الموضوع: الباركينج سنسور باظ امبارح والسمارت كى بتاع الجراج ضيعو النهارده

يعنى ايه المفتاح ضاع من السايس يا فندم؟ الموضوع ده مريب جدا و ما يتسكتش عليه . لازم تروح التوكيل فى اسرع وقت علشان يشوفولك حل فى حكايه المفتاح دى حتى لو غيروا الكوالين. لو عربيتك سيراتو زى اللى فى البيانات بتاعه حضرتك يبقى انت عارف هى من الحاجات المفضله جداً عند الحراميه و لذلك الموضوع خطير و ما يتأجلش و حاول تركب كلابش الدركسيون مؤقتا و تغير المكان اللى بتركن فيه العربيه لحد ما تروح التوكيل و بالنسبه للباركنج سنسور المفروض ان عليه ضمان و حضرتك تروح به للمكان اللى اشتريته و ركبته منه و هما يصلحوه او يغيروه حسب درجه العطل و احتمال اصلا يكون فى سلك مهزوز و لا حاجه مش لازم يكون فيه حاجه بايظه يعنى

المشاركة الأصلية كتبت بواسطة Land_Cruiser

يعنى ايه المفتاح ضاع من السايس يا فندم؟ الموضوع ده مريب جدا و ما يتسكتش عليه . لازم تروح التوكيل فى اسرع وقت علشان يشوفولك حل فى حكايه المفتاح دى حتى لو غيروا الكوالين. لو عربيتك سيراتو زى اللى فى البيانات بتاعه حضرتك يبقى انت عارف هى من الحاجات المفضله جداً عند الحراميه و لذلك الموضوع خطير و ما يتأجلش و حاول تركب كلابش الدركسيون مؤقتا و تغير المكان اللى بتركن فيه العربيه لحد ما تروح التوكيل و بالنسبه للباركنج سنسور المفروض ان عليه ضمان و حضرتك تروح به للمكان اللى اشتريته و ركبته منه و هما يصلحوه او يغيروه حسب درجه العطل و احتمال اصلا يكون فى سلك مهزوز و لا حاجه مش لازم يكون فيه حاجه بايظه يعنى

اولا شكرا لسرعة رد حضرتك عليا وموضوع المفتاح ده فعلا انا مضايق منو جدا والسايس قالى ان هو وقع منو فى عربية تانية ولما تيجى العربيات كلها بليل هدورلك علية وحوار تغير الكوالين ده عادى بالنسبالى لكن المشكلة ان المفتاح ده اللى هو بتاع البصمة السمارت كى والحساسات دى مش انا اللى مركبها دى بتاعت الفابريكة بتاعت العربية انا عربيتى sx اللى هى هاى لاين

أولا ربنا معاك
السنسور لازم حد فى التوكيل يشوفو
المفتاح أنا كنت سمعت أنك ممكن تطلع أكتر من مفتاح ... كله بتمنه
وممكن كمان تغير برمجة العربية وتطلع مفتاحين جداد خالص والمفتاح القديم طبعا مش هايشتغل .

يا ريت تعرفنا عملت أيه .... أوعى تكون بخيل على أخوانك

متابع

المشاركة الأصلية كتبت بواسطة ahmed1718

بالنسبة للسينسور احتمال يكون غسلة بغلاسة
ممكن يوم او اتنين وتنشف وتبقا حلاوة

بالنسبة للمفتاح اسأل ف التوكيل على اقرب حل هما يقدرو يفيدوك اكتر منى

شكرا لرد حضرتك بالنسبة للسينسورات انا عارف موضوع الغسلة الغلسة دى عشان حصلت معايا مرتين او تلاتة لكن المرة دى مش من المية عشان انا كنت طالع بالعربية من غير ما اغسلها وبعد كده وانا راجع من الشغل مبقتش شغالى الاتنين اللى فى النص بس هما اللى مش شغالين وبيعمل صوت غريب ورا بعض ورا بعض بسرعة زى المنبة الصينى بالظبط و الموضوع ده مش مهم بالنسبة ليا عشان انا عارف ان الحل بتاعو فى التوكيل سهل وهما هيعملوه لكن حوار المفتاح ده معكننى جدا بقى ولما كلمت التوكيل قالى ان هو ممكن يغير البرمجة بتاعتو عادى ويغيرلى كمان الكالون بتاع الباب ويدينى مفتاح كمان بس كل ده بـ 1650 جــــ والموضوع ده مضايقنى جدا مش مهم الفلوس بس لية المفتاح يضيع من الاساس

المشاركة الأصلية كتبت بواسطة salodas

أولا ربنا معاك
السنسور لازم حد فى التوكيل يشوفو
المفتاح أنا كنت سمعت أنك ممكن تطلع أكتر من مفتاح ... كله بتمنه
وممكن كمان تغير برمجة العربية وتطلع مفتاحين جداد خالص والمفتاح القديم طبعا مش هايشتغل .

يا ريت تعرفنا عملت أيه .... أوعى تكون بخيل على أخوانك

السنسور فعلا يا باشا انا مش شاغل بالى بية عشان العربية فى الضمان وهما فى التوكيل هيعملوه ولو مردوش يعملوه رخامة منهم او قالولى سوء استخدام انا هعرف اتعامل معاهم فى الموضوع ده لكن حوار المفتاح ده معكننى جدا جدا جدا وانا لما كلمت التوكيل قالى ان ينفع انى اغير البرمجة بتاعتو بحيث ان المفتاح القديم ميشتغلش وقالى ان هو ممكن برضو بغيرلى الكالون بتاع الباب الشمال ويدينى لية مفتاح تانى ولما سالتو ان انا هكون محتاج مفتاح تانى قالى موجود بس تكلفة كل الحجات دى هتبقى 1650 جـــــ

مش مشكلة موضوع التكلفة خالص غيرهم بسرعة لأن لو لا قدر الله حصل حاجه ساعتها حتقول يارتنى غيرتهم و لو بعشرتلاف جنيه اسمع نصيحتى كلابش دركسيون و تغيير السمارت كى بسررررررررررررررررررعة