احترت مع الفيرنا

**mmd3** · 27-06-2012 04:01 PM

يا جماعة انا بقالى 4 ايام فى المنطقة الصناعية بحاول اصلح العربية ومحدش عارف وانا قولت اشرح لكم العيب يمكن حد صادف العيب دة قبل كدة وعارف الحل بتاعة اية

العربية فجاة بقت بتاكل بنزين بطريقة فظيعة جدا جدا يعنى التنك بالكامل بيعمل 230 كيلو و كمان دخان اسود من الشكمان بطريقة رهيبة وهى واقفة او ماشية وطبعا بقى تبطيل مع تنتيش مع رجرجة فى المحرك

المشكلة دى ظهرت معاها حاجات تانية بس مش عارف هل ليها علاقة بسبب العطل ولا لأ

اولا صوت شفط هواء من ناحية تنك البنزين او عند فتح غطاء التنك
ثانيا عند نزع المفتاح من الكونتاك بتبقى ولا هى دايرة ولا مبطلة يعنى تفضل حوالى 3 ثوانى تترج لغاية ما تبطل لوحدها
ثالثا عند تفويل السيارة بالكامل مش هترضى تدور وانا خارج من البنزينة الا بعد حوالى 5 محاولات وبعدين تبطل تانى لغاية ما امشى بيها حوالى 10 كيلو عشان تبظبط شوية

اللى انا بقى غيرتة او الاساتذة الدكاترة الميكانيكية حاولو اصلاحة هو

اولا طقم بوجيهات جديد 1 شمعة يابانى
ثانيا طقم سلوك بوجيهات جديد كورى
ثالثا طقم رشاشات اصلى استيراد نفس مقاس اللى كان فى اللعربية
رابعا كشف اسكانر مرتين والنتيجة مفيش اى حساسات عطلانة
خامسا فك علبة المبخر بجانب تنك البنزين والكشف عليها
سادسا فك البوابة والحساسات الخاصة بالهواء والبنزين وتنظيفها

طبعا كل دكتور قصدى ميكانيكى غير كل حاجة على حدة بمعنى ان مش كل الحاجات دى كانت عند ورشة واحدة ولو مشيت بالعربية وانا فاتح غطاء تنك البنزين بتبقى ماشية كويس بس بتاكل بنزين اكتر

ياترى حد صادف العيب دة قبل كدة او حتى سببة اية او الحل اية او اغير اية لية علاقة بأكل البنزين الفظيع دة

**corsair** · 27-06-2012 05:16 PM

حاول تنضف تنك البنزين وتغير فلتر البنزين وتشيك علي جوانات الماتور وان شاء الله المشكله تنتهي

**ahm128** · 27-06-2012 07:13 PM

اعتقد دى مشكلة بوبينة اللى واصلة بالبوجيه محتاجة تتغير

**mazeen** · 27-06-2012 09:34 PM

ممكن البوبينه أو طرمبة البنزين

**Ashraf_Ibrahim** · 28-06-2012 03:05 AM

انا عن نفسي مش هفتي في الحل بس انصحك تروح للمهندس هاني
ادخل موضوع بتاع سبيد كار سيرفيس

**mmd3** · 28-06-2012 07:09 PM

باشا انا قرأت الموضوع كويس بس انا مش من القاهرة واجازتى الوحيدة يوم الجمعة

ممكن توصفلى اجى ازاى لغاية عند حضرتك لأنى من السويس ومعرفش اماكن كتير فى مصر او لو فى رقم موبايل او استعلام اتصل بسيادتك علية

واجى بالعربية عادى ولا ارفعها على عربية انقاذ

**enghany** · 29-06-2012 01:43 AM

[QUOTE=mmd3;3874404207]باشا انا قرأت الموضوع كويس بس انا مش من القاهرة واجازتى الوحيدة يوم الجمعة

ممكن توصفلى اجى ازاى لغاية عند حضرتك لأنى من السويس ومعرفش اماكن كتير فى مصر او لو فى رقم موبايل او استعلام اتصل بسيادتك علية

واجى بالعربية عادى ولا ارفعها على عربية انقاذ
[/QUOTا
الاخ المحترم
المشكله اللي عندك لما العربيه بتفول بتتبطل و بتكون مبرجله طيب امشي بنص التنك و مون شويه المسافه 100 كم و تليفوني 01060900088