علبة دركسيون النترا 2007

**youssef1967** · 30-06-2012 01:23 AM

السلام عليكم - لاحظت ان العربية بتاعتى فى المطبات فيها نقر فى العلبة تنصحونى بأيه تتصلح ولا اجيب استيراد ولا جديد ومن فضلكم اجيب منين سواء كان استيراد او جديد - ولكم جزيل الشكر

**enghany** · 30-06-2012 09:59 AM

الزميل المحترم
اولا اتاكد انها العلبه لان الوصله بتاعه الصلايب لو مفكوكه ممكن تعمل معاك نفس الصوت
تاني حاجه لو اهي العلبه موجوده جديده اصلي ب 1000 جم في السوق و بلاش الاستيراد

**bmya** · 01-07-2012 02:12 AM

علبه الدركسيون دي كهربه ودي بتخبط في معظم العربيات الكهربه عموما انا كانت بتخبط عندي في السيريون برده في انلقر والمطبات المهم التوكيل قالك تتغير عشان بكام ب 4000 جنيه طبعا نفض لهم
روحت لعفشجي فكهالي وربطها وغيرلها جلبه وشحمها وركبها تاني وبقيت زي الفل ومكتومه والعفشه نعمت جدا كام ياعم 60 جنيه
روح لاي عفشجي خليها يظبطهالك

**bmya** · 01-07-2012 06:29 PM

انا للاسف ياباشا مش من القاهره انا من المنصوره
لكن عموماهي سهله مش صعبه وممكن اي عفشجي بتتعامل معه تقوله وان شاء الله بسيطه

**bmya** · 02-07-2012 11:25 AM

شكرا على ردك يا باشا
بس طبعا اكيد في حالات العلبه فيها بتكون بايظه خالص ومش بتنفع تتصلح ودي اكيد هتبان من الكشف عليها وانا مقولتش ان ده ينفع في كل الحالات لكن غالبا هينفع ان شاء الله
بس الكشف ده ميكونش في التوكيل ليه بقه لان التوكيل مش بيصلح بيغير على طول يعني حتى لو العلبه تنفع تتصلح هو هيقولك تتغير فالاحسن انك تروح لعفشجي نضيف وثقه يكشف لك علبيها لو تنفع تتظبط يبقى خير وبركه ونبق وفرنا 900 جنيه من سعر العلبه الجديده لو مش نافعه يا سيدي نبقى نغيرها بس كده
بالنسبه بقه لحوار تقل الدركسيون
الباور الكهربه اصلا بيكون ناعم وخفيف جداااااااااااا مش زي الزيت ولذلك نسبه التقل في الباور هتكون مش ملحوظه او بمعنى اخر مش هتضايق منه عموما انا كلامي ده بناءا على تجربتي في عربيتي دايهاتسو سيريون دي اللي انا مجرب فيها الحوار ده وانتم ادرى بيعربيتكم انا قلت اقول تجربتي جايز تفيد حد وخلاص يعني مش هتضر ومش هنخسر حاجه لو روحنا لعفشجي وشوفنا هتنفع تتظبط ولا لاءه واحنا اولى ب 900 جنيه الفرق دول نفعت يبقى احنا كسبانين ما نفعتش مش هنخسر حاجه برده ونجيب الجديده