شارك قديمة وجديدة

**MohammedAladel** · 14-06-2012 12:59 PM

عايز أعرف الشارك الجديدة المايفيك فيه تعديل ع الشكل الخارجى عن الشارك القديمة وامتى الشارك نزلت بالظبط ؟ ويعنى إيه mivec ? زى التربو يعنى ؟ ولو تربو معقول ع الموتور ال 1600 سى سى يولد 117 حصان فقط ؟ فيات برافو 1400 سى سى أتوماتيك وبتولد 120 حصان والمانيوال منها 150 حصان وإيه اختصار كلمة مايفيك ؟

**وائل محمد** · 14-06-2012 03:18 PM

ممكن اعرف سعر الفانوس الخلفي للكريستاله2000بكام؟

**MohammedAladel** · 14-06-2012 04:37 PM

والله بصراحة مش عارف أرد أقول إيه حضرتك قرأت رأس الموضوع ؟؟؟

**midobond** · 14-06-2012 05:21 PM

بالنسبة للتعديل الخارجى فهو للاسوء بكل اسف شالوا العتب و الكساحات اللى كان مدى للعربية منظر رياضى بحت
و شالو الزينون و العدسات فى الفوانيس ده طبعا عشان يحافظو على سعر العربية و يبقى زى ما هو فى مقابل زيادة قدرة الموتور
بالنسبة للمايفك بقى اللى اعرفه ان كلمة مايفك دى اختصار لجملة (Mitsubishi Innovative Valve timing Electronic Control system
و كلام سمعته بس مش فاكر اوى بصراحة عشان ميتقالش انى بفتى ف حاجة و انا مش عارفها انه شغل الموتور bareback stock

**midobond** · 14-06-2012 05:27 PM

الشارك نازلة فى 2008 فى منها 3 فئات GLX &GLS &GT
بينزل مصر المحروسة ال GLX &GLS بس عشان هما اللى كانو 1500 و بقو 1600 السنة دى انما ال GT عشان 2000 cc
ف الخزنة بتاعتها هتبقى عالية اوى تمنها هيكسر ال200
الاختلاف بين GLX و GLS زى اختلافات البومة بالظبط الكلاسيك و الهاف سبورت و السوبر اكشن

**midobond** · 14-06-2012 07:18 PM

اللى انا عاوز اعرفه هى الشارك الكاملة (فتحة سقف و سبويلر) 1600 سى سى بتاعة الكويت هى هى اللى عندنا هنا ولا فى اهتلافات ف الكماليات يعنى مثلا ممكن الاقى فيها زيادة عتب - كساحات - زينون - باركنج سينسور اى حاجة من الحاجات دى؟؟؟

**MohammedAladel** · 15-06-2012 05:39 PM

بشكر حضرتك لمجهودك الوافى بس أنا اعرف ان العربيات الخليجى تختلف عن العربيات اللى بتنزل عندنا مش ميتسوبيشى بس لكن تختلف فى ايه فى الشارك الله أعلم بس انا عايز اعرف هل الشارك المايفيك تربو ولا لا ؟