الموضوع: ممكن افضفض معاكم

معلش يا جماعة اعذرونى لو هاتاقل عليكم بس انا خلاااااص هاطق و عاوز افضفض
بقى لى اسبوعين محتار اجيب ايه و كنت باقارن بين كذا عربية فى فئة ال 70 الف مش مهم ماركتهم ايه لان المقارنة شئ عادى و لما يكون فيهم صينى او ما فيهمش برضه عادى ده رايى
انما اللى غايظنى انك تلاقى كل اللى داخل عمال يكرر كلمة واحدة بس
ماخدوش يا بابا -ما اخدوش يا بابا - ما اخدوش يا بابا
صينى لا ااااااااا- صينى يع --- صينى بلا قرف -صينى يبقى انت بترمى فلوسك فى الارض
و المهم ان و لا واحد فيهم تاعب نفسه يفكر شوية يعنى كل اللى راكبين الصينى دوول ب--- بنى ادمين ؟؟؟؟؟
سيدى الفاضل قارن بموضوعية و بحيادية او عن خبرة
المهم ان برضه ده مش غايظنى انا اللى غايظنى يا سادة الاتى :
عمالين نتريق ع الصين اللى عملت نهضتها فى 20 سنة و احنا من سنة 1952 بعد ما كنا من اوائل الدول اللى ابتدت التصنيع و صنعنا الملاكى و الميكروباص و كان ميكروباص رمسيس (دى كانت مراكة مصرى مش رمسيس المحطة )الترامكو او ميكروباص مصرى لو كنا طورناه كان زمانه حاجة جامدة
احنا الدولة الوحيدة اللى بتعود للخلف يا ساادة
ايها السادة الصين
-بتستخدم النووى
-عملت صواريخ و اطلقتها للفضاء باقمار صناعية
-كانت عارضة تسدد ديون امريكا اواخر 2011 بس امريكا رفضت لاعتبارات نرجسية
-عملت نظام تشغيل حاسبات معتمد على اللينوكس خاص بيها و بلغتها
عملت اقمار صناعية
بتشارك اكبر الشركات الاوروبية لصناعة السيارات فى بحوث تطوير المحركات الكهربائية و الصديقة للبيئة
اعتماد ذاتى كلى فى الغذاء و بتصدر كمان
كانت عارضة تشترى فولفو السويدية بس مش عارف الموضوع ده تم و لا ما تمش
مشاركة فى جنرال موتورز و فولكس فاجن

و كل ده ابتدى يا سادة بفوانيس رمضان اللى بتتريقوا عليها و فاكرين ان الصين ما عملتش غيرها
انما احنا الجهابذة العباقرة الاباطرة اصل فانوس رمضان اول ما الصين بعتتهولنا بطلنا نصنعه و اشتغلنا بمبدأ شراء العبد و لا تربيته و ثقافتنا استهلاك فقط
يا ريت ترحمونا بقى و شوية شغل شغل بجد و تفكير بموضوعية مش لالالالا مش ممكن - مش ممكن ابدا
و كان اسبيرانزا قاعد هنا و بى واى دى قاعد هنا و المستهل المصرى على كلمة واحدة
ما اخدوش يا بابا - ما اخدوش يا بابا - ما اخدوش يا بابا