الإيرباج مع الحزام ولا لأ؟؟

**amirboulos** · 14-06-2012 12:44 PM

يا شباب حد عنده فكره الإيرباج بتاع اللوجان بيفتح مع استخدام حزام الأمان ولا ممكن يشتغل مع حد مش لابس الحزام؟؟؟

**gebreel** · 14-06-2012 02:59 PM

مش مربوط بالحزام للأسف

**akram87** · 14-06-2012 04:41 PM

الإيرباج من غير حزام >>>>>>>> قاتل !!!!!

**amr.elsayed** · 14-06-2012 04:49 PM

لا العكس الايرباج فى معظم العربيات بيكون مربوط بالحزام ... علشان لو لا قدر الله حد عمل حادثة ممكن الايرباج
يفتح فى الوجه بقوة ويسبب مخاطر ممكن تكون اكبر من الحادثة لكن ربط الحزام بيبعدك عن الطارة وبالتالى بيحمي
من ان الايرباج يفتح بقوة فى الوجه ... وسواء مربوط بالحزام او لا فالحزام اهم بكتييير جدا من الايرباج كامان

**amirboulos** · 14-06-2012 05:34 PM

شكرا علي الردود ...وهو كده في قصور من الشركه المصنعه لأنه هو كده زي ما هو أمان وحمايه في حاله الحوادث وومع استخدام الحزام هو برضه خطر لو الشخص مش مستخدم الحزام وخصوصا كما ان اللوجان اللي بتنزل مصر دي مفيهاش زرار الغاء الإيرباج اللي هو موجود بين التابلوه والباب الأمامي اليمين يعني لو حضرتك مش لابس الحزام وده عادي زي كل المصريين ...ممكن لاقدر الله مع اي خبطه (الله لايسمح) تاخد بوكس ايرباج محترم في وشك

**halem0000** · 14-06-2012 05:38 PM

والتوكيل بيشتغل الناس ويقولهم عشان الإير باج تعمل بكفاءه لازم تكون رابط الحزام

**S O P H O S** · 14-06-2012 06:06 PM

يعني بدون حزام في لوجان فقط ؟؟
ولا عموما

**alex_life1989** · 14-06-2012 06:23 PM

انا حاسس ان الايرباج ده لو فتح اى حد ممكن يموت من الخضة يجيله ساكتة قلبية

**amirboulos** · 14-06-2012 06:48 PM

المشاركة الأصلية كتبت بواسطة halem0000

والتوكيل بيشتغل الناس ويقولهم عشان الإير باج تعمل بكفاءه لازم تكون رابط الحزام

عليك نوووور التوكيل بيشتغل الناس جامد ...لأني بعت السؤال ده علي صفحة رينو ع الفيس بوك ...فردوا عليا وقالو لي مع الحزام وبعدين بعتوا لي رساله خاصه ليا انا ...اشوفها انا بس قالوا لي انه لازم ابقي لابس الحزام علشان الأيرباج ميضرنيش :)) مش هو بيشتغل مع الحزام :) .....شويه عيال والله