انا عندى مشكلة فى كهرباء العربية ومش عارف ازاى اعرف اذا كانت مشكلة دينامو ولا بطارية
المشكلة حصلت امبارح جيت افتح العربية بالريموت مش شغال فتحتها بالمفتاح وجيت اشغل العربية لاحظت اولا ان مفيش اى حاجه فى التابلوة شغالة المهم جيت ادور العربية مش عايزة تدور ومفيش اى اصوات فى العربية نهائى.
جبت عربية تانية وكبل بطارية ووصلت بطارية العربية عندى بالعربية التانية والحمد لله دارت ففصلت البطارية التانية وسيبت العربية دايرة حوالى 20 دقيقة وبعدين بطلت العربية ودورتها تانى شغالة مفيش مشاكل سيبتها 5 دقايق شغالة وبعدين بطلتها.
بعدها بحوالى 4 ساعات لقيت نفس اللى حصل فى الاول.
مش عارف دى مشكلة دينامو ولا بطارية ولا ممكن حاجه تانية.
المفضلات