العربيه مش بتسحب ويأست !!

**almoez** · 25-06-2012 11:40 PM

السلام عليكم..

العربيه كرولا 2004 فيها كذا مشكله

اولا سحبها مش حلو خالص بقت نوعا ما بطه مع اني غيرت اسطوانه وديسك وبليه من 3 شهور وشديت حوالي 3 او 4 مرات وقرصت عليه لدرجه اني شميت ريحه الاسطوانه هل دا ممكن يأثر جامد ؟؟

ثانيا : عندي عضه في الفتيس في الاول احيانا والثاني والثالث علي طول والريفيرس

ثالتا: انا عندي الجراح الطلعه بتاعته مميته جدا احيانا السايس يبقي صاحي من النوم والجراج زحمه يعني مثلا المطلع يكون علي ايدي اليمين وانا راكب العربيه واطلعه مرة واحده ودي دلوقتي مش بعرف اعملها ولو مزبط العربيه يعني المطلع في وشي برضه بطلع بالعافيه غير الاول!! مش عارف ايه المشكلة لاني مبقتش زي الاول اعرف اطلع بدري مضطر اطلع علي الظهر علي الجراج يكون فاضي واعرف اطلعه !!

رابعا: الفرامل عندي لو علي سرعه عاليه فوق ال100 وامسك فرامل الدركسيون بيرجرج زي مايكون مش مترصص

مش فاكر ايه تاني كان في :)

اتمني تساعدوني لاني كرهتها :)

**sehssss** · 25-06-2012 11:50 PM

أنا هارد على حضرتك في اللي فهمته، طالما شميت ريحة الاسطوانة، يبقى غالبا شكرا للاسطوانة.. ورجرجة الفرامل دي غالبا طنابير.. تحياتي

**Ahmed_Mega** · 25-06-2012 11:55 PM

العضة ف الغيارات ديسك والاسطوانة بتطلع ريحة مش كويسة والرجرجة مشكلة طنابير

**almoez** · 26-06-2012 01:00 AM

ممممممممم

كدا شكلي لبست اسود !! :(

بس انا مشدتش بالعربيه جامد غير 4 مرات او 5 اللي شميت فيهم ريحة الشياط ..

انا بخصوص العضه في ناس قالتي الجير بوكس ممكن اشيك علي الغوايش وكدا ولسا مستني راي باقي الاعضاء وشكرا لكم اللي اهتم ورد :)

**Ahmed_Mega** · 26-06-2012 01:23 AM

مشكلتك بالظبط حصلت معايا .. اشتريت طقم دبرياج كامل وعمل معايا كده ومكنتش مصدق لما الميكانيكي قالي ان الاسطوانة والديسك فيهم مشكلة والحمد لله لما غيرتهم الريحة والغيارات ظبطم معايا شوف برده راي الاعضاء

**almoez** · 26-06-2012 01:43 AM

المشاركة الأصلية كتبت بواسطة ahmed_mega

مشكلتك بالظبط حصلت معايا .. اشتريت طقم دبرياج كامل وعمل معايا كده ومكنتش مصدق لما الميكانيكي قالي ان الاسطوانة والديسك فيهم مشكلة والحمد لله لما غيرتهم الريحة والغيارات ظبطم معايا شوف برده راي الاعضاء

تمام بس الريحه دي مش بتظهر غير لما قرصت علي الغيار جامد

**mrghost** · 26-06-2012 08:02 AM

الرجرجه زي ماقالوا طنابير فيها ريجة
الديسك والاسطوانه تقريبا ليهم اختبار انك تجرب تطلع ع التالت شوف العربية هتقدر تطلع ولا هتبطل

**PANERAI** · 26-06-2012 05:14 PM

المشاركة الأصلية كتبت بواسطة almoez

السلام عليكم..

العربيه كرولا 2004 فيها كذا مشكله

اولا سحبها مش حلو خالص بقت نوعا ما بطه مع اني غيرت اسطوانه وديسك وبليه من 3 شهور وشديت حوالي 3 او 4 مرات وقرصت عليه لدرجه اني شميت ريحه الاسطوانه هل دا ممكن يأثر جامد ؟؟

ثانيا : عندي عضه في الفتيس في الاول احيانا والثاني والثالث علي طول والريفيرس

ثالتا: انا عندي الجراح الطلعه بتاعته مميته جدا احيانا السايس يبقي صاحي من النوم والجراج زحمه يعني مثلا المطلع يكون علي ايدي اليمين وانا راكب العربيه واطلعه مرة واحده ودي دلوقتي مش بعرف اعملها ولو مزبط العربيه يعني المطلع في وشي برضه بطلع بالعافيه غير الاول!! مش عارف ايه المشكلة لاني مبقتش زي الاول اعرف اطلع بدري مضطر اطلع علي الظهر علي الجراج يكون فاضي واعرف اطلعه !!

رابعا: الفرامل عندي لو علي سرعه عاليه فوق ال100 وامسك فرامل الدركسيون بيرجرج زي مايكون مش مترصص

مش فاكر ايه تاني كان في :)

اتمني تساعدوني لاني كرهتها :)

عايز الصح ؟
اطلع علي التوكيل و قلهم الشكوي بتاعتك , بس طبعا تعمل حسابك مش اقل من 5000ج معاك
بس العربيه هترجع زيرووووو