الموضوع: ينفع اخلى العربيه تعمل تنبيه بعد سرعه 120 كيلو

لو جربتة حاتعرف انك فى نعيم لان انا معايا شغال على طول فى التويوتا مش عارف ألغية ازاى و فى الصنى علامة بس زى اللى عند حضرتك حاجة مريحة

اول جبت عربيتي سألتهم فى التوكيل عن الموضوع ده قالولى هى بتيجي من غيره وعلى ما اتذكر ان حد قالى هناك انه مش بيركب لها لا هو ولا مثبت السرعة كمان

اكيد يا باشا مع انى متهيالى انها المفروض تعمل كدا لوحدها لان الكارينز فيها كدة حوالى ٤ او ٥ تنبيهات و بعد كدة بتسكت.

يا ريت لو حد معاة سيراتو ياكد انها مبتعملش التنبية دة او حضرتك تشوف لما بتخلع حزام الامان و العربيه دايرة بتعمل تنبية ولا لا بردة ؟

لو بتعمل يبقى الجرس شغال و كل ما تحتاجة هو سلك اضافى from the 120 km/h signal to the chime module

بس اتاكد ان العربية اساسا مفيهاش الاوبشن دة لانى معنديش سيراتو و لو اتاكدت انا معاك كدعم فنى و هو فى الحقيقة موضوع بسيط

شكرا لتاكيد obadsoma انها مبتعملش جرس .
شوف يا سيدى كل المطلوب هو سلك ( حوالى نص متر ) و دايود وممكن تايمر ( على حسب نوع الجرس الموجود اصلا في العربية ).

هتروح للمركز او كهربائي فك سيراتو قبل كدة ( الشطارة مش مطلوبة و لكن معرفة اماكن المسامير و الكلبسات عشان الفك بدون خساير ) و هتخلية يفك العدادات و يشوف على البورد انهى بن رايح للمبة ال١٢٠ و لو معرفش يجيب ال ١٢ فولت المصدر و يجمبر على البنات لحد م اللمبه تنور ( اوعى يقعد يشرط فى الاسلاك بموس و يعك الدنيا - يستعمل بن الافو او سلكة رفيعه على الترمنل )
بعد تحديد البن يقشر السلك بدون قطعة و يلف علية طرف السلك النص متر و بعدين يفك الجرس الموجود اساسا ( بتاع الحزام ) و يجرب بردة لحد ميعرف فين الان بوت بتاعة ( عن طريق ال ١٢ فولت بردة زى العداد ) و الاهم انو يفضل حاطط ال ١٢ فولت حوالى دقيقة كاملة لو الجرس سكت بعد ٤ او ٥ رنات على الرغم من وجود ال ١٢ فولت يبقى مش هتحتاج التايمر.
طيب لو مسكتش و فضل يرن زى التويوتا كدة يبقى هنحط الطرف التانى من السلك النص متر ك تريجر للتايمر و الخرج هيروح للجرس مع الحاجة لمد سلك اخر يحمل ١٢ فولت للتايمر

فى الحالة الاولى اللى هى عدم الاحتياج للتايمر يجب وضع الدايود قبل توصيل السلك فى الجرس ( فى النص يعنى) و ذلك لتفادى اضائة اللمبة ١٢٠ كم فى كل مرة تخلع حزام الامان او تنسى النور و تفتح الباب.

متابع

في الريو 2002 الصوت مكنش بيقف و يفضل يضرب لما تعدي 120