الموضوع: أسباب بيع اللوجان بعد فترة قصيرة

لان فى مشاكل بتظهر وهى لسة فى بداية التلين فاى حد ظروفه المادية تسمح انه يغير بيقول كويس عليها اوى 10000 كم حاحط فرق مش كبير والحق سعرها قبل ماينزل جامد واجيب حاجة جديدة او استعمال نضيف واهو برده اخدت حلوة الزيرو او انه حابب يخلص من العربية قبل ما الناس اللى معاها الاوتو ماتيك تبيع وسعر المانيوال يبق فى الارض او انه حابب التغيير بشكل مستمر فا بيلحق السعر

اى عربية منتشرة وبيتباع منها كتير حتلاقى منها كسر زيرو كتير بالذات فى هذه الفئة السعرية
والاسباب كتيير منها مقنع او العادى زى السفر للخارج او التحويل للاوتوماتيك ودة ناس كتييير جدا
بتعمله بيبيع المنيول وهى لسة بخيرها .. تجيبله فلوس كويسة ويزود ويشترى لوجان اوتو ذات المميزات الكتير عن المنيول
وفيه اسباب اللى ينطبق عليها المثل لو فيها الخير ما كان رماها الطير يعنى ممكن العربية فيها عيب معين ومش عارف يتخلص منه
رغم انه قليل انه يحصل لكن دة وارد فى اى عربية خاصتا فى الفئة السعرية دى علشان كدة بننصح اى حد يشترى عربية
مستعملة انه يكشف عليها فى التوكيل بحيث يعرف تاريخ حياتها وممكن العربية مش عجباه ودة غالبا بيكون نازل من عربية اعلى من اللوجان