السلام عليكم
انا معايا كريستاله 98 و مبسوط جدا بالعربية دي
لكن للاسف مضطر ابيعها و اجيب حاجة ارخص شويه لاني محتاج سيوله الفترة الجاية
عاوز اجيب اكسنت مايزيدش سعرها عن 35000 او 36000 و مش هاقدر ازود مليم بعد كده
اهم حاجة التكييف يبقي شغال و باور
عاوزها 1500 مش 1300
مانيوال طبعا مش اوتوماتيك
مش عاوز اكسيل
السعر ده يجيب موديل كام و يجيب حاجة كويسه ولا نص نص و لا اي كلام و هاتبقي كربراتير ولا انجيكشن ؟؟
ممكن حاجه موديل 98 او 99 وتكون 1500 وحالتها كويسه وهتبقى كربيراتير الا لو مسقط مكنة انجكشن
عيوبها ايه ؟؟
العربيه ديقه شوية ولو مش باور هيبقى الدركسيون بتاعها تقيل جدا جدا مقارنة بالعربيات اللى فى فئتها ولو بتسافر كتير ثباتها حلو لحد 120 بعد كدا الثبات بيقل والعزل بتاعها مش اوى
ياريت شوية اسعار لقطع الغيار كده
سير كاتينة
40 جنية
سير باور
15 جنية
سير دينامو
20 جنية
مساعدين امامي و خلفي
هيبقى فى حدود 200 - 300 جنية
اكصدامات امامي و خلفي ( جديد و استيراد )
الاستيراد امامى ب 300 وبالفوجات عامل 550 و خلفى بالعواكس ب 400 جنية من محل استيراد فى الحرفيين
فوانيس امامي و خلفي ( جديد و استيراد )
الامامى فى حدود من 90 ل 120 والخلفى من 70 - 90 على حسب المكان اللى بتشترى منو واحسن ماركة الديبو
كبالن
.....
فلاتر
فلتر هوا ب 20 جنية فلتر زيت ب 15 جنية فلتر بنزين ب 20 جنية من ابراهيم البنا فى التوفيقيه
علبة دريكسيون استيراد
فى حدود من 250 ل 350 على حسب حالتها والمكان اللى بتشترى منو
بلي العجل
ال 4 بليات و 2 اولسى فى حدود 140 جنية
شكرا يا رجاله
المفضلات