الموضوع: صلح خربشه مفتاح بنفسك (بالصور)

بسم الله الرحمن الرحيم
انا الحمد لله نزلت امبارح لقيت في واحد ابن حلال جايبلي الباب اليمين بالمفتاح و بقي منظر الباب زي الزفت دورت علي النت ازاي ممكن اصلح الباب لقيت ان كل اللي هتحتاجه فرشتين و ماده اسمها برايمر صنفره دوكو و بويه زي لون العربيه و لصق من عند بتاع البويات و الحدايد
اول حاجه انا رحت اشتاريت لون اعربيه من عند واحد متخصص بويه عربيات فضل يحط الوان كده فوق بعض طبعا بالميزان و مكنتش محتاج كميه كبيره اقل حاجه كان بيبيعها 8 جرام و بعد كده اشتاريت باقي الحاجات من عند بويات و حدايد
الخطوات:
1-تصنفر الباب كويس بالصنفره و ماتخفش مش هتجرح العربيه ولا حاجه ده بس عشان تساوي حروف الخدش
2-تلزق عند الحفره اللي عندك اللصق ده عشان متدهنش كتير اكر من مكان الخدش
3-بالفرشه تدهن برايمر علي مكان الخدش و حاول تكتر البرايمر عشان يملي مكان الحفره و تسيبه يوم او اتنين لحد ما ينشف تماما وبعدين تصنفر تاني عشان مايبقاش بارز الجزء اللي اتعمل Imageshack - 16857310151908741005657.jpg

4-بالفرشه التانيه تدهن علي البرايمر لون العربيه
5-تعمل بوليش علي المكان اللي دهنته عشان مايبانش الفرق جامد
انا جربت الموضوع ده و الحمد لله النتيجه مرضيه و قلت انقله ليكم عشان لو حد حابب يعمله
ده خدش زي اللي كان مخدوش واضح ان اللي خربش العربيه كان بيتسلي عليا Imageshack - 25520610151908739455657.jpg

انا بعتذر ان الصور في الروابط بس الموقع مش عايز يرفع الصور


تم تعديل المشاركة
بواسطة منسق القسم