شقتي اتسرقت لتاني مرة ... هتجنن !

**AhMeD EzZ** · 28-06-2012 06:37 PM

الشقة عندي من كام شهر كانت اتسرقت .. كان 3 شقق حاولو يفتحهوهم و الحمد لله جت فينا احنا لان

الكالون اصلاً كان ناعم شوية فاتفحت و احنا نايمين و اتاخد لاتوب و 5 موبايلات و 300 جنيه للطواريء بيبقوا

محطوطين في النيش ... استعوضت ربنا و غيرت كوالين الشقة

النهاردة بقي اتسرقت تاني .. اتاخد موبايلي و محفظتي كان فيها 250 جنيه و بطاقتي و رخصتي و رخصة العربية و كريديت كارد

و محفظة والدتي كان فيها مبلغ و رخصتها و بطاقتها

المرة دي هتجنن مفيش اي علامات كسر في باب الشقة و لا الشبابيك ... مفيش حد غريب بيخش غير اصحاب اخويا و دول شباب محترمة

هتجنن !

**Screenplays** · 28-06-2012 07:14 PM

انت ساكن في الدور الكام ؟

طول ما مفيش كسر في الكوالين يبقي الناس دخلوا بنسخه من المفتاح

هي مفاتيحك ضاعت قبل كده ؟ مين معاه مفاتيح الشقه غيرك ؟

**FunnyMickey** · 28-06-2012 07:18 PM

راجع النسخ كده بتاعت الكوالين وشوف مع مين
اسأل اهلك كلهم حد ضاع منه مفتاح قريب
وان شاء الله خير

**amr5500** · 28-06-2012 07:33 PM

مرة اتسرقت من زميلي ايام ما كنت في الجيش
وكنت قاعد لوحدي ايامها اخد المفتاح من غير مااخد بالي ونزل عمل عليه
وبعد كام يوم الشقه اتسرقت واتفتحت بالمفتاح من غير اي كسر
وطبعا كان عامل حسابه انه ينزل بدون تصريح رسمي
فما اقدرش اثبت انه سرق لانه مفروض انه بايت في الوحدة

**PANERAI** · 28-06-2012 07:42 PM

غالبا و الله اعلم حد من اصحاب اخوك عمل نسخه علي المفتاح و اخوك مش واخد باله

**mody3on** · 28-06-2012 07:51 PM

تقريبا في نوع من المفاتيح بيبقى مشفر مينفعش حد يطلع عليه , لو ده حقيقي ممكن تعمل كالون كده وتحرص على المفاتيح ومتديهاش لحد خالص

**bHa2** · 28-06-2012 08:06 PM

لا حول ولا قوه الا بالله
ربنا يعوض عليكم
سرقه الشقق منتشره جدا اليومين دول
في كوالين مفتاحها عريض كده
زي دا

ممكن تجيبه
ووممكن كمان تعمل دايره تركب ع سرينه
وتبقي شامله كل ما يمكن دخول الشقه منه
شباك باب بلكونه
انا مليش ف الكهربا اوي دي مجرد فكره جت ف بالي حالاً
بس لو سئلت حد ف الحكايه دي ممكن يظبطلك الموضوع
وبرضه تركب ع تليفون ينبهك لو حصل حاجه زي كده
كان في مواضيع هنا لناس عملت كده ف العربيات بس للاسف مش لاقيها
اما الدايره بتقفل معناه ان العربيه اتفتحت والتليفون يتصل بيك
ممكن ساعتها تكلم البوليس او حد من الجيران لو انت مش قريب من البيت
وع فكره دا حد عارف مواعيد دخولكم و خروجكم
وعارف ان ف الوقت دا محدش موجود

**MRBEBO** · 29-06-2012 12:58 AM

بص يا باشا اي بي كاميرا مع موشن ديديكتور وطبعا قفل محترم

ولو طلبت كمان جيب باب مصفح بيبقى فيه 6 كوالين وانسى اي حاجة

وحتى لو حصل حاجة لا قدر الله الصور بتتبعتلك على الميل علشان الموشن ديديكتور

وساعتها هتقدر تحدد مين المطلوب ... على فكرة فيه كاميرات بتبقى هدين ومش معروف انها كاميرا

على شكل لمبة مثلا او ديكور ومش بتبقى معروفة

لما تيجوا تناموا تقفل الترباس وتقفل الكوالين من جوه بالسكات مش تخلي اللسان بس

وممكن حل ارخص من الباب المصفح تعمل باب حديد على باب الشقة وتعمل زاوية حديد للباب الخشب من جوه

**GMC** · 29-06-2012 01:50 AM

ركب كاميرا وخلاص حصلت لصاحبي وركب كاميرا برا باب الشقه وجوا الشقه من يوميها محصلتش تاني

وهو كان شاكك في حد من قرايبه d: وطبعا بعدها بفتره قالي عارف الكاميرا الي كانت بره كانت كاميرا دومي

هههههههههههههههههه مش حقيقيه بس كانت عامله شغل بس الي جوا الشقه كانت حقيقيه d:

وطبعا ربنا هو الي بيحفظ ده حتى ايام الثوره كان في عماره في اكتوبرا اتسرق منها دور كامل اغلبهم مسافرين

ما عدا شقه واحده بس في الدور ومكنش عليها باب حديد زي الباقين ولا اي وسيلة حماية يدوب كالون عادي

وكان اخوه زميلنا في الشغل كان دايما لما بيقفل باب الشقه بيقول اللهم انى استودعتك مالي وداري فاحفظهم بحفظك يا من لاتضيع ودائعه