هو أنا كدة بعذب الدبرياج ؟

**friendship7897** · 19-06-2012 01:53 PM

عندي مشكلة في طريقة سواقتي
أنا طول ما أن سايقة مريحة رجلى على الدبرياج ، ودي مش موضوع راحة بس - لأ - دا إحساس بالإستعداد عند حدوث طارق - لإمكانية تهدئة العربية بسرعة ، وخصوصاً وأنا على سرعة عالية .
دي عادة بحاول أغيرها ومش عارفة ، ومازلت بحاول .
السؤال : هو دا بيأثر على الدبرياج بوجة خاص أو بيأثر على العربية بوجه عام ؟

**MMamdouh** · 19-06-2012 02:19 PM

الصراحة امن الدولة كانوا بيعذبوا الناس عذاب اخف من كدة...

كدة انتى بتهلكى بلية الدربياج تماما لانها شغالة طول الوقت على الفاضى... تحميل الرجل على الدواسة بيخللى البلية ملامسة للدسك و بالتالى بتلف معاه بدون اى داعى

تقليل السرعة او حتى الفرملة القوية ملهاش علاقة بالدبرياج... بل بالعكس لما تفرملى من غير ما تدوسى دبرياج العربية هتقف اسرع لان الموتور هيقلل سرعة العربية... و معنى كدة ان طريقة سواقتك دى بتحمل اكتر على الفرامل و بتستهلكى تيل فرامل و طنابير اكتر من المعدل الطبيعى

و لو انتى بتعملى كدة عشان خايفة العربية تبطل... مش مهم تبطل... اول ما ترفعى رجلك من على الفرامل لو العربية لسة مندفعة هتدور لوحدها.. و لو وقفت تماما مش هتفرق هى دايرة ولا لا لانك اصلا واقفة

حاول تعدلى طريقة سواقتك بحيث رجلك الشمال تبقى دايما على الrest pad و مدوسش على الدبرياج الا عشان تنقلى من سرعة للتانية او تمورى فى حالة التوقف التام فقط لاغير

MMamdouh

**friendship7897** · 19-06-2012 02:33 PM

أنا لما قريت ردك عرفت أني مش بعذب الدبرياج بس
لأ
أنا بعذب بلية الدبرياج ، وتيل فرامل ، والطنابير ، وبعذب جيبي كمان .
ويمكن بعد اللي عرفته دا ضميري يحثني على إني أحاول أغير العادة المكلفة دي .
وجزاك الله خير يا Boss الدايو والشيفرولية .

**friendship7897** · 19-06-2012 02:43 PM

المشاركة الأصلية كتبت بواسطة amrelsaqqa

استخدام الدبرياج ممكن في حالة تسقيط النقلة (عند حالة الطوارئ برضه) عشان العربية تتكتف بالنقلة الاقل وتقف اسرع بس مش اكتر
ممكن اه رجلك تبقى مستعدة للدبرياج او جنب الدواسة ، بس اوعى ابدا ابدا تدوسى ولو 0.5 سم دبرياج اثناء ما العربية ماشية

أنا العادة دي مكنتش فيا في العربيات القديمة ، بس هي عادة ظهرت مع العربية الجديدة اللانوس ، يعني عادة جديدة ، وفكرتني دلوقتي بموضوع قريته عن إنفجار إطار السيارة وعند حدوث الإنفجار لا قدر الله مش ندوس على الفرامل مباشرة ، فيمكن دا اللي آثر على قراري بتريح رجلي على الدبرياج .
وفعلاً أقصد بتريح رجلي إن مش دايسة بالشكل اللي بيحصل في النقلات - لأ بيكون بشكل إستعداد .
لكن أنا ما زلت بحاول لتغير هذه العادة .
شكراً جزيلاً يا amrelsaqqa لنصيحتك .

**Sherif Khalifa** · 19-06-2012 02:54 PM

استخدام الفرامل عادى من دون الحاجة للدبرياش طول ما العرابية بتتحرك
الدبرياش فى حالة الحاجة للتوقف الكامل

**A.Saad** · 19-06-2012 02:59 PM

لو خايفة لا قدر الله من مواقف مفاجئة
ممكن تعملى training مع نفسك
جوة العربية وانتى واقفة تتخيلى اى مشكلة وتحاولى تعملى التصرف المناسب
كذا مرة هتمتسبى رد فعل تلقائى لو الموقف حدث

**friendship7897** · 19-06-2012 03:34 PM

المشاركة الأصلية كتبت بواسطة a.saad

لو خايفة لا قدر الله من مواقف مفاجئة
ممكن تعملى training مع نفسك
جوة العربية وانتى واقفة تتخيلى اى مشكلة وتحاولى تعملى التصرف المناسب
كذا مرة هتمتسبى رد فعل تلقائى لو الموقف حدث

تفتكر إن التدريب ممكن يغير رد فعلنا في المواقف المفاجأة
لا أظن !
في مثل مشهور : عند القدر يعمى البصر
شكراً على النصيحة وهبدأ تدريب من الآن
وربنا يستر طريقنا إن شاء الله

**amrelsaqqa** · 19-06-2012 03:41 PM

المشاركة الأصلية كتبت بواسطة friendship7897

تفتكر إن التدريب ممكن يغير رد فعلنا في المواقف المفاجأة
لا أظن !
في مثل مشهور : عند القدر يعمى البصر
شكراً على النصيحة وهبدأ تدريب من الآن
وربنا يستر طريقنا إن شاء الله

طبعا كل موقف وبيبقى له رهبته ومفيش اي حاجة بتعادل التجربة الفعلية

ولكن ده لا يعنى ان التدريب مالوش لزمة او مش مؤثر او مش بيعلم

لا طبعا التدريب بيفرق ولو بنسبة

الموضوع: هو أنا كدة بعذب الدبرياج ؟

LinkBack

أدوات الموضوع

عرض

هو أنا كدة بعذب الدبرياج ؟ - انشر الموضوع فى :

-

-

-

-

-

-

المواضيع المتشابهه

لو الدبرياج فصل

ليه فى عربيات الدبرياج بتاعها تقيل وعربيات الدبرياج بتاعها خفيف ؟؟

هوا الدبرياج ليه كدا؟؟؟

صوت تكة مع الدبرياج

الدبرياج

الكلمات الدلالية لهذا الموضوع

المفضلات

المفضلات

ضوابط المشاركة