بص يا متدرب :)
من مدينة نصر هاتوصل لحد طريق القطاميه الجديد (ازاى معرفش :) )
بعد ما تخلص الطريق هاتطلع بعد البوابه هتلاقى مصنع الاسمدة على يمينك و مصنع كليوبترا على شمالك
هاتمشى لحد ما توصل للطريق بالعرض (طريق السويس الغردقه) هاتمشى فيه عادى و اول يوترن تلف و ترجع انك راجع على السويس
هاتمشى فى حدود 10 كيلو و هتلاقى المصنع باين هاتلف تانى و ترجع و تدخل يمين للمصنع
مفيش مواصلات من القاهره للمصنع الا اذا كنت عاوز تلف الكره الارضيه
يعنى هتسافر من القاهره (رمسيس ) و تنزل السويس و بعدين تركب ميكروباس الى السخنه يعنى هاتقطع حوالى 140 - 160 كيلو و حوالى 3- 4 ساعات يعنى لازم بالعربيه و الطريق امان ان شاء الله
ممكن تأجر شاليه فى السخنه و حسب الامكانيات عندك من فنادق 5 نجوم الى شاليهات باليوم بحوالى 300 - 400 بتبعد حوالى 25 كيلو من المصنع
اما الخروج بعد التدريب فمفيش الا انكم تقضوها بحر و اكل سمك او تنزل السويس و دى هاتكون على بعد حوالى 30 دقيقه من المصنع
و ارجو انى اكون قد افدتك
المفضلات