الموضوع: قطع غيار وصيانة بيجو 307

المشاركة الأصلية كتبت بواسطة a.lotfy

مبروك عليكي العربية وربنا يديلك خيرها ويكفيكي شرها

بالنسبة للصيانات فيه مركز انا بتعامل معاه معتمد وجيه أباظة خلف نادي المقاولين في مدينة نصر

اسعاره اقل بكتير من التوكيل وكمان ارخص شوية من مراكز تانية زي أحمد عمارة

هيا اللي ممكن يغلي الصيانة شوية تغيير السيور وده المفروض انه على 80 الف وباقي الحاجة حسب الحالة زي تيل الفرامل والبوجيهات

والمركز ده من غير حجز وفيه فني هناك ف الورشة بيقولي على الحاجة بأمانه مستاهلة تتعمل ولا ممكن استنى عليها شوية وبيتعملي هناك خصم كويس بيخليني اعمل الحاجة عندهم اضمن من الورش برة

وكنت عندهم النهاردة مغير طنبورة يمين خلفي


ده بالنسبة للصيانة .... التكييف ممكن يكشفولك عليه عندهم وغالبا هيكون محتاج يتشحن بس هما غاليين شوية
وفيه واحد في صقر قريش ف المعادي ده شاطر في تكييف الفرنساوي بس برضه المركز افضل

ولو عايزة اي تفاصيل تحت أمرك

اوتو سيرفس مركز خدمه مدينه نصر فعلا ممتازانا بتعامل معاه وشغلهم نضيف وعندهم ضمير وبيعملو الخصم فعلا انا عملت عندهم صيانه ال 60 الف غير السيور وسيرفس كامل وتيل فرامل امامى وبلى بتاع الموتور كله بى 2550 ومختش وقت وانا بتعامل معاه بردو بس ده التوكيل اصله مكتوب فى موقع بيجو قبل ميعملو فيه التحديثات

شكرا يا جماعة على ردودكم, بس واضح كده ان مفيش حاجة قريب من اكتوبر
عايزه اقولكم على حاجة حاولت فيها انا وزميلي فى الشغل, هما اتصلوا بالمسيري بتاع قطع الغيار, بصراحة الاسعار اقل النص :) فدى حاجة كويسه اوي :) , فايه رأيكم اشتري منه واركب عند التوكيل او حد شاطر فى العربيات البيجو

شكرا يا A. Lotfy انا الاول هشوف عند ميكانيكي بيجو اذا كانت الحاجات فعلا محتاجة تتغير ولا لأ, ولو كده هروح التوكيل,
معلش استفسار تاني صغير, هو الراديو والسماعات حلوين اوي الحمد لله, بس الكاسيت مش بيشغل CD وطبعا مفيهوش USB هى الــCD مش شغاله ليه بقى :)

المشاركة الأصلية كتبت بواسطة mona anter

شكرا يا a. Lotfy انا الاول هشوف عند ميكانيكي بيجو اذا كانت الحاجات فعلا محتاجة تتغير ولا لأ, ولو كده هروح التوكيل,
معلش استفسار تاني صغير, هو الراديو والسماعات حلوين اوي الحمد لله, بس الكاسيت مش بيشغل cd وطبعا مفيهوش usb هى الــcd مش شغاله ليه بقى :)

بصى انا هقلك انا كنت زمان بتعامل مع احمد العسكرى فى الحرفيين بس فى الحاجت البسيطه يعنى تغيير فلاتر تيل فرامل اولا الحاجات ديه بتاخد وقت كتير وكنت بجيب الاصلى مش بركب حاجات تانيه لما روحت عملت صيانه ال 60 الف فى التوكيل لقيت ان مفيش فرق كبير فى الاسعار بالكتير كانت زياده 200 جنيه وخدى بالك الصيانه ديه كبيره بتغير فلاتر وبوجيهات وتيل فرامل وسيور المجموعه وسيرفس كامل للعربيه ومختش وقت كانت اقل من ساعه عموما نصيحه لو مش عايزه التوكيل او مركز خدمه خليكى بره فى الحاجات الخفيفه فلاتر بوجيهات كده يعنى لكن الموتور وفتيس وكهربا روحى التوكيل عشان تحفظى عشان لو فتحت بقها مش هتتقفل وكمان لو بره قطع الغيار مش عليها ضمان ومش شامله التركيب زى مقالك استاذ لطفى والتسجل شوفى ممكن تكون الاسطوانات مش معموله اوديو او ام بى ثرى ومبيشغلش اسطوانات دى فى دى

شكرا يا احمد, وان شاء الله هاخد بنصيحتكم و هعمل فى التوكيل, الكاسيت ان جربت Audio & MP3 بس مشتغلتش برده