الموضوع: الكارينز والفلوينس من جوة الى برة على الصحراوى و top speed

المشاركة الأصلية كتبت بواسطة ashouhdy

حكتب تجربة امبارح من اول ماطلعنا من هليوبلس و tivoli لحد ماوصلنا اسكندرية بحمد الله
احنا كنا مروحين العربيتين والمفروض معانا شنط كتير انا سقت الفلوينس جوة القاهرة وكنت مبهور اوى بالباور الكهرباء والدركسيون اللى بحركة لجوة وبرة والقاعدة الرياضية ولعبت فى دماغى انى اجيبها الصراحة وقعدت افكر جديا طول اليوم فيها .. لحد اللحظة الحاسمة اللى هو المواتيير :)))

بدأ الرجوع للاسكندرية ب
حوالى 12 شنطة و4 ركاب

قسمنا الشنط على العربيتين وطبعا الكبير كان معايا والتقيل كمان استغلالاا للميكروباص اللى معايا :))

سريعا عشان دة مش موضوع الموضوع يعنى بس هى حاجة شاملة كدة

انا اخدت ال 6 شنط كلهم عندى فى الشنطة ورا بحطهم فوق بعض وبالورب وبالتالى الكنبة كانت فاضية ومستعدة تشيل 3 افراد كمان

الفلوينس اخدت 3 كبار فى الشنطة و3 هاند باج صغيرين على الكنبة يعنى العربية قفلت على كدة

طبعا مش حتكلم على حر القاهرة بس بامانة تكييف الكارينز ماشاء الله على 2 ومكفى العربية قوى الفلوينس كان على 3 وبصراحة مش قد كدة

طلعنا على الصحراوى الساعة 10 باليل ووصلنا بوابة اسكنرية 11ونص تقريبا

احنا كنا ماشيين عادى 100 الى 120 لحد قبل الماستر وبعدين الشيطان لعب لعبتة واتخنققنا الصراحة وكنت رافض انى اجرى لانى اصلا ضد الجرى (مؤخرا) ولأن كنت عارف ان العربية حتكسفنى جدا فى الجرى وفرق الشنط ووزن العربية لكن مع اصرار الشباب والطريق فاضى و straight ويالا دة مفيش غيرنا على الطريق

بدأ الجرى من 100 لحد 175 بصراحة الكارينز مجابتش اكتر من كدة مع التكييف والشنط وفردين الفلوينس كملت ل 180 او 185 تقريبا وكل مرة تسبق على السرعة دى بالذات

من بعد التحويلات كنا بنتحرك تقريبا من الثبات كان بيبقى نص الكارينز سابق الفلوينس لحد 130 وبعدين يحصل drop تسبق الفلوينس بوشها وتعدى بالضبط لحد الاكصدام الامامى بعد كدة بالضبط يحصل drop فى الفلوينس وتبدأ تجمع الكارينز من 140 لحد 170 اكتر واسبق انا بفرق عربية اول ما الفتيس يجيب اخر نقلة يحصل drop جااامد والاربى ام ينزل ل 4 وتقف عند 175 قلبت ستيب ترونيك وقعدت احاول انى اسقط نقلة مرضيش ههههه و الفلوينس بقى تبدأ تظهر بفرق top speed وتعدينى تبقى قدامى بالضبط ومش عارف اجيبها لحد ماهو يقف عند 185 تقريبا ويبقى الفارق اكصدام فى اكصدام تقريبا

كدة انا مش عارف اية السبب فى الdrop بتاع الفلوينس الصراحة ولية العربية دى تجميعها تقييل اوى كدة

مقارنة بفرق وزن 300كيلو للكارينز و aerodynamics للفلوينس بس مبتعديش

الصراحة ذعلت اوى ان العربية مكنتش عارفة تكسر ال 175 :(( بس كنت مبسوط من كذا حاجة

الثبات بتاع العربيتين كان ممتاز وبناخد الحارات مع بعض بثبات تام وكانت الفلوينس حلوة فى التنقل بين الحارات ماكنتش بتميل الصراحة لكن معايا كنت بحس ان فى ميل خفيف بسبب ارتفاع العربية العالى قوى

بالاضافة

ان مع فرق الوزن والتصميم بتاع العربية محصلش فرق مواتير جامد
كمان ان الكنبة كانت فاضية عندى وممكن لو سفر اخد 3 عليها بالمقابل كانت الفلوينس قفلت خلاص ومفيش مكان لواحد زيادة

بعد الشدة دى طول الطريق غيرت رأيى فى انى اغير للفلوينس لأن لقيت انى حضحى بالكنبة و 3افراد معايا او مسافر مع العيلة مقابل top speed 10كيلو متر بالضبط ... اية رأيكم

عاااش يا كبير !! بس كدة يا معلم تبقى في تيفولي وماتقلش !! ده انا هناك علطول !!

المرة الجاية لازم تقول عشان نعمل معاك الواجب وطبعا حمدلله على السلامة نورت اسكندرية <<< وعلى فكرة اخوك اسكندراني برضوا من بحري بس عايش في القاهرة

ال Drop اللى حصل عندك على ال 130 ده موجود برضوا في السيراتو !! واعتقد ده عيب في الفتيس وال Gear ratio فبتلاقيها دايما بتقع في الحتة دي !! وبعد ال 140 ولحد ال 170 ترجع تفوق تاني !! وبعد ال 170 بتقع وبتهدى جامد !!

العيب ده اتعالج نوعا ما في السيراتو ال 6 نقلات !!

وبعدين يا راجل حرام عليك !! بقى معاك 6 شنط و3 اشخاص يعني العربية Full Load !! وكمان مشغل التكييف وزعلان ان العربية ماعدتش ال 175 !! ارحم العربية يا كبير مش كدة !!

اعتقد انت لو لوحدك العربية هتجيب ال 190 مرتاح !! طالما جبت 175 بالتكييف و Full load !! فعلا ماشاء الله دي حاجة تفرحك على فكرة مش تضايقك خالص !!

الفلونس عموما معروف انها مش قد كدة في الجري بس طبعا اللى خلاه يسد معاك انك معاك وزن كبير + ان العربية عندك اصلا اتقل منه !! فبقى الموضوع متوازن حبتين

انما لو انت لوحدك وهو لوحده الموضوع هيبقى محسوم