شكرا على تعبك فى المشاركة
أشكرك على التحذير وفعلا خدمة العملاء فى معظم الأماكن سيئة لغاية
رقم العضوية : 8473
تاريخ التسجيل : 05Apr2008
المشاركات : 3,456
النوع : ذكر
الاقامة : le caire
السيارة: peugeot 505 , peugeot 307
السيارة[2]: Daewoo Nubira SX
دراجة بخارية: CBR 400 Soon isA
الحالة :
السلام عليكم
أولا : الموضوع ده مش هيكون مفيد غير للناس اللى تهتم أنها تأخد حقتها ومتفرطش فيه لأنه نوعا ما موضوع طويل لأنى كاتب كل التفاصيل .
انا فى يوم الخميس الموافق 14-6-2012 قررت انى هعمل انترنت فيزا كارد لانى بشترى حاجات من مصر وكانت لازمانى الوقت ده جدا
قبلها كنت عامل سيرش على كذا بنك وفى الاخر استقريت على بنكين هما
البنك العربى الافريقى
Arab African International Bank-the best bank in Egypt-Home Page
كريدي أجريكول
www.ca-egypt.com/index-ar.html
الاولانى مصاريفه لفتح الكارد 20 جنيه فى السنه والرصيد اقل حاجه 100 جنيه . قلت تمام
والتانى كريدي أجريكول مصاريفه 60 جنيه اعتقد ال 3 سنين .. والرصيد اعتقد برضه100 اقل حاجه
الفرق الوحيد ان فى كريدي أجريكول ممكن تعمل ايداع من بعض الماكينات عكس البنك العربى لازم تروح البنك ودى مكانتش مشكله ليا لانى هعمل ايداع مبلغ واسحب منه براحتى ف اتوكلت على الله وعملت البنك العربى الافريقى
وقبل ما اروح البنك فرع مصر الجديده امام الميرلاند كانت مكالمتى كالتالى :
انا : لو سمحتوا الكارت بيطلع فى قد ايه وقت ؟
البنك : فى يومها
انا : المصاريف والمطلوب وكمان بيشتغل بعدها ب قد ايه ؟
البنك : 20 ج وصوره بطاقه ومبلغ 100 على ف الرصيد .. وبيتعمله اكتيفشن فى نفس اليوم بليل ويبقى جاهز للشراء
اتوكلت على الله بعد المكالمه بالظبط كانت الساعه 12 ظهرا ورحت البنك وفعلا مليت الابليكشن وعملت كل حاجه وحطيت مبلغ من المال مش قليل لانى كنت عاوز اشترى حاجات كتير والموظفه هناك كانت برضه بتقولى الشروط ان اقل حاجه 100 جنيه ومينفعش أسحب
الفلوس لأى سبب غير قبل 35 يوم من عمل الحساب قلتلها مش هحتاج أسحبهم لانى هشترى كذا حاجه من النت
تمام واستلمت الفيزا وروحت البيت بعد ما قالولى اتصل 8 بليل اكلمهم عشان اعمل الاكتيفيشن للكارت
وفعلا اتصلت بيهم وعملت اكتيفشن الساعه 8 وكله تم تمام جدا
دخلت اشترى من المواقع اللى انا بشترى منها كانت مواقع بتعمل خصومات على حاجات فى مصر
ده اول واحد
استمتع بأحلى العروض والتخفيضات مع الموقع رقم واحد للتخفيضات في القاهرة | دير'ان'ديل
المهم اجرب اشترى ميرضاش .. كلمت الموقع بتاعهم وقتلتهم هو انتوا مش بتدعموا كارت فيزا فو يو ؟ قالولى لا عادى .. قلتلهم اصلى عملت كارت ومش شغال قالولى ارجع للبنك لانهم مش عارف السبب ..
كلمت البنك قلتلهم الكارت مش شغال مع الموقع اللى بشترى منه مع انى قبل كده اشتريت من نفس الموقع بكارت ابن خالتى اللى هوه نفس النوع وهوه فيزا فور يو .. قالولى من الواضح ان الموقع اللى انا بشترى منه فيه مشكله .. قلتلهم فيه مشكله ازاى انا اشتريت منه
بنفس نوع الكارت بتاع ابن خالتى .. قالولى بس احنا منعرفش المشكله بالظبط بس واضح انه مش بيدعم نوع الكروت ده ..قلتلهم هو انتوا حافظين مش فاهم .. انا شارى بنفس النوع قبل كده .. قالولى طب هنقول للتيكنيكال سببورت ونرد عليك و بعدها محدش رد عليا
انا قلت يمكن يكون فيه مشكله قائمه فعلا .. وجربت اشترى من موقع تانى برضه بتاع خصومات والموقع مكتوب فيه انه بيتعامل مع البنك العربى الافريقى وموضح كده تحت على الشمال
Offerna.com
وبعدها اشتريت اللى عاوزه ودفعت بالفيزا عادى و دست شراء طلعلى برضه ان فيه مشكله وكتبلى
Authentication failed
رحت كلمت خدمه العملاء بتوع موقع أوفرنا .. قالولى احنا مش عارفين المشكله فين بالظبط حضرتك كلم البنك عشان واضح ان الفيزا فيها حاجه
كلمت البنك تانى وكان نفس الرد الأولانى واضح ان الموقع ده مش بيدعم نوع الكروت بتاعنا !! قلتلهم ازاى يعنى يا جدعان ده تانى موقع اجرب اشترى منه وانا المفروض عامل فيزا اون لاين تشترى من أى حاجه ..
قالولى السبب مش واضح بس فى مشكله فى الموقع اللى بتشترى منه .
قلت فى نفسى طيب .. انا بقى هجرب كذا موقع وبعدها لينا كلام تانى وقفلت معاه
جربت بقى
Les Meilleurs Deals à Strasbourg - LivingSocial
ونفس الحوار اللى فات
قلت بقى المره دى انا هجرب مواقع مينفعش يبقى فيها نسبه خطأ غير نادرا
رحت داخل على فودافون مصر وببساطه شديده جدا دخلت قلت بعت لنفسى رصيد اون لاين ودخلت رقم الفيزا
https://www.vodafone.com.eg/vodafone...ymentMain_Page
وبعد ما دخلت كل البيانات دست شراء
طلعلى sorry the transaction failed from the bank
ومن اللحظه دى بدأت اتجنن بجد .. جربت كذا مره منفعش
رحت داخل على Te Data
التجديد بالفيزا
ADSL للبيت - خدمة تجديد الإشتراك
مرضيش برضه
وبدأت اتجنن على خدمه العملاء بتوع البنك العربى الافريقى
كلمتهم المره دى كان يوم 19-6-2012 قالولى نفس الكلام بتاع كل مره قلت لخدمه العملاء الكلام ده مش هياكل معايه وادونى ال مدير بتاعك .
كلمت المدير .. وبدأت بقى اتعصب قالتلى انا هقولك الصراحه .. قلتلها قولى .. قالتلى فيه مشكله فى نظام الفيزا دوليا !!
قلتلها نعم !!!!
قالتلى فيه مشكله ف Visa international system
قلتلها يعنى ايه ؟ وانا ازاى اجى اعمل كارت وفيه مشكله أساسا
قالتلى الموظفين فى البنك مكانوش يعرفوا !!
قلتلها انا مالى .. ازاى يعنى الكلام ده .. ده استهتار .. ازاى تخلونى اعمل الكارت وفيه مشكله عندكوا أساسا من غير ماتقولولى من الأول قبل ما اعمل الكارت ..
قالتلى متأسفين بس فعلا موظفين البنك مكانوش عارفين !
قلتلها دى مش مشكلتى وده استهتار منكوا جدا وانا مش هسكت وانا عاوز حقى وعاوز أرجع فلوسى وانا مش هعدى الموضوع بالساهل وهكتب عليكوا فى كل حته على النت وهشتكيكوا
قالتلى : هوه سياسه البنك ان مينفعش تسحب فلوسك قبل 35 يوم ومش هينفع نغير سياسه البنك
قلتلها : الكلام ده لو النظام شغال عندكوا صح من ا لأول
قالتلى معلش احنا اسفين اوى ومش عارف ايه وهنحاول نحل المشكله ..
قلتلها وانا مش هسكت على حقى .
المهم يوم 20-6-2012
فتحت النت وأول حاجه عملت بحث عن الشكاوى وكده وجه اللينك ده قدامى ف نايل موتورز
http://www.nilemotors.net/Nile/3872686926-post1.html
لقيت فيه ارقام الشكاوى وحمايه المستهلك
كلمت شكاوى البنوك على 16777
ده البنك المركزى
كلمنى اول واحد وقلتله كذا كذا حولنى على واحده تانيه شرحتلها حولتنى على المدير
مدير عام قطاع الرقابات والاشراف
شرحلته المشكله بالتفصيل الممل وبصراحه ده كان أول شخص اتكلم معاه واحس انى استريحت من كلامه معايه وقالى ده حقك و انى مش غلطان فى انى اشتكى
وقالى اكتب شكوى فعلا وبعدين قالى انه هيكلم البنك بنفسه وفعلا انا مشوفتش معامله محترمه اكتر من كده والراجل بجد عداه العيب وادانى رقمه الشخصى كمان واخد رقمى
بعد 3 دقايق بالظبط اتصل بيا وقالى انه فعلا اشتكالهم
ودقيقتين بالظبط لقيت مديره الفروع فى الفرع الرئيسى بتتصل بيا وقالتى احنا اولا اسفين وكده وياريت تشرحلى بالظبط مشكله حضرتك
شرحتلها كل حاجه وقلتلها برضه على خدمه العملاء اللى كل ما أقولهم حاجه يقولولى نفس الكلام اللى حافظينه وقالتلى طبعا اكيد معاك حق تضايق بس جرب تشترى تانى كده
جربت اشتريت .. وبرضه نفس الحوار !
قلتلها أهو !
قالتلى طيب انا هقفل واكلمك تانى
وفعلا قفلت و5 دقايق كلمتنى
قالتلى : احنا فعلا اسفين بس فعلا مشكله الفيزا انها مش شغاله دوليا دى حاجه حصلت طارئه
قلتلها الكلام ده مش صحيح لأن فى كروت شغاله
قالت اه حصلت فى بعض الكروت .
قلتلها طيب انا المفروض كان يتقالى كده فى البنك من الأول ..
قالتلى : الموظفين فى البنك معرفوش كده غير بعدها ب شويه
قلتلها ده استهتار من البنك يا فندم ودى مش حاجه كويسه !
قالتلى معلش اسفين برضه .. وهيه هتتابع معايه وتكلمنى النهارده الموافق 21-6
وانا هستنى تليفونها عموما
اه وبالمناسبه انا النهارده الموافق 21-6-2012 قلت اكلم خدمه العملاء عادى بعدين قلتلهم انا كنت عامل شكوى
قالتلى هوه الرد لسه مجاش بس هتتحل على الأحد ان شاء الله يا فندم
قلتلها شكرا انا هرجع بقى للناس اللى هشتيكيلها
وده كان الموضوع كله
وعشان أكون صريح دلوقتى أكتر انا الموضوع بقى بالنسبالى مش فارق أوى ماليا لكنه فارق معنويا وطز فى الفلوس انا مكلم خدمه العملاء بتاعتهم من موبايلى الشخصى اكتر من نصف ساعه فى مره واحده وفى غيرها كذا مره برضه كل مكالمه حوالى 10 دقايق
اسف للاطاله
all- all this, it- it's not me, inside, I am, I am more.
[mtohg=null]http://www6.0zz0.com/2014/11/23/07/616065184.jpg[/mtohg]
اللهم لك الحمد حتى ترضى ولك الحمد اذا رضيت ولك الحمد بعد الرضا
رقم العضوية : 2303
تاريخ التسجيل : 24Sep2007
المشاركات : 929
النوع : ذكر
الاقامة : القاهرة
السيارة: لادا
السيارة[2]: أفيو
دراجة بخارية: no
الحالة :
شكرا على تعبك فى المشاركة
أشكرك على التحذير وفعلا خدمة العملاء فى معظم الأماكن سيئة لغاية
رقم العضوية : 82537
تاريخ التسجيل : 02Dec2010
المشاركات : 11,874
النوع : ذكر
الاقامة : Egypt
السيارة: الحمد لله رضااااااااا
السيارة[2]: شاهين 2004
دراجة بخارية: موتوسيكل صينى
الحالة :
شكرا على التحذير وربنا معاك
أول مرة اعرف ان حوار الشراء من النت رائج فى مصر وعليه اقبال !!!
المواقع اللى حضرتك حاطتها فيها حاجات اسعارها حلوة فعلاً ومميزة فعلاً
بس بتضمن منين جودة المنتج ؟؟
ومفيش خوف من سرقة رقم الفيزا من النت ؟
فيه اعلان شوفته فيه قدر عالى من النصب
Offerna.com
نفس هذا الجهاز أعضاء كتير اشتروه بـ 450 جنيه
والنصابين بيبعوه بـ899 جنيه بدلاً من 1550 !!!
رقم العضوية : 25216
تاريخ التسجيل : 15Nov2008
المشاركات : 14,019
النوع : ذكر
الاقامة : Haram & My mobile phone
السيارة: New Accent 08
السيارة[2]: Picanto 09
دراجة بخارية: no
الحالة :
تابع مع البنك المركزى
شوف موقع منظمة الفيزا وارفع شكوى ليهم كمان
وبلغ البنك اتك هترفع دعوى بالنصب ضدهم كمان
A.Saad
رقم العضوية : 44557
تاريخ التسجيل : 06Aug2009
المشاركات : 1,515
النوع : ذكر
الاقامة : Cairo
السيارة: None
السيارة[2]: KIA Cerato ُEX 2011
دراجة بخارية: 1
الحالة :
انا معايا الفيزا دي وبستخدمها بدون أي مشاكل مع مواقع عالمية!!
“في الوقت اللى نص شوارع البلد زبالة..سبحان الله محدش بيسيب عربيته تتخربش وكل المستعمل بيبقى راشش نظافة ”
[img2]http://s28.postimg.org/myt8ifkrh/Untitled_1_copy.png[/img2]
رقم العضوية : 8473
تاريخ التسجيل : 05Apr2008
المشاركات : 3,456
النوع : ذكر
الاقامة : le caire
السيارة: peugeot 505 , peugeot 307
السيارة[2]: Daewoo Nubira SX
دراجة بخارية: CBR 400 Soon isA
الحالة :
لا تعب على واجب ودى اقل حاجه ممكن أعملها
المواقع دى بتاعت الخصم شغاله بقالها فتره وهيه تحفه بصراحه .. انا عموما مشترتش اى منتجات معظمها بتبقى سفر ( اشتريت سفر وعروض مطاعم وكافيهات ) لكن عمرى ما اشتريت سلعه ملموسه .
والمواقع دى المفروض انها محميه جدا ومش نصابين يعنى
و المواقع دى وسيطه بين التاجر او صاحب المحل والمستخدم ف كل شغل الموقع ان يكلمه التاجر ويقوله هات عروضك وانا احاول اجيبلك ناس بس كده لكن فعلا لو على الاعلان اللى حاطه يبقى تاجر نصاب ولكن مش عيب الموقع :)
هتابع مع البنك تمام
وهكلم فيزا على رقمهم +18008472911
Page Not Found - Visa Corporate
وهشوف موضوع القضيه لان برضه واحد صاحبى قالى اعملها
انت فكرتنى بنقطه والله نسيتها وسط التفاصيل دى وانا بكلم مديره الفروع فى الاخر كانت بتقولى واضح ان فى مشكله فى نظام الفيزا انترناشيونال لبعض الكروت .. قلتلها لبعض الكروت ولا كل الكروت .. قالت لى لأ ل بعض الكروت .. ف دى كمان بقت مصيبه اكتر انهم يعملولى كارت ويا تصيب يا تخيب !!!
وانا فعلا كنت موضح انى اشتريت ب بتاعت ابن خالتى نفس النوع وشغاله عادى :
كلمت البنك قلتلهم الكارت مش شغال مع الموقع اللى بشترى منه مع انى قبل كده اشتريت من نفس الموقع بكارت ابن خالتى اللى هوه نفس النوع وهوه فيزا فور يو .. قالولى من الواضح ان الموقع اللى انا بشترى منه فيه مشكله .. قلتلهم فيه مشكله ازاى انا اشتريت منه
بنفس نوع الكارت بتاع ابن خالتى .. قالولى بس احنا منعرفش المشكله بالظبط بس واضح انه مش بيدعم نوع الكروت ده ..قلتلهم هو انتوا حافظين مش فاهم .. انا شارى بنفس النوع قبل كده .. قالولى طب هنقول للتيكنيكال سببورت ونرد عليك و بعدها محدش رد عليا
all- all this, it- it's not me, inside, I am, I am more.
[mtohg=null]http://www6.0zz0.com/2014/11/23/07/616065184.jpg[/mtohg]
اللهم لك الحمد حتى ترضى ولك الحمد اذا رضيت ولك الحمد بعد الرضا
رقم العضوية : 10756
تاريخ التسجيل : 15May2008
المشاركات : 3,781
النوع : ذكر
الاقامة : -----------------
السيارة: --------------------------
السيارة[2]: --------------------------
دراجة بخارية: --------------------------
الحالة :
كان معايا فيزا مدينه من بنك كريدي اجريكول وحصلت معايا مشكله مشابهه وهي اني كنت مخصصها اني ادفع بيها اشتراك شهري لاستضافة موقع فاللى حصل ان فى شهرين ورا بعض حصل خطأ من البنك او الفيزا و شركة الاستضافة مش نفع انها تسحب الفلوس فده كلفني بعدها ضعفي الاشتراك علشان ارجع الخدمه
وكلمت البنك يقول لي الشركة واكلم الشركة يقول لي البنك لحد ما زهقت وحسيت اني تايهه بينهم وخلصت الموضوع و دفعت اشتراك كذا سنه و رحت لاغى الفيزا
رقم العضوية : 57829
تاريخ التسجيل : 03Jan2010
المشاركات : 403
النوع : ذكر
الاقامة : جيزة
السيارة: ﻻنسر شارك
السيارة[2]: لادا
دراجة بخارية: لا
الحالة :
حصلت معايا نفس المشكله برضه بس في بنك كريدي اجريكول رحت البنك علشان اشتري كارت ينفع للانترنت قالولي في كرت اسمه كرت الهدايا هو اللي ينفع قلتلهم تمام اعمل واحد وبعد ماعملته جربته في كذا موقع وبرضه مرضيش يشتغل واتصلت بالبنك ٢٠ مرة ويقولولي الموقعمابيدعمش البنك قلتلهم ده اقل حاجه موقع فودافون مثلا
وفي النهايه رحت سحبت الرصيد من المكنه ورحت اتركت تبع البنك الاهلي شغال كويس بس رخم في موضوع انها فلوسك ولو سحبت جنيه منهم لازم تسدده خلال شهرين ياما الكارت مايشتغلش رغم ان انا اللي حاطط الفلوس ديه في الكارت وكمان حاجزين ٦٢٥ من الرصيد بتاع الحساب الجاري بتاعي
رقم العضوية : 8473
تاريخ التسجيل : 05Apr2008
المشاركات : 3,456
النوع : ذكر
الاقامة : le caire
السيارة: peugeot 505 , peugeot 307
السيارة[2]: Daewoo Nubira SX
دراجة بخارية: CBR 400 Soon isA
الحالة :
انا لسه قافل مع Visa امريكا كلمتهم وقلتلهم البنك بيقول ان فيه مشكله بين البنك وبين نظام الفيزا العالمى هل ده صحيح ؟ راحت اللى ردت عليا قالتلى قلى رقم الفيزا قلتلها كذا .. قالتلى Arab African International Bank قلتلها ايوه مظبوط .. راحت شافت وعملت check ل شويه حاجات وبعدها جت قالتلى There is no problem in our system with Arab African International Bank
قلتلها طيب what to do ? they don't want to refund me my money , at the same time they are saying this issue is from VISA side
قالتلتى : You have to go to Court !
يعنى من الاخر قالولى فى فيزا انى ارفع قضيه على البنك !!
وللاسف معرفش ليه مرضيتش تعملى file a complaint بس قالتلى ابعت على ايميل فيزا وقولهم المشكله بالظبط وهما لو كده ممكن يردوا عليك askvisausa@visa.com
المهم بعد ما خصلت مع فيزا امريكا كلمت مدير عام قطاع الرقابات و الاشراف فى البنك المركزى ( قمه الاحترام ) وحكيتله على اللى حصل معايه مع مديره الفروع امبارح وبعدها قلتله على مكالمتى مع فيزا دلوقتى .. قالى يبقى حالا تكلم مديره الفروع وتقولها التالى :
انا لسه مكلم فيزا امريكا وقالوا المشكله مش من عندهم ..
وانا مصمم اخد حقى وهبعت شكوى للبنك المركزى اوضح فيها اللى حصل واشوف هيحصل ايه
وفعلا كلمتها .. وقلتلها اللى حصل .. قالتلى انا مستنيه والله يردوا عليا .. قلتلها انا كلمتهم على طول ولو عاوزه رقمهم هديهولك حالا .. قالتلى احنا عندنا ناس متخصصين مش انا االلى بكلمهم قلتلها طيب .. قالتلى انها هترد عليا كمان شويه وادينى قاعد مستنى !!
الواضح ان البنوك مشتركه فى الموضوع ده ...ومعلش قدر الله ما شاء الله فعل ربنا يعوض عليك
وانا ان شاء الله مش هسيب حقى .. اقل واجب هفضل مستمر باللى بعمله ده وهشتكى كل يوم وهكتب على النت ومش سايب حقى
فعلا انا اما قالى فودافون مبيدعمش اتجننت عليهم .. يعنى ايه فودافون اللى هوه من انظف المواقع فى مصر مش بيدعم .. ده حاجه شغال فيها Teams من اقوى المبرمجين فى العالم ! وانا كنت ناوى اعمل كريدي اجريكول بعد ما ا لموضوع يتحل بس كده شكلى مش هعمل خالص او اشوف HSBC
all- all this, it- it's not me, inside, I am, I am more.
[mtohg=null]http://www6.0zz0.com/2014/11/23/07/616065184.jpg[/mtohg]
اللهم لك الحمد حتى ترضى ولك الحمد اذا رضيت ولك الحمد بعد الرضا
رقم العضوية : 9455
تاريخ التسجيل : 23Apr2008
المشاركات : 976
النوع : ذكر
الاقامة : مصر
السيارة: لا يوجد
السيارة[2]: لا يوجد
دراجة بخارية: لا يوجد
الحالة :
أخى فى الله
تصدق إن المشكلة دى حصلت معايا من يومين والكارت فعلاً مش راضى يشترى حاجة والمواقع بتعطينى نفس الرسالة اللى بتيجى لحضرتك ولسة مكلم خدمة العملاء النهاردة وقالولى إن الفلوس هتسمع فى الكارت فى أقل من 48 ساعة ( أصل أنا عامل الكارت من فترة كبيرة ولسة شاحنه من يومين )
لم أكن أتخيل إن فيه مشكلة كبيرة قوى بالشكل ده ؟
إنت نورتنى والله
يا خوفى إن البنك يسك على الفلوس ههههههههه
متضايقش نفسك ،،
أبسط حل نلغى الكارت ونسحب الفلوس بس هنستنى 35 يوم
سبحانك اللهم وبحمدك ، أشهد أن لا إله إلا أنت أستغفرك وأتوب إليك
المفضلات