ارجوا المساعده بسرعه من اهل الخبره فى المنتدى ايهما افضل نيسان صنى الجديده 2013 ولا سانديروا اوتوماتيك ويريت لو سمحتوا توضيح السبب
عرض للطباعة
ارجوا المساعده بسرعه من اهل الخبره فى المنتدى ايهما افضل نيسان صنى الجديده 2013 ولا سانديروا اوتوماتيك ويريت لو سمحتوا توضيح السبب
بص الصنى لسة عربية جديدة ولسة فية ناس كتير ما جربتهاش وبالتالى لسة عيوبها ما ظهرتشى واسال على السانديرو فى قسم رينو انا عن نفسى السانديرو بتعجبنى بس بيقولة قطع غيارها غالية وخالى بالك الصنى بردة قطع غيارها مش رخيصة
صنى الجديدة طبعا
مع انى معايا رينو لوجان وبحب السانديرو اوى
السلام عليكم السانديرو احسن في الموتور(105حصان) والفتيس استيب ترونيك والصالون والشكل والسعر ودة راي الشخصي(علي فكرة موتور وفتيس السانديرو نازلة بيهم mcvمن حوالي سنتين ونص ومفيش منهم مشاكل) لاني بصراحة لما شوفت صالون الصني الجديدة وفرش الابواب اتصدامت من الخامات فيما عدا ذللك الصني افضل كعوامل امان وباور كهرباوشنطة وكل حاجة وربنا يوفقك للخير ان شاء الله .
بما أنك لسة جديدة فأنتى لازم تعرفى أن سعر أعادة البيع هيكون للصنى وبجدارة ....
الشعب المصرى بيعشق أى حاجة كورى أو يابانى لكن الأوروبى دة مابيكلش معاة (دى ثقافة شعب مصر) ....
أشترى عربية ليكى وللسوق ....
وماتقوليش أنا مش بشترى عشان أبيع لأن دى حاجة فى علم الغيب ....
أفرضى أنك أتزنقتى فى فلوس لأى سبب هتعملى أية؟؟!!
أكيد هتضطرى تبيعى العربية و يوم ما تبيعى حاجة يابانى أو كورى غير ما تبيعى أوروبى ....
الأوروبى أيآ كان بيخسر جامد و هتتعبى لحد ما تلاقى مشترى ....
لكن الكورى واليابانى بيتباع فى ساعة فى سوق السيارات وهتلاقى بدل المشترى 1000 ....
اللوجان سعر اعادة بيع عالي + بياعة والسانديرو شرحه.
الصني الجديدة لسة مانتشرتش وممكن من الآخر ماتنتشرش ودي حاجة محتملة.. ما الكورسا السيدان عملت البدع في 4 سنين ونفس الكلام الأسترا 2000.. الموديلات اللي بعدها مانتشرتش نهائيا..
نفس الكلام (أو يبان بشكل أكبر بكتير) علي اللانسر.. أعتقد كله عارف الفرق بين البومة والشارك رغم ان الشارك موديل أجدد بس مانتشرتش بأي شكل..
مانقدرش نحكم علي سعر اعادة بيع عربية لسة ماشفتش منها ولا واحدة في الشارع.
حاجة كمان..
الصني (منهم لله) تجميعها زي الزفت.. واللي مش مصدقني يروح المعارض بس مايبصش علي عربية ال test drive اللي عندهم يدور علي واحدة حاتتباع للمستهلك.. ويشوف كمية الهبل.. بعيدا عن التابلوه اللي رايح في داهية خامات وتصميم (بينافس اللادا سامارا) فا تقفيل التابلوه نفسه من السوء لدرجة بجد انه بينافس سوء تقفيل تابلوه الأفيو.. بلاش تعالي برة.. مافيش فانوس يوحد ربنا ماشي مية واحدة مع أي حاجة حواليه.. طبعا غير الدهان اللي فيه بقع أو حاجات غريبة ع الحروف.. غير كاوتش الأبواب والسقف اللي محطوطين أي كلام زي ما يكون اللي حاططهم مراته جالها الطلق وعاوز يلحق يوديها المستشفي تولد.. غير خامات الأبواب نفسها اللي تخليك مشمئز منها.. وملاحظات تانية للأسف ماعينتهاش لأني اصبت بخيبة أمل كبيرة وانا ماشي ومستخسر أدفع حتي 80 ألف مش 100 ألف في الصني اللي ودوها ف داهية.
وبعدين قبل ما حد يتكلم يتأكد.. مافيش حاليا نيسان صني ياباني.. اليابان خلت عربيتها الأساسية هي التيدا أما الصني تصنع بالكامل في كوريا.
أنا الحمد لله استخرت ربنا بين الصني والسانديرو الأوتو وأديني مكمل حجز السانديرو.. بس للعلم بالنسبة لي دي مرحلة انتقالية (فلوسي رايحة ف تجهيز الشقة وتحويش وكدة) حاقضي بيها سنتين وان شاء الله يكون كرمني أبيعها وأجيب حاجة عالية شوية. فا السانديرو برضه مش حانصح بيها كا حاجة تكملي بيها فترة طويلة..
شوفي الأكسنت أر بي أول فئة أوتو برستيج كويس وعربية نضيفة برضه طالما مش ناوية تعدي 140 ك/س بالعربية. وبلا abs بلا بطيخ احنا مش في دولة مليانة تلوج ورملة ناعمة عشان العربية تزحلق.
صني ..
لان الصنى فئة اعلى من السانديرو
+ هيكون بيها 2 اير باج و 3 انظمة فرامل و 6 فتحات تكيف و 1500 cc