فيوزات اللوجان بلاك لاين

**ehab011** · 22-06-2012 05:53 PM

السلام عليكم ورحمة الله وبركاته

يا جماعة انا جبت رينو لوجان بلاك لاين من شهر تقريباً وحابب اعرفكم اني انا روحت التوكيل فرع العبور 4 مرات لغاية دلوقتي
!!!!!!!!!!!!!!!!
لكم ان تتخيلوا
مرة عشان افك شفرة الكاسيت
مرتين عشان الزجاج الخلفي باظ وطلع المشكلة في الفيوز بتاع الزجاج الخلفي ولما سألتهم ايه سبب بوظانه سألوني انت جبت العربية منين ؟ فقولتلهم اني اشترتها من اوتوسمير ريان فردوا عليا انه ممكن يكون حد لعب في الفيوزات عندهم وركب فيوز مقاسه اصغر
وآخر مرة كانت امبارح عشان السنتر باظ وطلعت المشكلة برضو الفيوز بتاع السنتر
الكومديا بقى في ايه
لما طلعت من التوكيل امبارح بعد ماغيروا الفيوز بتاع السنتر
لاقيت السنر باظ تاني امبارح بالليل
قولت لما افتح الكاتلوج وابص على مكان الفيوز بتاع السنتر لاقيت الفيوز محروق مع العلم اني جربت السنتر قبل ماسيب التوكيل كذا مرة وكان شغال زي الفل

عشلن مطولش عليكم انا محتاج من اي واحد معاه لوجان بلاك لاين يصور علبة الفيوزات اللي جانب رجل السواق الشمال عشلن انا عايز اقارن مابين الفيوزات اللي عندي متركبة عشان انا شاكك انه الفيوز بتاع السنتر يكون صغير وعشان كده بيضرب

على فكرة الرقم اللى مكتوب على الفيوز بتاع السنتر هو رقم 20
وانا شاكك بصراحة انه يكون فيوز السنتر بيتركبلةه فيوز 30

ارجو المساعدة ضرورياً
انا ناوي اروح التوكيل بتاع سموحة الجديد الاسبوع الجاي ان شاء الله عشان انا معدتش بأثق في توكيل العبور

آسف انى طولت عليكم
منتظر ردكم
وشكراً

**gamela** · 22-06-2012 06:13 PM

انا حصل معايا ان فيوز شنطة العربية باظ قبل كده وتم تصليحه فى التوكيل ودفعت تمن التصليح وعندى السنتر كان بيعلق ودلوقتى عندى باب بايظ انا عندى راى ان الكلام اللى قاله التوكيل لحضرتك ان الصالة غيرت الفيوز ده تبرير مش منطقى هما عايزين يهربوا من موضوع عيوب الصناعة علشان حضرتك تدفع انا لو من حضرتك اروح فرع تانى وماتحكيش حاجة عن اللى قاله الفرع الاول لحضرتك وهما حايعملوا اللازم

**amr.elsayed** · 22-06-2012 06:56 PM

فيوز السنتر 20 امبير والافضل البحث عن سبب اخر لاحتراق الفيوز

**ehab011** · 23-06-2012 12:50 AM

المشاركة الأصلية كتبت بواسطة gamela

انا حصل معايا ان فيوز شنطة العربية باظ قبل كده وتم تصليحه فى التوكيل ودفعت تمن التصليح وعندى السنتر كان بيعلق ودلوقتى عندى باب بايظ انا عندى راى ان الكلام اللى قاله التوكيل لحضرتك ان الصالة غيرت الفيوز ده تبرير مش منطقى هما عايزين يهربوا من موضوع عيوب الصناعة علشان حضرتك تدفع انا لو من حضرتك اروح فرع تانى وماتحكيش حاجة عن اللى قاله الفرع الاول لحضرتك وهما حايعملوا اللازم

أنا بشكر حضرتك على المشاركة الايجابية

**ehab011** · 23-06-2012 12:53 AM

المشاركة الأصلية كتبت بواسطة amr.elsayed

فيوز السنتر 20 امبير والافضل البحث عن سبب اخر لاحتراق الفيوز

أنا بأشكرك يا استاذ عمرو على المعلومة دي

**gamela** · 23-06-2012 12:56 AM

المشاركة الأصلية كتبت بواسطة ehab011

أنا بشكر حضرتك على المشاركة الايجابية
:ta_clap[1]:

العفو يافندم اى خدمة بسيطة ان شاء الله وتتحل مشكلة الفيوز على خير

**Neo206** · 26-06-2012 11:26 AM

إن شاء الله تتحل
بس لازم تعرف سبب المشكلة

**akerima** · 26-06-2012 11:45 AM

استاذه gamela حضرتك متاكده ان لما رحتي التوكيل عشان تغيير فيوز دفعوكي تمن الفيوز؟؟؟ طيب فرع ايه اللي عمل معاكي كده ؟؟

وللاستاذ ايهاب انا معايا العربية من سنتين عمرها ما حصلت معايا - كان فعلا حصل في اول شرائي للعربية ان سنتر الباب اليمين الخلفي علق بس لما رحت التوكيل الحمد لله قاموا بالازم وصلحوه (مجانا) ومن ساعتها الحمد لله مابظش تاني

لو حضرتك شايف ان الفيوزات اللي بيسخدموها دلوقت مش كويسة يا ريت تنبههم لكده وحاول تغير الفيوز دا بمعرفتك قبل ما تروحلهم بنوع نضيف لو حصلت واتحرق تاني يبقي اكيد في مشكلة في الكهرباء بتاعة العربية هي اللي بتحرق الفيوز ولازم تروح التوكيل تشوف حل نهائي للمشكلة ومتوافقش انهم مجرد يغيرو الفيوز اللي بيتحرق دا