الحقيقة ماعنديش تجربة شخصية فى تجنيط اللوجان لكن فى نقط عريضة واجب مراعتها عند تغيير الجنط
http://www.nilemotors.net/Nile/232923-a.html
طبعا افضل مقاس هو المقاس الاصلى 15 * 65 * 185 وطبعا الجنط حيكون اربعة خرم
15 - قطر الجنط والكاوتش
65 - ارتفاع الكاوتش
185- عرض الكاوتش
- علشان تزود ثبات العربية ممكن تكبر قطر الجنط لكن ساعتها حتضطر تقلل من ارتفاع الكاوتش بحيث يكون قطر الجنط والكاوتش مساوى للقياسات الاصلية لكاوتش اللوجان
وخلى بالك علشان لو ركبت مقاس اكبر او اقل من القياسات الاصلى حتاثر على قراءة عداد السرعة (لازم تتحسب لو كبرت الجنط حتقلل ارتفاع الكاوتش والعكس صحيح بما يساوى القطر الاصلى)
بالاضافة انه بياثر على العفشة وعمرها الافتراضى بالذات لو الجنط من خامة وحشة ووزنه تقيل حاول تختار نوعيات نضيفة
- كل ما ارتفاع الكاوتش زاد بيكون افضل كراحة مع المطبات والطرق المكسرة لانه بيمتص الصدمة اكتر
- كل ما الجنط كبر وارتفاع الكاوتش قل بيزود ثبات لكن بتقل الراحة وتزيد الاحساس بتضاريس الطريق
ودى بعض مشاركات الاعضاء والمواضيع اللى ممكن تفيد حضرتك
http://www.nilemotors.net/Nile/99994-4.html
................
ودة موقع لذيذ جدا تقدر تكتب عليه مقاسات العربية الاصلى والمقاسات الجديدة وتشوف اد ايه نسبة تغير السرعة على عداد العربية وهل دة ملائم ليك ولا لا
Visual Tyre Size Calculator | Kouki Tech
احسن مقاس لاقيته مع جنط اكبر 16 .. كان 16 * 55 * 195 ولاحظ اننا زودنا قطر الجنط وزودنا عرض الكاوتش وقللنا ارتفاع الكاوتش
وانا شايف الحقيقة ان المقاس دة ممتاز لان تزويد حجم الجنط مع زيادة عرض الكاوتش حنكسب منه ثبات بالاضافة اننا ما قللناش اوى من ارتفاع الكاوتش وبالتالى مش حياثر كتير على الراحة
المفضلات