توكيل كداب

**amirboulos** · 14-06-2012 07:01 PM

يا جماعة انا لاحظت ان الجماعه بتوع رينو دول كدابين شوية من موقفين حصلو معايا في نفس اليوم
اولا لما بعت ع الفيس بوك سألتهم علي الإيرباج بيشتغل مع الحزام ولا لأ فقالو لي مع الحزام قدام الناس كلها ع الصفحة وبعدين رجعوا بعتوا لي رساله خاصه قالو لي فيها انه لو اشتغل من غير الحزام هيسبب اضرار او خطر ع السائق يعني مبيشتغلش مع الحزام

ثانيا لما سألتهم علي العزل الحراري الأهبل اللي هما بيركبوه وقلت لهم اني اعرف كذا حد اشتكي منه وسألتهم علي حلول بديله ....فإتصلو بيا وقالوا لي مين قالك كده دا اي حد عمله مرجعش تاني ومحدش اشتكي منه خالص وانه بيعزل حراره الدوسات بكفاءة ولو انا مش عاجبني الحل ده ممكن يلغوا لي السخن وده برضه اللي انا اقترحته بس بناء علي طلب كتابي مني
.

**akerima** · 17-06-2012 03:56 PM

اولا مفيش تناقض ما بين الردين الاولانيين

فعلا الايرباج بيشتغل لو انت رابط الحزام ومابيشتغلش لو انت فاكك الحزام عشان مايضرش السواق لو انفتح وانت مش رابط الحزام -- فيها ايه مشكلة دي؟؟

ثانيا فيه ناس فعلا ركبلها العازل وارتاحت جدا بعدها وانا واحدد منهم مابحسش باي سخونية جاية من ناحية الدواسة وفيه نا مارتاحتش والناس كتر خيرها بتقدملك كل البدايل

**amirboulos** · 18-06-2012 12:47 PM

المشاركة الأصلية كتبت بواسطة akerima

اولا مفيش تناقض ما بين الردين الاولانيين

فعلا الايرباج بيشتغل لو انت رابط الحزام ومابيشتغلش لو انت فاكك الحزام عشان مايضرش السواق لو انفتح وانت مش رابط الحزام -- فيها ايه مشكلة دي؟؟

ثانيا فيه ناس فعلا ركبلها العازل وارتاحت جدا بعدها وانا واحدد منهم مابحسش باي سخونية جاية من ناحية الدواسة وفيه نا مارتاحتش والناس كتر خيرها بتقدملك كل البدايل

يا باشا شكرا علي الرد اولا وثانيا ربنا يبعد عنا جميعا الإيرباج واستخدامه ...بس الرد في المسائل الحساسه دي والمتعلقه بالسلامه والأمان لازم يكون قاطع انا مش بفتري عليهم بس هما ادوني ردين مختلفين واحد بيقول ان شرط اساسي لعمل الأيرباج اني اكون رابط الحزام ....ثم بعتوا لي رساله خاصه توضيحيه ان الإيرباج لو اشتغل من غير ربط الحزام بيبقي مضر جدا ،،، تفهم من كده ايه ....انه ممكن يشتغل من غير الحزام !! .... ده رد التوكيل والله بكل دقه

ثانيا بالنسبه للعزل الحراري ...حضرتك معاك حق انا لازم اجرب بنفسي واحكم علي الرغم من ان كتير بيأكده فشله ...بس مش هاخسر غير مشوار للتوكيل ...هاجرب وخلاص
.

**akerima** · 18-06-2012 12:56 PM

لا يا باشا انت فهمتهم غلط - (ان شرط اساسي لعمل الأيرباج اني اكون رابط الحزام) دا فعلا صحيح جدا لان الايرباج مش حتشتغل ولا الحساس بتاعها حيحس باي حاجة الا لو انت رابط حزام الامان

يبقي الرد معناه ان شرط اساسي لعمل الأيرباج اني اكون رابط الحزام عشان الإيرباج لو اشتغل من غير ربط الحزام بيبقي مضر جدا فالايرباج عمرها ما حتشتغل الا لو انت رابط الحزام

**halem0000** · 18-06-2012 02:08 PM

المشاركة الأصلية كتبت بواسطة akerima

لا يا باشا انت فهمتهم غلط - (ان شرط اساسي لعمل الأيرباج اني اكون رابط الحزام) دا فعلا صحيح جدا لان الايرباج مش حتشتغل ولا الحساس بتاعها حيحس باي حاجة الا لو انت رابط حزام الامان

يبقي الرد معناه ان شرط اساسي لعمل الأيرباج اني اكون رابط الحزام عشان الإيرباج لو اشتغل من غير ربط الحزام بيبقي مضر جدا فالايرباج عمرها ما حتشتغل الا لو انت رابط الحزام

شكرااا أخى العزيز على مشاركاتك الفعالة لنا جميعا ونا واحد من الناس اللى استفدت منك بصراحة

ثانيا بالنسبة لموضوع الحزام اللى اعرفة من المنتدى برضه ان الأير باج هتفتح هتفتح سواء رابط الحزام أم لا ..

وده رابط للموضوع اللى هنا فى المنتدى http://www.nilemotors.net/Nile/279750-a.html
ده احنا قلبنا الدنيا على الفيس عشان الموضوع ده والتوكيل يلف ويدور لحد ما اتزنق

**S O P H O S** · 18-06-2012 02:14 PM

المشاركة الأصلية كتبت بواسطة akerima

اولا مفيش تناقض ما بين الردين الاولانيين

فعلا الايرباج بيشتغل لو انت رابط الحزام ومابيشتغلش لو انت فاكك الحزام عشان مايضرش السواق لو انفتح وانت مش رابط الحزام -- فيها ايه مشكلة دي؟؟

ثانيا فيه ناس فعلا ركبلها العازل وارتاحت جدا بعدها وانا واحدد منهم مابحسش باي سخونية جاية من ناحية الدواسة وفيه نا مارتاحتش والناس كتر خيرها بتقدملك كل البدايل

+1111111111

**amirboulos** · 18-06-2012 02:57 PM

طيب سيبونا من قصه الإيرباج الله لا يحوجنا ليه ....نشوف اراء بعض في موضوع اللباد العازل اللي بيركبه التوكيل ....ايه رائيكم فيه وقضي بنسبه اد ايه علي السخونه وهل الكاسيت والأزرار خفت السخونه فيها بعد العزل ؟؟؟

**amriar** · 20-06-2012 03:10 AM

بالنسبه للأير باج .. من التوكيل و بالحجه والدليل .. العربيه اللوجان مش مربوط فيها الاير باج بالحزام و بيعتبروه للأسف انه اوبشن و كله بتمنه عشان هو موجود في عربيات تانيه من رينو زي الداستر و الميجان

دي اكتر حاجه عكننت عليا العربيه ..

بالنسبه للعزل انا منتظر ردكم عشان عايز اركبه

**amr.elsayed** · 20-06-2012 06:32 PM

المشاركة الأصلية كتبت بواسطة amriar

بالنسبه للأير باج .. من التوكيل و بالحجه والدليل .. العربيه اللوجان مش مربوط فيها الاير باج بالحزام و بيعتبروه للأسف انه اوبشن و كله بتمنه عشان هو موجود في عربيات تانيه من رينو زي الداستر و الميجان

دي اكتر حاجه عكننت عليا العربيه ..

بالنسبه للعزل انا منتظر ردكم عشان عايز اركبه

عمرو هو الكلام دة من داخل التوكيل ومين المهندس اللى قال الكلام دة لو تعرف اسمه يبقى فل اوى
علشان لو الموضوع فيه هبل من طرف التوكيل فلازم نرد على الهبل دة علشان ما فيش حد يستخف بعقلنا
وازاى يبقى مكتوب فى كتالوج العربية حاجة والتوكيل ياكدها ويرجع يقول كلام تانى لعميل تانى
بالذات ان الموضوع متعلق بالسلامة والامان

**amirboulos** · 21-06-2012 12:43 PM

المشاركة الأصلية كتبت بواسطة amr.elsayed

عمرو هو الكلام دة من داخل التوكيل ومين المهندس اللى قال الكلام دة لو تعرف اسمه يبقى فل اوى
علشان لو الموضوع فيه هبل من طرف التوكيل فلازم نرد على الهبل دة علشان ما فيش حد يستخف بعقلنا
وازاى يبقى مكتوب فى كتالوج العربية حاجة والتوكيل ياكدها ويرجع يقول كلام تانى لعميل تانى
بالذات ان الموضوع متعلق بالسلامة والامان

احب اقولك ان مش كل اللي موجود في كتالوج العربيه موجود في العربيه نفسها ...غالبا الكتالوج ده مطبوع ببيانات واحده والعربيه بينزل فيها اوبش حسب البلد مثلا ....يعني لو بصيت في الكتالوج هتلاقي في زرار لقفل الإيرباج وده مكانه بين الباب الأمامي اليمين والتابلوه ـ(زي علبه الفيوزات بس الناحية التانية) هتلاقي مكان الزرار ده موجود بس مفيش الزرار ده ....ده معناه ان الكتالوج ده عام