الموضوع: وجه الاختلاف في السحب للسيارة ريو الجديدة بعد الالف كيلو في السحب ةالتجميع

تصدق انا بعمل كدة انا عامل 700 كم بمشي 70 - 80 ... والله كتر خيرك انك نبهتني للموضوع ده

المشاركة الأصلية كتبت بواسطة t_bmw7

اولا اي كتمه بتكون طبيعيه في اي عربيه عشان بتكون لسه فى مرحله التليين ، ثانيا العربيه ده علي حسب ما بتعودها يعني اول سواقه ليك لو فضلت تمشى بيها ببطئ يبقى ماتنتظرش سحب منها لانك خليت موتورها يلقي كسلان لاكن لو سوقتها طبيعي كأنها متلينه اصلا بس ماتدوس وماتقرص عليها هتبقي طبيعيه ، اللي حصل معايا ان كنت بسوقها بالراحه خااااالص وفضلت عاي كده لحد الف كيلو تقريبا بعدها جيت افتح المكيف وكنت واقف فى اشاره مرور وجيت اطلع بيها لاقيتها ميته خالص ، روحت الوكاله المهندس قاللي حرام عليك انت كده هتموت موتورها وطلع معايا بيها وشد بالعربيه ونزل وقاللي تعالي حرب كده ، ماشاء الله والله وكبر ماعرفتش ان دى عربيتي لاقيتها طلقه رصاصه بتجري في الشارع فنصيحه ماتعملش زي ما انا عملت وسوقها بشكل طبيعى من غير ماتقرص خصوصا فى الطلعه الاولانيه . وجرب وقوللي .

السلام عليكم يا باشا ..بص انا بنام وبحلم بالعربيه دى وبصحى اضيع وقتى كله فى انى اشوف ريفيوهات العربيه ..ارجو منك توضيع اوجه التميز فى العربيه وعيوبها من وجهه نظرك ...وقلى بقه علشان اقدر اجرب هل ادفع اجيب اول فئه اوتو ولا اقرص شويه ولازم اجيب هاى لاين علشان احس بكمالياتها الجميله ..ومين افضل مكان ...وهل اشتريها خليجى ولا الافضل فى العربيات الجديده علشان مصر حبيبتنا اخلينى فى الوكيل اضمن ...انا كنت ناوى على اللون الاحمر بجد وهمى ولا ايه رايك

أولا بالنسبة للعربية فهي بصراحة جميلة جدا وانا مش ندمان اني جبتها بل ببقى مستمتع اني ركبها خصوصا انها شكلها جديد وملفت للانتباه جد ابرغم انه ابتدت تنتشر و , ولو حتقارن بين الاكسنت ار بي والصني الجديدة 2012 فهي اللي تكسب اكيد في الخامات والشياكة والشكل .
بالنسبة لو انت عايز حاتجيبها انهو فئة فانا انصحك تجيب الهاي لاين الخليجي (السعودي) برغم انا ماجيبتهاش هاي لاين بس اهم حاجة تبقى الخليجي السعودي علشان في اردني بيحسبو خليجي بردو ... حتقولي ليه ؟؟؟؟ اقولك الفرق في الخليجي ايه والمصري : الخامات بتاعت العربية بطبقا للمواصفات الخليجية يعني بتستحمل نقحة الشمس ومعامل الصدا والحرارة للصاج بتختلف والرش بردو لان البلاد ديه بتتميز بالحرارة العاليه جدا ,,, بالاضافة ان التكييف بيفرق عن العادي اصل مش معقول بلد حرارتها 50 درجة في الصيف حتقارنا باوروبا ....
حتقولي عرفت ازاي : اول حاجة ان اتهريت بحث في الانترنت عن المواصفات السعودي او الخليجي ثانيا اـاكدت ازاي ان العربية ديه جاية من السعودية : حتلاقى ستيكر حديد ملزوق بين القايم والعتب مكتوب عليه ان السياراة مصنوعة طبقا للمواصفات الخليجية السعودية , طبعا انت ممكن تقول ما ممكن هما لزقينو حقولك لاء لسبب العربية بيجي معها كود اسمه VIN code Vehicle Identification Numberموجود تحت الببريز من تحت خالص شمال بتروح لموقع كيا ده : Global Service Way : Technical Contents Provider ولازم تعمل Register وبعد كده تاخد الكود ده وتدخله بيجبلك كل خرم في العربية .ورايحة لانهو بلد وحتى مقاس الكاوتش ووالله حاجات انت مش متخيلها جوه العربية لدرجة ان في خانه كانت مكتوب ان العربية ديه معموله للمناخ الحار يعني لو حد قلب حاجة حتعرف ان العربية اتلعب فيها ..
الفرق بين الخليجي والوكيل وده في حالة الشراء ديه حتبقى من وجهت نظرك انت وحسبتك : الخليجي ارخص برغم ان الاوبشنز اعلى فيه بكتيير والخامات انظف والله من الوكيل , الوكيل الزباله بيغلي ليه : علشان بيقعد يحسبلك ضرايب ويضيف فلوس للضمان وشويه تقليب في الفلوس زي فيلم نجيب الريحاني كده لما قاله كذا حبل للخروف وكذا اكل للخروف واكذا للخروف :)
المهم : انا معايا الخليجي السيدان اتوماتيك ولونها اسود هو اللون الاسود فيا لونو حلو هو Traditional شويه بس في خرزه لمعة كده في وبتحس بجمال العربية لما تكون نضيفة , اجارك الله لو اتوسخ على اخر اليوم ههههه , بس انا مكانش المعرض (سمير ريان) عنده غير 3 الوان الابيض والفضي ووالابيض بيني وبينك والله الالوان كلها حلوه في العربية بس هي اذواق ... على فكرة الاحمر جامد جدا يارب تلاقيه وفي الكحلي واللؤلوي والموف وفي لون بني موكا كده جامد جدا جدا ..
الخلاصة العربية تستاهل فلوسها برغم انها 1400 سي سي لكنها 108 حصان الاعلى في فئتا من الناحية ديه يعني عزم قوي جدا جدا ..
بخصوص الضمان في الخليجي ما تقلقش انت ممكن تدخلها تبع ضمان شركة تريبل ايه triple A وتروح اي وكيل معتمد على مزاجك .. حتقولي يعني انت متأكد من موضوع الضمان ده حاقولك انا خالي جاب واحده سيراتو هاي لاين خليجي وحصلت مشكلة في التكييف غييرو القطعة البايزة على حسابهم فمتقلقلش .. ولو ليك استفسار تاني قوللي يا باشا ..
من الاخر اقرص على نفسك وهات الخليجي هاي لاين ده ياراجل نازل فيها فيها طقم كاوتش كونتنتال فاااااجر ... انا حارفقلك برشور العربيه .

ربنا يوفقك انشاء الله

المشاركة الأصلية كتبت بواسطة lenovo

أولا بالنسبة للعربية فهي بصراحة جميلة جدا وانا مش ندمان اني جبتها بل ببقى مستمتع اني ركبها خصوصا انها شكلها جديد وملفت للانتباه جد ابرغم انه ابتدت تنتشر و , ولو حتقارن بين الاكسنت ار بي والصني الجديدة 2012 فهي اللي تكسب اكيد في الخامات والشياكة والشكل .
بالنسبة لو انت عايز حاتجيبها انهو فئة فانا انصحك تجيب الهاي لاين الخليجي (السعودي) برغم انا ماجيبتهاش هاي لاين بس اهم حاجة تبقى الخليجي السعودي علشان في اردني بيحسبو خليجي بردو ... حتقولي ليه ؟؟؟؟ اقولك الفرق في الخليجي ايه والمصري : الخامات بتاعت العربية بطبقا للمواصفات الخليجية يعني بتستحمل نقحة الشمس ومعامل الصدا والحرارة للصاج بتختلف والرش بردو لان البلاد ديه بتتميز بالحرارة العاليه جدا ,,, بالاضافة ان التكييف بيفرق عن العادي اصل مش معقول بلد حرارتها 50 درجة في الصيف حتقارنا باوروبا ....
حتقولي عرفت ازاي : اول حاجة ان اتهريت بحث في الانترنت عن المواصفات السعودي او الخليجي ثانيا اـاكدت ازاي ان العربية ديه جاية من السعودية : حتلاقى ستيكر حديد ملزوق بين القايم والعتب مكتوب عليه ان السياراة مصنوعة طبقا للمواصفات الخليجية السعودية , طبعا انت ممكن تقول ما ممكن هما لزقينو حقولك لاء لسبب العربية بيجي معها كود اسمه vin code vehicle identification numberموجود تحت الببريز من تحت خالص شمال بتروح لموقع كيا ده : global service way : Technical contents provider ولازم تعمل register وبعد كده تاخد الكود ده وتدخله بيجبلك كل خرم في العربية .ورايحة لانهو بلد وحتى مقاس الكاوتش ووالله حاجات انت مش متخيلها جوه العربية لدرجة ان في خانه كانت مكتوب ان العربية ديه معموله للمناخ الحار يعني لو حد قلب حاجة حتعرف ان العربية اتلعب فيها ..
الفرق بين الخليجي والوكيل وده في حالة الشراء ديه حتبقى من وجهت نظرك انت وحسبتك : الخليجي ارخص برغم ان الاوبشنز اعلى فيه بكتيير والخامات انظف والله من الوكيل , الوكيل الزباله بيغلي ليه : علشان بيقعد يحسبلك ضرايب ويضيف فلوس للضمان وشويه تقليب في الفلوس زي فيلم نجيب الريحاني كده لما قاله كذا حبل للخروف وكذا اكل للخروف واكذا للخروف :)
المهم : انا معايا الخليجي السيدان اتوماتيك ولونها اسود هو اللون الاسود فيا لونو حلو هو traditional شويه بس في خرزه لمعة كده في وبتحس بجمال العربية لما تكون نضيفة , اجارك الله لو اتوسخ على اخر اليوم ههههه , بس انا مكانش المعرض (سمير ريان) عنده غير 3 الوان الابيض والفضي ووالابيض بيني وبينك والله الالوان كلها حلوه في العربية بس هي اذواق ... على فكرة الاحمر جامد جدا يارب تلاقيه وفي الكحلي واللؤلوي والموف وفي لون بني موكا كده جامد جدا جدا ..
الخلاصة العربية تستاهل فلوسها برغم انها 1400 سي سي لكنها 108 حصان الاعلى في فئتا من الناحية ديه يعني عزم قوي جدا جدا ..
بخصوص الضمان في الخليجي ما تقلقش انت ممكن تدخلها تبع ضمان شركة تريبل ايه triple a وتروح اي وكيل معتمد على مزاجك .. حتقولي يعني انت متأكد من موضوع الضمان ده حاقولك انا خالي جاب واحده سيراتو هاي لاين خليجي وحصلت مشكلة في التكييف غييرو القطعة البايزة على حسابهم فمتقلقلش .. ولو ليك استفسار تاني قوللي يا باشا ..
من الاخر اقرص على نفسك وهات الخليجي هاي لاين ده ياراجل نازل فيها فيها طقم كاوتش كونتنتال فاااااجر ... انا حارفقلك برشور العربيه .

ربنا يوفقك إن شاء الله

انا مش عارف اقولك ايه على ذوقك وجمال صياغتك للكلام ..انتا كدا ريحتنى على الاخر ...انا مقتنع بيها تماما وريحتنى من موضوع الخليجى دا لان بصراحه قلقان جدا ..انا فهمت من الناس ان الخليجى مش بينزل منها غير لونين الابيض والاسود بس ...يعنى انا عاوز الاحمر فعلا ممكن الاقى منها خليجى هاى لاين سيدان؟؟؟؟.و شكرا ..

انا مش متأكد من موضوع الوان الخليجي ديه بس ان زميلي في الشغل لسة مستلم كارينز خليجي وكانت في الوان متوفرة منها بس خلصت ... خد بالك اصل الخليجي الاستيراد بتاعه مش كتيير زي الوكيل فحتلاقي الالوان محدوده فمثلا المستورد ممكن بيحيب 200 عربية متنوعه ما بين كارينز وسيراتو وبيكانتو وريو ... بعكس الوكيل

الهاي لاين الخليجي ليدات ورا وقدام .