إيه ظروف الغساله الفوق أوتوماتيك

**marsguy** · 26-06-2012 05:58 PM

السلام عليكم ورحمة الله وبركاته،،،

إيه ظروف الغساله الأوتوماتيك اللي بيتحط فيها الغسيل من فوق؟

بصراحه هي عاجباني أوي وخاصة إنها ينفع تزودها غسيل وهي شغاله عادي. بس أنا مقلق منها في حاجه: سعرها رخيص أوي أرخص من الغسالات الأوتوماتيك ذات التحميل الأمامي مع إن الغسالات الفوق أوتوماتيك بتكون سعتها أكبر كمان.

يا ترى إيه السبب؟ وهل فيها أي مشاكل عشان كده سعرها رخيص؟

أنا لقيت الغساله دية T1003TEFT1 الغسالات الاجهزة المنزلية

سعرها حوالي 2100 مع إنها 10 كيلو.

يا ريت تقولولي إيه تجاربكم.

شكراً

**mazagngi2010** · 26-06-2012 06:11 PM

متابع

**amr5500** · 26-06-2012 06:28 PM

التوشيبا ممتازة عن تجربه

**أبو ياسين** · 26-06-2012 10:09 PM

انا جربت بردو التوشيبا كويسه جدا

**saadelden** · 26-06-2012 11:19 PM

انا هقولك تجربتي مع غساله سامسونج من النوع دا

الغساله بقالها عندنا 6 سنين تقريبا
عيوبها ان بعض مكوناتها ضعيفه و فعلا فيه حاجات مش متوفره
يعني مثلا طرمبه الميه باظت مرتين و اتغيرت
حاليا فيها عيب خطير جدا وهي ان الحله بتاعتها مش متثبته في البدي بتاعها
و لكن متوصله بيه بوصلات حديد و مفيش حاجه ماسكاها من تحت
العيب الاخير الي ظهر عندي ان انتشرت فيها البرومه من فوق و وصله من الوصلات الي ماسكه الحله اتقطمت بسبب ان الجزء دا فيه برومه
عشان تصلحها يبقى هايتغير البدي المعدن كله

بس عيب الغساله دي انها مش معزوله من جوا و دا للاسف مالاحظتوش ساعه شراها
ف لو بتفكر في غساله من النوع دا ابقى بص عليها من جوا كويس و شوفها معزوله ولا لا

بالنسبه للمميزات ف هي رخص تمنها مع انها غساله اوتوماتك و بتشيل اكتر من الغسالات الاوتوماتك التانيه
ممكن تغسل فيها بطانيات عادي لو جبت الكبيره عادي

**marsguy** · 27-06-2012 02:03 PM

ألف شكر يا جماعه

ربنا يكرمكم

**hazemhassan** · 27-06-2012 05:29 PM

بص هقولك على تجربتى مع الغسالة دى هية يونفرسال 10 كم
هية عندنا تقدر تقول من 6 سنين
مميزاتها
انك تقدر تحت هدوم وهيا شغالة
مسحوق عادى واوتو
كبير حجم الحلة عن الفول اتوماتيك
حتى الان لا يوجد بارومة حولين الحلة او الوصلات اللى ماسكة الحلة
ممكن البودى من تحت حاجات خفيفة مكان المية

العيوب اللى تعرض ليها
كانت عيوب استعمال
يعنى الحاجة كذا مرة تنسى فلوس فضة فى الملابس وبالتالى كانت بتخش بين الحلة والقاعدة وتبقى سامع وصوت مزعج لحد ما الفلوس خرجت بعد فترة
الطرمبة غيرتها مرة من الشركة

بس من الاخر عمرها لا يتعدى 8 سنين لو بتشغالها على كل فرش البيت و الملابس
واحسن نوع التوشيبا بس حلتها اصغر من اليونيفرسال

**omaroof** · 27-06-2012 07:04 PM

انا عندى ال جى من 3 سنوات
الحمد لله مالهاش عيوب خالص وجسمها كله بلاستيك والبرنامج بتاعها سهل جدا وممكن تغسل فيها بطانيه كبيره
انا شاريها كورى
دور على ماركه نضيفه حتى لو غاليه وقطع غيارها متوفره واسئل عند بتوع قطع غيار الغسالات
ومالكش دعوه بالصنيعيه دول فتايين
خد بالك ممكن يكون توفر قطع الغيار لصالح ماركه تعبانه دور على غساله اعطالها مفيش

-

الموضوع: إيه ظروف الغساله الفوق أوتوماتيك

LinkBack

أدوات الموضوع

عرض

إيه ظروف الغساله الفوق أوتوماتيك - انشر الموضوع فى :

-

-

-

-

-

-

المواضيع المتشابهه

تجربتي مع غسل الفلاشه في الغساله

كيا بيكانتو أوتوماتيك أم هيواندي i10 أوتوماتيك أم بروتون ساجا أوتوماتيك أم سوزوكيcele

عاوز اعرف ثمن غطاء خزان الغساله بتاع المساحات بكام

جيتز أوتوماتيك ولا ماتريكس أوتوماتيك ولا نيو أكسنت أوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة