| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 12

  1. #1

    الصورة الرمزية amr.elsayed

    رقم العضوية : 32825

    تاريخ التسجيل : 13Feb2009

    المشاركات : 3,559

    النوع : ذكر

    الاقامة : alex

    السيارة: Lanos 2016

    السيارة[2]: Logan 2010..Elantra 2014

    دراجة بخارية: ..............

    الحالة : amr.elsayed غير متواجد حالياً

    Lightbulb كماليات قد تكون عملية لعائلة اللوجان / سنديرو / ستب واى - Facebook Twitter whatsapp انشر الموضوع فى :

    hasad">

    السلام عليكم اعضاء قسم اللوجان والسانديرو والستب واى
    طبعا عربياتنا جميعا متشابهة فى الكماليات وبالتالى ارجو التفاعل لتعم الفائدة علينا كلنا
    فى الاول احب افكركم بموضوع قديم شوية بس موضوع جميل جدا كان صاحبه egyzizo وطبعا غنى عن التعريف
    وكان الموضوع بيتكلم عن الكماليات اللى ممكن تضاف للوجان وتعطى احساس بالرفاهية او بتكون كماليات
    ضرورية ودى بتختلف من واحد للتانى
    ودة الموضوع لليحب يطلع عليه وفيه معلومات كويسة واماكن ونصائح ومعلومات عن كماليات كتير
    http://www.nilemotors.net/Nile/103557-a-23.html
    ...............
    يا ريت نفتح النقاش مرة تانية ونشوف وصلنا لايه فى جزئية الكماليات سواء فى عربياتنا او عربية حد من معارفنا
    بحيث تكون متجربة مع عائلة اللوجان - سنديرو - ستب واى
    حبدأ بنفسى ومر عليا 2 من الكماليات كانت اضافة لذيذة للوجان وهى كالتالى


    1- جهاز انذار ( cobra ) :-

    الجهاز دة على الرغم انه جهاز انذار الا انه فيه خاصية من الممكن حد يحتاجها فى عربيته اللوجان
    بالاضافة انه جهاز انذار
    الاوبشن دة بنشوفه فى عربيات كتير وهو غلق السنتر بعد ما العربية تتحرك على سبيل المثال هيونداى جيتز ودة للامان
    وجهاز الانذار ال كوبرا موجودة فيه الخاصية دى
    وبيتربط بالسنتر وبيقوم بقفل السنتر اوتوماتيك مع اول ضغطة للفرامل ... يعنى انت اتحركت بالعربية
    و اول ما تضغط فرامل السنتر يقفل
    طبعا خاصية ممتازة لاى حد بيركب معاه اطفال وبيستخدم السنتر كتير فى قفل العربية كامان للاطفال

    ................

    2- وحدات الرفع :-

    وحدات الرفع اوبشن فى منتهى الاهمية بالنسبة لناس كتير معاها لوجان لان كل ما تيجى نازل من العربية تفضل تقفل فى زجاج العربية الاربعة
    حاجة تخنق بالاضافة ان فى ناس اشتكت من بطأ رفع الزجاج بالذات لما بترفع كذا واحد مع بعض
    بالاضافة كتير مننا بيقفل العربية وياخد بعضه ويمشى والحقيقة انا من الناس دى ومرة نسيت زجاج باب الراكب الامامى
    مفتوح جزء منه بس ربنا ستر الحمد لله وما فيش حد سرق ال 3 مليون جنيه اللى كنت شايلهم فى الدرج
    طريقة عمله بيكون عبارة عن وحدتين .. وحدة للزجاج الامامى ... ومكانها خلف الجزء الفضى اللى موجود فيه الكاسيت
    و وحدة للزجاج الخلفى ومكانها بيكون موجود خلف فرامل اليد او امامها يعنى اى مكان بيكون متاح وفاضى
    والكهربائى بيربط الوحدتين بالسنتر والارضى بحيث انك لما تقفل السنتر الاربع ازاز يترفعوا
    وبالتبعية طبعا لما تدوس على قفل العربية بالريموت العربية كلها تقفل والازاز كله يترفع
    بيكون سعر الوحدة فى حدود 40 ل 50 جنيه وابعد عن الصينى وممكن التيوانى كويس وراكبين عندى من حوالى سنة وزى الفل


    ملاحظات على وحدات الرفع :-

    لو مش محتاج ان وحدات الرفع يكون لها اى دور غير مع قفل العربية نهائى او بمعنى اخر
    لو انت بتتحرك بالعربية وعايز لما تقفل السنتر الزجاج ما يترفعش ودة الافضل على فكرة ... يبقى انت محتاج تركب كتاوت
    بحيث تقوم الكتاوت بفصل وحدات الرفع اثناء وجود المفتاح بالكونتاكت وطبعا بتشتغل بس لما تقفل الكونتاكت
    عايز كمان اوضح ليه وجود الكتاوت افضل .. لان فى بعض الاحيان وحدات الرفع بتتاثر ببعض الذبذبات الخارجة من بعض الموبيلات
    وممكن تلاقى وحدة اخدت اشارة من الموبيل والزجاج طلع بدون ما تقفل السنتر فا من الافضل وجود الكتاوت لتنظيم الموضوع


    تحذير هام من الستائر الكبس الخلفية :-

    طبعا كلنا عارفين الستائر الكبس المنتشرة حاليا ... الستارة على اد ما هى عملية جدا الا ان مهم جدا كل من معاه لوجان يحذر
    كلنا لو شوفنا الزجاج الخلفى بيكون طالع من الاجناب سلك عريض وناشف واخره طالع المعدن لازق فى الزجاج اللى بيوصل الحرارة
    لسخان الزجاج .. المشكلة ان ممكن مع تركيب الستارة ومع نشوفيه سلك سخان الزجاج ومع الضغط لانها فى الاساس بتركب كبس
    ان المعدن بيتكسر من الزجاج وبالتالى خسرنا اوبشن مهم جدا وهو سخان الزجاج حتى لو طرف واحد بس هو اللى اتكسر يبقى شكرا
    ......................

    طبعا واجب التنويه عن ان تركيب الاوبشن دى خارج التوكيل بتكون الضفيرة خارج الضمان لكن انا عن نفسى مش بيهمنى بصراحة
    لو حد ركب اى كماليات فى اللوجان او السنديرو او الستب واى يشترك معانا حتى لو اوبشن بسيط وعملى او نصائح او تحذير

    سبحان الله وبحمده سبحان الله العظيم


  2. #2

    الصورة الرمزية gamela

    رقم العضوية : 107043

    تاريخ التسجيل : 08Jul2011

    المشاركات : 99

    النوع : انثى

    الاقامة : alex

    السيارة: Logan

    السيارة[2]: Logan

    دراجة بخارية: لايوجد

    الحالة : gamela غير متواجد حالياً

    افتراضي -

    وعليكم السلام ورحمة الله وبركاته
    فعلاً من الكماليات المهمة جداً للوجان الانذار اللى حضرتك ذكرته اللى فيه اوبشن غلق السنتر ساعدنى فى مواقف كتير فى زحمة المرور ساعات الاطفال اللى بيبقوا فى الاشارات ودلوقتى منتشرين جداً عندنا فى اسكندرية بيحاولوا يفتحوا الباب لكن بيكون الباب مقفول
    وبرده وحدات الرفع مهمة جدا عندى التوكيل ركبلى وحدات الرفع فى ريموت الانذار
    انا كنت مركبة الانذار ووحدات الرفع فى التوكيل من سنة وشوية وكان نفسى اركب باركنج سنسور بس المهندس نصحنى ان كفاية كده على الضفيرة ومفيش داعى انى احمل اكتر من كده عليها
    ودلوقتى انا سمعت ان التوكيل مش بيركب اى كماليات للوجان
    عندى استفسار هو انا ممكن ان شاء الله لما استهلك الكاوتش ينفع اخد اطارات رينو سكالا جنوط رياضية
    واركبه فى اللوجان ولا مش حاينفع لموضوع ده


  3. #3

    الصورة الرمزية dr_mohamed16

    رقم العضوية : 102479

    تاريخ التسجيل : 07Jun2011

    المشاركات : 212

    النوع : ذكر

    الاقامة : Egypt

    السيارة: رينو فلونس

    السيارة[2]: رينو لوجان

    دراجة بخارية: لا

    الحالة : dr_mohamed16 غير متواجد حالياً

    افتراضي -

    موضوع رائع
    والله انا نفسي ابتدى اركب شوية حجات كده بس العين بصيرة و الايد قصيرة
    انا عربيتى قرعة :)

    [gdwl]

    نزلت و قولت انا مش راجع ..... و كتبت بدمي فى كل شارع
    سمعنا اللي مكنش سامع ..... و أتكسرت كل الموانع
    [/gdwl]


  4. #4

    الصورة الرمزية amr.elsayed

    رقم العضوية : 32825

    تاريخ التسجيل : 13Feb2009

    المشاركات : 3,559

    النوع : ذكر

    الاقامة : alex

    السيارة: Lanos 2016

    السيارة[2]: Logan 2010..Elantra 2014

    دراجة بخارية: ..............

    الحالة : amr.elsayed غير متواجد حالياً

    افتراضي -

    اقتباس المشاركة الأصلية كتبت بواسطة gamela مشاهدة المشاركة
    وعليكم السلام ورحمة الله وبركاته
    فعلاً من الكماليات المهمة جداً للوجان الانذار اللى حضرتك ذكرته اللى فيه اوبشن غلق السنتر ساعدنى فى مواقف كتير فى زحمة المرور ساعات الاطفال اللى بيبقوا فى الاشارات ودلوقتى منتشرين جداً عندنا فى اسكندرية بيحاولوا يفتحوا الباب لكن بيكون الباب مقفول
    وبرده وحدات الرفع مهمة جدا عندى التوكيل ركبلى وحدات الرفع فى ريموت الانذار
    انا كنت مركبة الانذار ووحدات الرفع فى التوكيل من سنة وشوية وكان نفسى اركب باركنج سنسور بس المهندس نصحنى ان كفاية كده على الضفيرة ومفيش داعى انى احمل اكتر من كده عليها
    ودلوقتى انا سمعت ان التوكيل مش بيركب اى كماليات للوجان
    عندى استفسار هو انا ممكن ان شاء الله لما استهلك الكاوتش ينفع اخد اطارات رينو سكالا جنوط رياضية
    واركبه فى اللوجان ولا مش حاينفع لموضوع ده
    التوكيل فعلا رافض تركيب اى كماليات وفرع العامرية كان متساهل شوية لكن دلوقتى نوووووو
    لانهم على ما شوفت على صفحة رينو عايزين يجيبوا انذار خاص بيهم ويتركب فى التوكيل
    والكلام دة بيقولوه من فترة كبيرة لكن لا حياة لمن تنادى
    ...............
    بالنسبة للجنوط ينفع بس دة لازم نعرف مقاسات الجنط لان بيتم اختيار مقاس الكاوتش على حسب قطر الجنط
    وطبعا بيكون فى مقاسات بنحاول نكون ملتزمين بيها وهى قطر الجنط مع الكاوتش (المقاسات الاصلية للسيارة)
    وجنط الاسكالا حيكون غالى اوى على فكرة علشان اصلى وربنا يبارك لحضرتك فى عربيتك

    سبحان الله وبحمده سبحان الله العظيم


  5. #5

    الصورة الرمزية amr.elsayed

    رقم العضوية : 32825

    تاريخ التسجيل : 13Feb2009

    المشاركات : 3,559

    النوع : ذكر

    الاقامة : alex

    السيارة: Lanos 2016

    السيارة[2]: Logan 2010..Elantra 2014

    دراجة بخارية: ..............

    الحالة : amr.elsayed غير متواجد حالياً

    افتراضي -

    اقتباس المشاركة الأصلية كتبت بواسطة dr_mohamed16 مشاهدة المشاركة
    موضوع رائع
    والله انا نفسي ابتدى اركب شوية حجات كده بس العين بصيرة و الايد قصيرة
    انا عربيتى قرعة :)
    لا يا دكتور لازم تدلع لوجى شوية وطالما قرعة يبقى لازم تجيبلها باروكة على الاقل
    والكماليات دلوقتى مش غالية .. اللى بيغليها مصنعية التوكيل وانا عن نفسى بتعامل خارج التوكيل
    فى الحاجات دى علشان بتخنق لما اروحلهم يركبوا حاجة ويقولوا لا

    سبحان الله وبحمده سبحان الله العظيم


  6. #6

    الصورة الرمزية ahmed_m_ashraf

    رقم العضوية : 111740

    تاريخ التسجيل : 29Aug2011

    المشاركات : 857

    النوع : ذكر

    الاقامة : Alex

    السيارة: none

    السيارة[2]: Logan 2012 AT

    دراجة بخارية: بتلعب في دماغي

    الحالة : ahmed_m_ashraf غير متواجد حالياً

    افتراضي -

    أنا جايب باركينج سنسور SPY Wireless من شهر وأكتر ومتردد أركبة, إيه رأيكم ليه لازمة ولا أعرضة للبيع ولا إيه؟ أصل حسب ماشوفت على النت ممكن يديك قراية صفر ولسه بينك وبين العربية إللى وراك حوالي ٢٠ سم, وهو فايدتة إنك تحشر نفسك من غير متخبط, لو على ال ٢٠ سم ممكن الواحد يقدرها من غير سنسور.

    كمان عايز أركب مسند يد وطبعا لوجي مينفعهاش أي مسند عشان زراير الزجاج الخلفي ودراع فرملة اليد, فالحل الأسهل هو المساند إللى بتركب في جنب الكرسي, لاكن أنا مش مقتنع بيها ومش عايز أخرم في الكرسي. فجاتلى فكرة إن الواحد يدور على مخدع يكون نضيف أو حتي حاجة ستيراد بتاعت ياريس مثلا ويتعملها قاعدة معدن محملة على شكل حرف U مقلوب وتتثبت بشكل ما فى الأرض أو مع مسامير الكراس الأمامية, بحيث يكون مرفوع فوق دراع فرملة اليد وأزرار الزجاج الخلفي. إيه رأيكم في الفكرة دي؟؟؟؟؟؟؟؟

    وحدات الرفع مهمة جدا وأنا ناوي عليها,بس هو موضوع خروج الضفيرة من الضمان ده مقلق ولا إيه؟ يعني عمر حد قابلتو أي مشكلة مع الضفيرة والضمان نفعة؟؟؟؟

    وأهم حاجة عملالي وش من ساعت مجبت العربية, فرش الكراسي. "جينز كار" شغلة رهييييييييييب, بس أنا مستتقل أضرب مشوار للقاهرة مخصوص عشان أركب فرش (مجنون وأعملها) وأنا مليش أي مشاوير فى القاهرة أصلا. هو مفيش حد في إسكندرية شغلة جامد بالطريقة دي, ولا اتجنن وأعملها لما ظروف البلد تهدأ شوية.


  7. #7

    الصورة الرمزية amr.elsayed

    رقم العضوية : 32825

    تاريخ التسجيل : 13Feb2009

    المشاركات : 3,559

    النوع : ذكر

    الاقامة : alex

    السيارة: Lanos 2016

    السيارة[2]: Logan 2010..Elantra 2014

    دراجة بخارية: ..............

    الحالة : amr.elsayed غير متواجد حالياً

    افتراضي -

    ahmed_m_ashrafاستاذ ورئيس قسم اللوجان
    السنسور بارك دة بصراحة اختراع جامد وساعات الواحد بيصادفوا ركنات ما يعلم بيها الا ربنا
    تبقى يدوب على اد العربية و بيكون مفيد جدا الحقيقة فى الركنات اللى زى دى انا انصح حضرتك تركبه

    وفكرة حلوة فكرة مسند اليد على فكرة فى ارضية اللوجان خلف ازرار الزجاج الخلفى فيه مكان علشان يتعشق فيه المخدع الاصلى
    لو اتعمل دراع عمولة ويتثبت فى مخدع نوع محترم حيبقى عامل زى الاصلى بالظبط

    الحقيقة ماشوفتش اى حد اشتكى من ضفيرة العربية او استخدم فيها الضمان .. لكن حضرتك يا استاذ احمد اصبر شوية على العربية
    علشان عربيتك لسة موديل السنة ... اصبر كدة سنة كمان وتطمن على كل وظائف العربية انها شغالة بدون اى مشاكل
    وبعد كدة ابدأ ركب اى حاجة انت عايزها .. وحاول تقنعهم فى التوكيل انها تركب على حسابك لو سعر تركيبهم مناسب لك

    فى ناس كويسة فى اسكندرية بس بصراحة شغل جينز كار جامد الحقيقة فنانين وكان فى واحد مشهور فى شارع بورسعيد
    بس مش فاكر اسمه الحقيقة حبحث كدة على اسمه وحقولك

    سبحان الله وبحمده سبحان الله العظيم


  8. #8

    الصورة الرمزية ahmed_m_ashraf

    رقم العضوية : 111740

    تاريخ التسجيل : 29Aug2011

    المشاركات : 857

    النوع : ذكر

    الاقامة : Alex

    السيارة: none

    السيارة[2]: Logan 2012 AT

    دراجة بخارية: بتلعب في دماغي

    الحالة : ahmed_m_ashraf غير متواجد حالياً

    افتراضي -

    اقتباس المشاركة الأصلية كتبت بواسطة amr.elsayed مشاهدة المشاركة
    ahmed_m_ashrafاستاذ ورئيس قسم اللوجان
    بتحرجني بذوقك .. إحنا منجيش حاجة جنبك يامعلم :)))))

    السنسور بارك دة بصراحة اختراع جامد وساعات الواحد بيصادفوا ركنات ما يعلم بيها الا ربنا
    تبقى يدوب على اد العربية و بيكون مفيد جدا الحقيقة فى الركنات اللى زى دى انا انصح حضرتك تركبه
    طيب للأسف النوع ده مكانش فيه غير لون إسود, أجرب أرشة ولا أقعد ساكت؟ العربية عندي نبيتي .. أربع نقط سوداء حيبقو زبالة قوي ولا تمشي؟؟؟

    وفكرة حلوة فكرة مسند اليد على فكرة فى ارضية اللوجان خلف ازرار الزجاج الخلفى فيه مكان علشان يتعشق فيه المخدع الاصلى
    لو اتعمل دراع عمولة ويتثبت فى مخدع نوع محترم حيبقى عامل زى الاصلى بالظبط
    أنا حفضل ورا الموضوع ده لحد معملة, كبرت في دماغي خلاص

    الحقيقة ماشوفتش اى حد اشتكى من ضفيرة العربية او استخدم فيها الضمان .. لكن حضرتك يا استاذ احمد اصبر شوية على العربية
    علشان عربيتك لسة موديل السنة ... اصبر كدة سنة كمان وتطمن على كل وظائف العربية انها شغالة بدون اى مشاكل
    وبعد كدة ابدأ ركب اى حاجة انت عايزها .. وحاول تقنعهم فى التوكيل انها تركب على حسابك لو سعر تركيبهم مناسب لك
    ربنا يسهل .. بحاول أصبر بس مش قااادر .. عايز أروش لوجي شوية هههههه

    فى ناس كويسة فى اسكندرية بس بصراحة شغل جينز كار جامد الحقيقة فنانين وكان فى واحد مشهور فى شارع بورسعيد
    بس مش فاكر اسمه الحقيقة حبحث كدة على اسمه وحقولك
    [color="rgb(153, 50, 204)"]أنا عايز أخصص يوم للبحث عن سروجي كفائة, بس أعتقد في كل الأحوال مش هيطلع زي جينز كار ... شغلهم فااااااجر[/color]


  9. #9

    الصورة الرمزية ahmedeg1

    رقم العضوية : 72357

    تاريخ التسجيل : 06Jun2010

    المشاركات : 1,226

    النوع : ذكر

    الاقامة : egypt

    السيارة: رينو لوجان 2012

    السيارة[2]: 128&رينو1987&لانوس2010

    دراجة بخارية: .3.

    الحالة : ahmedeg1 غير متواجد حالياً

    افتراضي -

    اقتباس المشاركة الأصلية كتبت بواسطة ahmed_m_ashraf مشاهدة المشاركة
    [color="rgb(153, 50, 204)"]أنا عايز أخصص يوم للبحث عن سروجي كفائة, بس أعتقد في كل الأحوال مش هيطلع زي جينز كار ... شغلهم فااااااجر[/color]
    لو انتا من القاهره او الجيزه عندى يا باشا

    لا تكن أحادي الرأي فمن الجميل أن تؤثر وتتاثر


  10. #10

    الصورة الرمزية Neo206

    رقم العضوية : 101938

    تاريخ التسجيل : 03Jun2011

    المشاركات : 151

    النوع : ذكر

    الاقامة : alexandria

    السيارة: لا توجد

    السيارة[2]: لا توجد

    دراجة بخارية: لا توجد

    الحالة : Neo206 غير متواجد حالياً

    افتراضي -

    hasad">

    لا بجد أفكار حلوة
    أنا برده ناوى على فرش بس مش لاقى حد زى ما انا عايز فى أسكندرية
    بصراحة أخوكم ميعرفش حد سروجى
    و كمان ناوى علا وحدات الرفع



 
صفحة 1 من 2 1 2 الأخيرةالأخيرة

المواضيع المتشابهه

  1. ....* ما افضل ماكينه كهربائية لحلاقة ذقن و تكون عملية ....*
    بواسطة tarek12 في المنتدى المنتــــــدى الاجتمــاعى
    مشاركات: 40
    آخر مشاركة: 21-06-2012, 06:54 AM
  2. مشاركات: 9
    آخر مشاركة: 06-06-2011, 04:39 PM
  3. مشاركات: 24
    آخر مشاركة: 20-04-2010, 10:25 PM
  4. سؤال عن كماليات اللوجان Basic
    بواسطة Ahmedelsawy في المنتدى قسم خاص بالسيارة لـــوجـــــان
    مشاركات: 9
    آخر مشاركة: 11-03-2010, 11:32 PM
  5. ماهي كماليات اللوجان ؟؟؟؟؟
    بواسطة tofy_urban في المنتدى قسم خاص بالسيارة لـــوجـــــان
    مشاركات: 7
    آخر مشاركة: 12-12-2009, 11:29 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2