حد جرب ال htc وايه انطباعتكم عنها

**iwantes350** · 17-06-2012 02:55 AM

السلام عليكم ورحمة الله وبركاته
ازيكم يا جماعة عاملين ايه
والله وحشيني جدااا
معلش انا كنت عايز اعرف ايه نظام ال HTC عموما يعنى من ناحية الجودة والاحتمال وهل بتعطل بسرعة ولا لا وهل بطاريتها built in ولا عادية و كمان جودة التصوير
وهل لو جبت حاجة زى one x استعمال هتعمل فى حدود كام ؟؟
معلش انا طولت عليكم
ربنا يخليكم لينا

**Medo.Malek** · 17-06-2012 03:33 AM

انا ملاحظ ان الاتش تى سى فيه عيب فى الصوت بتاعه
ضعيف شوية
الكلام ده عن تجربة فى المويايل وايلد فاير اس و سينسيشن و الاكس وان اللى حضرتك بتسأل عليه
فى انتظار باقى الاراء برضه

**mido_soliman** · 17-06-2012 04:25 AM

بص ال onex تحديدا يعتبر نقلة نوعية ل htc
انا حاليا بقارن بينة وبين ال s3
انا معايا حاليا نوت و s2
وغالبا مش حتجة لل s3
علشان مفيش فرق بينة وبين النوت غير البروسيسور الكواد كور وشوية اوبشن فى السوفتوير
بس انا نزلت مول العرب توكيل jovitronix ودة وكيل htc فى مصر والجهاز معروض هناك للتجربة وبصراحة اول مرة انبهر بتصميم جهاز من htc
فعلا htc بداو بالجهاز دة يمشوا مظبوط تانى
اولا الخامات والتصميم مبهر بجد مش كلام ولازم تمسك الموبيل فى ايدك وخصوصا الابيض
ثانيا واجهة ال sence الجديدة مع البروسيسور الكواد ال tegra مفيش امتع من كدة
الغريب باة واللى انا مكنتش متخيلة فعلا انة يحصل
ان الشاشة بتاعتة رائــــــــــــــعة وفعلا هما جاهدوا قدام شاشات ال super amoled hd من سامسونج لانها كانت ومازالت واكلة الجو لكن الشاشة ال super lcd2 الجديدة من htc هايلة وواعدة جدا
العيب الوحيد القاتل اللى قريتة من اغلب الملاك وطبعا دة مقدرتش اختبروا بنفسى لانى كنت فى التوكيل نص ساعة بالكتير
البطـــــــــــــــــــــ ــــــارية يقال انها فى الضيـــــــــــــــــــــ ــــــاع
تقريبا مبتكملش نص يوم لو بتسخدمة مكالمات ونت
ملخص
htc من اعرق الشركات والاقدم فى صناعة الاجهزة المحمولة الذكــــــــــــــــــــي ة
موضوع الصوت الضعيف دة فعلا كان فى كل اجهزتها لكن اتحسن بدرجة ملحوظة فى كل موديلاتها الجديدة بعد الشراكة مع beats
معنديش فكرة سعرة كام بصراحة مستعمل
البطارية built in
الكاميرا فى اختلاف ناس تقول هايلة وناس تقول مقبولة
لكن فيها ميزة جديدة موجودة فية وفى الاس3 اللى هى
zero shutter lag اللى هوة بمجرد ما تلمس الزر الصورة تكون اتلقطت فى نفس ذات نفس المومنت :)))

**ahmad--ezzat** · 17-06-2012 04:42 AM

بص انا امتلكت htc desire hd
مستريحتش معاه ابدا

صوته ضعيف جدا
الكاميرا بتاعته تعبانه جدا مع انها 8 ميجا بيكسل وبالنسبه لجلاكسي اس 1 افضل

تصوير الفيديو بيقطع جامد

تصفح النت كويس

بصراحه الجلاكسي اس 1 يضربه بالجزمه

واحسنلك تجيب سامسونج

**ahmed ismail** · 17-06-2012 05:43 AM

تجربتى مع اتش تى سى و وكيلهم جوفيترونيكس ايجابية للغاية
اتش تى سي مبتسرتخصش فى الخامات زى سامسونج بالعكس بتعمل موبايل نضيف ككواليتى و وكيلهم فى مصر قمة فى الاحترام انا كنت شارى الديزاير زد من واحد مستعمل المهم كان مدهولى فقط بشهادة الضمان و الشاحن بدون علبه او فاتورة المهم فى مرة هنج و وديتهلهم سابو عندهم اسبو و بعد كاد قالولى تعالى استلم موبايل جديد سألونى على الفاتورة و العلبة قلتلهم مش معايا مدققوش كتير و عدوها و ادونى موبايل جديد مكان القديم
كنت شارى زمان سامسونج اومنيا اتش دى و قبل السنة كان بايظ رحت للشركة بتاعته كان عيب بورده مردوش يصلحه او يعملوا فيه حاجه الا لو جبتلهم الفاتورة الضريبية غير ان مستريحتش مع سامسونج و خاماتها مع ان الموبايل ده كان التوب بتاعهم ساعتها و معمول فى كوريا زى الجلاكسي تلاتة كدا

**iwantes350** · 17-06-2012 06:32 AM

متشكر ليكم يا شباب
ربنا يخليكم ليا
طيب معلش سؤال رخم
مين فى مصر يكون موثوق فيه اجيب منه حاجة htc استعمال وتكون فى حدود 1800 بس تكون شركة
ولو فى حد هنا من الاعضاء عايز يبيع اى حاجة يقلى عليها

**Medo.Malek** · 17-06-2012 06:56 AM

ممكن تروح توكيل اتش تى سى (جوفيترونيكس ) و تدردش شوية مع الموظفين و تسألهم اذا كان فيه قدامهم حاجة كويسة ولا لا

**iwantes350** · 17-06-2012 07:06 AM

الف شكر ليك ياباشا
خلاص ان شاء الله هبقي اروح بعد الامتحانات
دعواتكم

**Ayman-Ahmed** · 17-06-2012 10:39 AM

هو انا مش مجرب موديلات كتير من HTC ولكن حاليا بستخدم Touch 2 وبقاله معايا تقريبا 18 شهر وعارضه للبيع

التيلفون جميل وصوته مش واطى او احتمال يكون السبب ان النغمات اللى بعملها بتكون عالية
صوت المكالمة نقى
البطارية من غير استخدام نت ممكن تقعد يومين لتلاتة ايام.
يعيبه جسم الموبايل بيتعرض للجروح بسهولة.
الوندوز 6.5 سريعة وملهاش مشاكل تقريبا.
شاشة الموبايل مبحسش فيها باى Lag الا لما نزلت برنامج Security
الكاميرا هديها 8/10 فى الشمس وبلليل 6/10
الفيديو 7/10

الموبايل بشكل عام بالنسبة لى ولاستخدامى واحتياجاتى هديله 8/10 بعد استخدامى لنوكيا-سامسونج-سونى.