مشكلة زجاج الكهرباء بتاع السيفيا

**bazooooka78** · 29-06-2012 03:38 AM

يا جماعة حد يفيدني
انا معايا سيفيا 99 والزجاج الكهرباء اللي جنبي واللي وراه مش عايز يفتح .. مع العلم ان الناحية التانية بتفتح عادي جدا .. ايه الحل

**mohamedzeineld** · 29-06-2012 10:34 PM

انا هحاول اقللك على حل والله اعلم هينفع ولا لأ هتروح عند كهربائى او انت ممكن تعمل الكلام ده تنظف مكان الازرار بالهوا كويس وترش فيها منظف البورده بتاع الكمبيوتر ابو 25ج لو منفعش تروح عند الكهربائى تخليه يفك مجموعه الازرار ويكشف وصلهم كهربا ولالأ ولو بيظه خالص تروح تجبللك وحده من ا لوكله بس منسبقش الامور جرب الاول ومش هتخسر

وطبعا ده كله لو مكنتش غسلت العربيه ودخلت ميه فى مجموعه المفاتيح

**m_adeleid** · 30-06-2012 12:47 AM

تشخيص العطل كده مش سهل لان ممكن يكون اكتر من حاجه و تعمل نفس المشكله دي
لازم تروح لكهربائي

**elhelawy** · 30-06-2012 06:05 AM

المشاركة الأصلية كتبت بواسطة bazooooka78

يا جماعة حد يفيدني
انا معايا سيفيا 99 والزجاج الكهرباء اللي جنبي واللي وراه مش عايز يفتح .. مع العلم ان الناحية التانية بتفتح عادي جدا .. ايه الحل

الموضوع بسيط جدا يا باشا المشكله مشكلة ( فيوز ) ركز معايه وانت اللى هتغيروا بأيدك و المشكله هتتحل بأذن الله
هتفتح الكبوت بتاع العربيه هتلاقى على ايدك اليمين بعد فلتر الهواء علبة الفيوزات لونها اسود وهتلاقى زى مسمار بلاستيك فى نصها لفوا لحد ما يتفك و بعد كدا هتشيل الغطا هتلاقى تحتيه الفيوزات قدامك لف الغطا اللى انت شيلتوا هتلاقى خريطة الفيوزات مرسومه فى ظهره هتبص على فيوز رقم 17 فى الخريطه هتلاقى مكتوب قدامه p/w Rh 20 A هتبص مكانه فين فى الخريطه وبعدين تشيله هتلاقيه ضارب و تحط مكانه واحد تانى جديد 20 امبير بردوا بس نصيحه ما تجبش فيوز صينى علشان ده اللى بيعمل المشاكل دى كلها انا كنت بحط عندى فيوزات ايطالى ممتازه بصراحه
بالتوفيق ان شاء الله