم حاجة فى العربية اللى انت هتجيبها ان شاء الله انك ماتتنازلش عن الفرامل الabs , وانك تكشف عليها كويس فى التوكيل أفضل من الأماكن المجهولة , ويعطوك تقرير مفصل عن حالة العربية.
وبالتوفيق ومبروك مقدما.

**ahmedfoud** · 11-06-2012 12:54 AM

يا جمااااااااعه اشكركم جدا
و ارائكم دي خلتني فعلا اغير تفكيري و ابعد عن البي ام و لو مؤقتا
اكرر شكري و امتناني عي جميع الردود ...,,, و في انتظار اراء اخري

**tarekmomo** · 11-06-2012 01:02 PM

كمان البى ام مشكلتها انها واطية اووى وبتحك جاامكد فى المطبات عايز ة شوارع نضيفة ومتسفلتة

**Dr'AhmZZong** · 11-06-2012 05:03 PM

المشاركة الأصلية كتبت بواسطة Mostafa_Nour

السلام عليكم
أنا أرشح لحضرتك اللانسر أكثر من البى ام دبليو لسببين :
أولا: فرق الموديل (مش هيقل عن 10 سنين) دى نقطة لصالح اللانسر بشدة , لأن العربيات لما بتعجز مشاكلها بتكتر وبتبقى فعلا مقرفة , خصوصا مع غلو أو قلة قطع الغيار (نقطة أخرى فى صالح اللانسر اللى قطع غيارها منتشرة , ورخيصة)
ثانيا: أعتمادية اللانسر اللى تتفوق على البى أم دبليو (لبساطة اللانسر وتعقيد البى أم دبليو), وعلى فكرة الكلام دة فى البلاد الأجنبية برضة (أمريكا وأوروبا) , بتلاقى للأسف العربيات الألمانية بتاخد مراكز متأخرة شوية فى الاعتمادية بينما اليابانى بيكتسح فى الاعتمادية.
أهم حاجة فى العربية اللى انت هتجيبها ان شاء الله انك ماتتنازلش عن الفرامل الabs , وانك تكشف عليها كويس فى التوكيل أفضل من الأماكن المجهولة , ويعطوك تقرير مفصل عن حالة العربية.
وبالتوفيق ومبروك مقدما.

المشاركة الأصلية كتبت بواسطة tarekmomo

كمان البى ام مشكلتها انها واطية اووى وبتحك جاامكد فى المطبات عايز ة شوارع نضيفة ومتسفلتة

**ahmedfoud** · 12-06-2012 04:52 AM

المشاركة الأصلية كتبت بواسطة dodo2000

البى ام ركوبتها ممتعة فعلا و جميلة جدا بس انت محتاج عربية للشغل يبقى تختار حاجة عملية يعنى موديل حديث و قطع غيار كتيرة و اسعارها كويسة و تستحمل الشقى و البهدلة

للاسف كلامك صح