مساعدة ضروري

**HeMa_LanCeR** · 25-06-2012 03:32 PM

صاحبي عربية البرتون اتخبطت من قدام
كابوت ورفرف وفانوسين
وديناها التوكيل والتأمين عاينها وادالهم موافقة
العربيه هتخلص بعد 5 ايام
راح انهاردة التوكيل لقي العربية مخبوطة من الجنب اليمين ورشين البابين اليمين ومغيرين مرايا
فهل اتصل بمهندس التأمين يعمل محضر بالكلام ده علشان اطلع بيه حماية المستهلك
ولا اطلب النجدة واعمل محضر رسمي بالكلام ده

وحسبي الله ونعم الوكيل

**Ahmed_Ramadan** · 25-06-2012 03:50 PM

إعمل محضر إثبات حالة وقتى قبل ما تعمل أى حاجة تانية بحالة العربية الحالية و مكان تواجدها و المفروض معاك صورة من محضر تقييم بتاع شركة التأمين موضح بيه الخبطات اللى كانت العربية داخلة بيهم التوكيل

**A.Saad** · 25-06-2012 04:00 PM

من دقنه وافتله
هما يكتبوا جواب بالتلفيات اللى عملوها ويقروا بكدة وانهم يتعهوا باصلاحها فى خلال وقت معين داخل التوكيل بخامات اصلية وقطع غيار جديدة
يتختم ويتوقع من مديرهم
اى اصلاح مش عاجبك يتبطوا بالجواب ده
لو عملت محضر خارجى ممكن تتعب فى الاثبات ان التلفيات عملوها