الموضوع: موديل 2010 .. غيرووو البطاريات بدل ما لوجى تعملها معاكوا

طبعا كل الاعضاء ملاحظين ان ناس كتير بتغير البطاريات حاليا والمعظم طبعا موديل 2010
فا اى حد عدى على عمر البطارية سنتين يحاول يغيرها فى اقرب فرصة علشان العربية ماتعملهاش معاك
فالطريق وتفضل تدور على حد يعملك وصلة .. والاستاذة لوجى هانم نامت وحلفت ما هى دايرة النهاردة
لا وزى ما يكون عملالى كمين طلعت بيها زى الفل ويدوب روحت مشوار وبعد كدة وقفت تانى و بطلت
ومرة واحدة قطعت ماية ونور عملتلها توصيلة وروحتها لما افوقلها بكرة بقى
عندى سؤال قالقنى شوية
دلوقتى انا طلعت بالعربية وروحت مشوار صغير جدا خلصت دورت تانى عادى جدا مشيت 300 متر ووقفت وبطلت دورت تانى مش رادية تدور
مش المفروض انها طالما دورت ومشيت شوية انا تشحن يعنى هل ممكن يكون فيه خلل فى الدينمو
ولا هى البطارية باظت ومش بتشحن كويس ودة السبب ؟؟؟؟
وبالمرة قولولى رايكوا اجيب بطارية غالية ولا اكبر دماغى وكله بيمشى ؟؟؟

المشاركة الأصلية كتبت بواسطة eng.geo

مساء الفل يا عمرو :)
الدينامو سليم
البطارية لو ماتت مابتتشحنش خلاص
هات بطارية غالية وكويسة
انا مجرب فارتا في كذا عربية .. علي الأقل بتقعد سنتين

والله يا جو كله شكرلى فيها ... روحت اخدت جولة واسال على الاسعار سمعت حاجات غريبة اللى يقول
رقم واللى يقول رقم اقل منه بكتير وحسيت ان فيه حاجة ..
روحت رايح لواحد معرفتى و ركبت واحدة شكرلى فيها جدا وقالى بلاش الفرتا الايام دى وبلاش العمانى بتجيله منها مرتجعات كتير

المشاركة الأصلية كتبت بواسطة egyzizo

على فكرة سنتين دى أقل بكتير من العمر الافتراضى حسب أغلب المواقع الأجنبية..
احنا كلنا (دفعة 2010) داخلين على 3 سنين ، وبدأت تعملها معانا.

مش عارف ليه العمر الافتراضى عندنا مش من 3 - 7 سنين زى ما الناس بتقول؟
هل الجو ليه تأثير؟

فعلا كل ما اقرا شوية عن البطاريات الاقى العمر من 2 - 5 سنين
اعتقد نسبة رطوبة الجو بتاثر على البطاريات ... بس بامانة العربية نورت تانى
والبطاريات ال 70 امبير احسن من ال 55 امبير الفبريكة بتاعت العربية
غالبا ال 70 امبير بتطلع 62 امبير